السلام عليكم

يا اخوان ابي استفسر منكم
قدمت على وظيفة وقالولي يبون برنت من التامينات وكم غرض
رحت للتامينات قالولي مانعطيك برنت لان انت موب مسجل من قبل
وكلمت الشركة قالولي لازم تجيب من النت
اللي يعرف الطريقة ياليت ينورنا


في انتظاركم
مع السلامة...,

شوف الشركه الي انت فيها ياعبيطه ياتستععبط

ياخي انت ما اشتغلت قبل كذا طيب قوله كيف اجيب برنت

اذا مايفهم قوله هالكلمتين : ياخذ نموذج من موقع التأمينات ثم يعبيه وتوقعه انت ويرفق شهادتك وصورة بطاقة الاحوال ثم يرسلها للتامينات عن طريق معقب الشركه

بس....

والله مدري كيف النظام الـ.....

انا كاتب هذا الموضوع وقت مادقو علي قالولي عندك مقابلة وقلت شلكة مو لازم برنت

المهم رحت سويت مقابلة ولاعندي برنت وسئلني عن البرنت قلت له رحت للتامينات وقالولي مانعطيك وسجل في الورقة اللي اعبيها بياناتي -ناقص برنت تامينات-قالي اجل تجيبة من النت قلتة شلون على اي موقع اخش قالي موقع التامينات وقالي خذ رقم الفاكس من الاستقبال

اول مارجعت شغلت الكمبيوتر وخشيت موقع التامينات واحط رقم الاثبات وتجي صفحة بيضة
واخذ الجوال واشيك ونفس الصفحة
وطلعت لمكتبتين قالولي على مايبدون ان فيه عطل في السستم
قلت صبر جميل والله المستعان
اليوم اللي بعدة طبعت له التحقق من الاشتراك ورسلتة

وفي نفس اليوم دقو على 2 من اخوياي (كلنا مسوين مقابلة نفس اليوم) واحد من اخوياك نفس عمري نفس الشهادة مافي فرق بينا الا انه هو عندة برنت وانا لا (هو مسجل في التامينات من قبل )

دقيت على الشركة ودار بينا حديث
الزبدة انه مادرى عن الفاكس

وانا الحين انرفضت مدري السبب من البرنت ولا مانجحت في المقابلة (مع انة ما اتوقع لان سالت اخوياي شنو سالوكم وشنو جاوبتو يعني اقول عن نفسي اني ما اخطيت )


حسبي الله ونعم الوكيل

الله يعينك

عموما هذا يبغى يستقعدلك ,. عندي لك الحل ,,

ادخل على هالرابط http://www.gosi.gov.sa/portal/web/gu...stration-state

وسجل رقم بطاقة الاحوال ثم اضغط استعلام ,.
بتطلع لك هالعبارة " أنت غير مسجل في نظام التأمينات الاجتماعية"

اطبع الصفحة كاملة ووديها له وقله موظف التأمينات طبعها لي وقالي إذا في اي استفسار اتصلو على هالرقم 8001243344

اسعى ولا يزعجك هالموضوع ..... الله يوفقك

^^^^^
والله ياخوي احين مافي امل لان الشركة اللي عليها الكلام خلاص ماعاد فيها مجال للتوظيف (امتلت حاليا)

بالنسبة للطريقة اللي قلت هذي هي اللي انا طبعتها ورسلتها على فاكس الشركة

وكلمت التامينات عن طريق موقعهم شرحتة له حالتي (كلمتة عن طريق الايميل)

ورد علي علي يقول
لايمكنك طباعه اي شئ اذا لم يكن لديك مدد سابقة في التامينات
في حال اتضح عكس ذلك (يعني اذا كنت مسجل) يمكنك الاشتراك في خدمة اون لاين وطباعة ايصال مدري ايش

هذي الزبدة
مشكله اني حذفت الرساله ولا كنت بلصقها هنا

صبر جميل والله المستعان