السلام عليكم

انا حابة ابدا بمشروع صغير في ملابس اطفال او مستلزمات نسائية من شنط وساعات واكسسورات وملابس ..وصار لي فترة ثلاث شهور ابحث واقرا شلون القى بضاعة بالجملة بسعر حلو واقدر ابيعها بربح حلو فلقيت عندكم بالرياض سوق الجملة مختصة بالامور اللي ذكرتها الى هني كلشي تمام بس ماعندي تفاصيل اكثر والمنطقة بالنسبه لي بعيدة فحبيت اطرح موضوع القى فيه معلومات اكثر واتمنى تفيدوني وجزاكم الله خير ...

اول سؤال كون منطقة الرياض بعيدة هل فيه سوق جملة اقرب لي مثل الدمام ؟ وان كان فيه سوق جملة هل بضايعهم مثل اللي بالرياض لان اشوف اكثر سوق جملة يتكلمون عنه هو الرياض وجدة

ثاني سؤال بالنسبه للبضائع الموجودة بسوق الجملة في الرياض شلون جودتها مثلا الشنط التقليد والساعات وملابس الاطفال هل هي درجه اولى ولا اي كلام ؟ يعني هل يسوى العنوة

واخيرا اللي عرفتة ان اسواق الجملة كلها قي منطقة اسمها البطحاء مادري اذا معلوماتي صحيحة مثل التعمير والمرقب والشمسية وغيره اذا كنت غلطانة صححوا لي وخبروني اي افضل سوق من ناحية الجودة؟ وكم سعر الحبة للجمله حق الشنط التقليد والساعات و ملابس الاطفال ابي اروح وعندي خلفيه خصوصا المنطقه بعيدة واول مرة اروحها طبعا زوجي اللي بياخذني وبيكون معاي

واو عندكم اي شي ثاني تفيدوني فيه اتمنى ماتبخلون علي فيه بانتظاركم ....

حياك الله أختي بنت البحرين
هالأماكن كلها اسمع فيها
يمدحونها حييييل وهي الأشهر


أتمنى لك التوفيق ويجي من الأهل الخبره من يفيدك

حيا الله
ووودي افيددددك بس مالي خبره كثير بالأمور هاي بس اكيد بتختلف الأسعار بكل منطقة عندنا بجدة مثلاً سوق الصواريخ يبغالك يومين تفررين فيه بس مادري ايهما افضل بالاسعار جده او الرياض
عموما لة لك معارف بالصين اوو تعرفين احد يجيب ملابس واكسسوارات وشنط ومضمون افضلك فالاسعار تكون ارخص بكثيررر

في جدة في شغلات ممتازه وعلي قد الفلوس تاخذ الجوده الي تبي

حياك الله أختي من البحرين ..
أدخل بالموضوع دايركت لأني ولله الحمد بحثت طويلا بالموضوع أكثر من سنه .. وأشتغلت فيها .. ولي خبرتي بأسواق الجمله بجده وهيا الداعم الأول لأسواق المملكه جميعها ع الصعيد المحلي
أما الصعيد العالمي أنصحك بالصين فيها الأم والباقي الفروع ..
بالنسبه للبضايع تقليد الماركات ممنوعه دوليا حتى جلبها من الصين إلى السعوديه أو أي دولة أخرى ممنوعه وتتصادر من الجمارك ولكن لكل ممنوع حيله , وبعض الحيل الحمد لله درستها بأتقان وأن شاء الله ما ندخل بالحرام .. ( سألت أهل العلم ومشايخ فيها )
لي علاقتي مع تجار الجمله بجده والحمد لله أخذ البضايع بأقل مما ياخذونه تجار القطاعي..
إذا تبغي أدلك ع محلات الجمله لأي سلعه أو تبغي أخدمك في جلب البضايع اللي تبغيها من جده دنا قاهز
وأي شخص يشوف ردي ,, وعلى فكرة عندي أستطاعه أن أجهز محل كامل متكل بأذن الله لكل من يريد وأوفر له المكان المناسب وإذا عنده مكان خير وبركه .. ( نفع وأستنفع )
فيا خير وفير الحمد لله بس للأسف ماكو حركه من قبل المجتمع السعودي , الكل جالس ع راتبه وأخر الشهر يدور مين يسلفه وعلى هذا الموال .. وحج ي حاج .. وخلاص من زين يا حبكم عزنا خخخخ
الحركه بركه , تسع أعشار الرزق بالتجارهـ ..
الأجانب أكلونا بديارنا إلى متى أيها الشعب السعودي وأنت تغض في نومك العميق ,, ف التستيقظ وتبدأ حياتك بتجارة تأمن مستقبلك ومستقبل أولادك وأحفادك وذريتك ...
من يريد التواصل فأرسل رسالة من جوالك تحيي بها آمالك التجاريه ومشاريعك النائمه ..
وعندي كذا مشروع مسوي له دراسه كامله تامه غير الملابس الشنط والأكسسوارات .. إلخ
ومتواصل مع تجار ليس الجمله بل تجار المصانع اللي تجار الجمله ياخذون من عندهم ويبيعونها لتجار الجمله وتجار الجمله يبيعونها لتجار القطاعي ومن ثما تصل للمستهلك
إذن البضاعه تمر ع كذا تجار يستسلخ بها جيب المستهلك ولكي تصل إلى المستهلك لا يبقى في جيبيه المسكين الفقران الطفران المتقطع من جوع المال شياءً
المصنع > تجار الجمله > مرات يكون فيه مندوبين أمو موزعين ولهم فائدتهم > تجار القطاعي > ( أخونا الحبيب المسكين الحليوا المستهلك ) كان الله في عونه
هذا رقمي **********واتس اب
أو إيميل

نرجو عدم وضع وسيلة اتصال ع العام~الإدارة

اختي بالنسبة لتقليد الماركة فهي ممنوعة عندنا واكيد عندكم فدخولها للبحرين بيكون تهريب يعني مو كل مرة تسلم الجرة
اما اذا كنتي عندك طريقتك الخاصة و مصرة على هالموضوع فانصحك بدبي لان اسعارها افضل واسواقها اكثر

جربي دبي

جدة

البلد : الخاسكية الهنداوية

الرياض المرقب البطحاء

هلا في بنت البحرين
جدة افضل لك بكثير او اتجهي لدبي

اخوي داقض معي تربح حلو الاسم
ياليت ترسلي رقمك على الخاص لأني ما قدرت ارسلك ما ادري ايش السبب