السلام عليكم ورحمة لله وبركاته


سأحكي لكم معناتي والتي ضاقت بي الأرض بمن فيها ولا استطيع ان احكيها لاحد , بل انني لم اجد حل لهاذه الضائقة

لجئت الا ربي سبحانه وتعالى وانا ميقنة انه لا ميسر لي في هاذه الضائقة احد سواه , ولازلت ميقنه حتى أموت ..

ياخوان انا اختكم ريمه عمري 24 سنة توني متخرجة والحمدلله توظفت بشركة وراتبي 5.322 الاف ريال واختي التي اكبر مني متوظفة كذلك


أبي يبلغ من العمر 57 سنة تقاعد قبل سنتين من وزارة الزراعة ..


نسكن في منزل أيجار وأبي لديه بعض الالتزامات ولم نستطيع طوال تلك الفترة من شراء منزل بل كان حلم العائلة ان يكون لنا منزل ملك ,,, بعد ماتوظفت شاورتني اختي بأن نتضامن انا واياها وابي سيأتيه خدماته وما الى ذلك ونشتري منزل وشاورنا ابوي ووافق على ذلك وعند مانزلت خدمات ابوي قرابة 200 الف وقدم على قرض في الراجحي واخذ فوقها 100 الف من الراجحي واصبحت 300 الف واختي دبرت 90 الف قرض وباعت طقم ذهب وصار معانا 390 الف ودبرت انا قرض من الراجحي كذلك 70 الف وصار معانا 460 الف


بعد كذا دورنا وحاولنا نحصل بيت يصلح لنا ولكن للأسف مافيه شئ اقل من 900 الف يناسب لنا بسبب كثرة عددنا كعائلة حاولنا ندبر مبلغ اضافي وحصلنا شخص بجماعتنا قالي اقدر اقسطكم

وقدرت اخذ انا منه 50 الف واختي كذلك 70 الف وصار معانا 580 الف



ماحب اطول عليكم واختصر لكم الكلام كله المبلغ ماكفى ابد حصلت شخص يسوي توصيات في الاسهم بس شفت كثير يقولون عنه كلام زين وزي كذا بعدها فكرت شلوووون نوصل المبلغ على الاقل 800 الف عشان نقدر نشتري هالبيت

بعدها قلت لاختي ان فيه وحدة زميلتي تعرف بالاسهم وزي كذا وصراحة انا كذبت عليها ماقلت لها انه شخص ماعرفه بس كنت خايفة من ردة فعلها لو قلت لها انه شخص .. بس رفضت وقالت كثير يخسرون بالاسهم وانتي تعرفين ان هالفلوس ماجتنا الا بعد الموووت والتعب حاولت افكر افكر بس كانت داخله هالفكرة براسي لان شفت توصية له من 33 ريال بعدين وصلت 250 ريال تقريبا في شهر واحد بسسسسس لو اشتركت معه كان صار معنا مليونين يمكن بعدها اقتنعت بالمرة وقلت لاختي وعلمتها عن التوصية حقتها هذي واقتنعت اختي وقالت لايروح تعبنا انتبهي ومن هالكلام وزي كذا بس المبلغ كان في حسابها قلت لها لاتخافين وراحت عند البنك بعدين سوت محفظة اسهم واعطتنني بيانات حقتها وكلمت الرجال وقلت له عن سالفتنا وزي كذا وقالي انا لي نسبة 2% بس عشاني بخدمكم وزي كذا انا مابي حاجة بس بخدمكي لله قلت له الله يجزاك خير يارب واعطيته بيانات محفظة بعدين قلت له لاتدخل السهم الحرام ابدا ابدا حنا نبي فلوس الحلال قالي خلاص المهم انا بقيت اكلمه على الواتساب وزي كذا اشوف وش سوى لان ولله ماعرف للمحفظة حقت الاسهم والحاجات هاذي قالي انا ربحت الحين بس من سهم حرام بس من محفظة ثانية ,, قلت له ياخوي مانبي سهم حرام لوسمحت قالي ماعليك بس حبيت اوريك يعني وزي كذا بعدين سالته قلت كم تقدر تخليها توصل عند 800 الف كم وقت تحتاج قالي عطيني 3 شهور بس لاتشغليني خليني اركز بالسوق قلت له خلاص بعد 3 شهور ان شاء لله موعدنا بعدين انا ارتحت وقلت يارب اكتب لنا كل خير ..


بعد 3 شهور كنت اقوله المدة خلصت وش صار معاك وزي كذا ماكان يرد علي بالوتساب وحاولت اكلمه بعدين حسيت انه يتهرب صراحة بعد كذا بصراحة خفت من الموضوع كنت ابي اعرف وش صار بس وانا ماعرف ادخل عند المحفظة هاذي بعدها رحت للبنك وجيت عند الموظفة وعطيتها البياانات وقلت تكفين شوفي وش صار بالمحفظة حقت اختي وهي ماتقدر تجي ومن هالكلام ويالله يالله اقتنعت وفتحت عليها وقالت لي المحفظة فيها 22 الف ريال !! قلت انتي تستهبلين او ايش قالت يختي انا ماستهبل قلت مين سرقها وش سالفة قالت لي هاذي عمليات اختك يمكن خسرانه قلت لها يختي هي ماتعرف شئ كيف صارت 22 الف قالت لي شوفي العمليات الي صارت عليها قلت لها انا مافهم شئئ فهميني انا معطيه المحفظة وحدة تشتغل فيها قالت اكيد صرفت عليك لان كل الاسهم الي داخلتها منهارة وزي كذا !!


بعدها حصل لي زي الصدمة صراحة ولاقدرت اتحرك من الكرسي عندها وقالت لي ووسعي صدرك هاذي فلوس تروح وتجي ومدري ايش طلعت من عنندها وجيت للبيت وانا فيني صدمة ولا ادري ايش اسوي اختي سالتني قبل فترة قلت لها امور زينة ان شاء لله ياخوان تكفون وش اسوي وش الحل انتحر ولا ايش تعب وشقى سنين بيروح باردة مبردة ولله ثم ولله ياخوان راتبي وراتب اختي وابوي يالله يالله يكفينا بعد هالقروض والسلفيات اقسم بالله ايجار بيتنا لو يحل مانقدر نسدده لو نطير للسماء لو تخرب سيارة ابوي تورطنا صراحة وامور كثيرة مترتبه ماقدر اقولها صراحة دلوني على حل انا اخطأت صح بس انا نادمة الحين والرجال الي اعطيته المحفظة كل الناس يمدحون فيه مادري ليش سوى فيني كذا ولله مادري ليش


في النهاية مادري ايش اقولكم صراحة ولله ياخوان ما زودت ولا نقصت من الواقع مقدار ذرة ويدي شهيدة علي يوم البعث ..

والله يا أختي مدري أيش أقول !؟
بس العذر منك ليه يا أختي تغامرين بشيء مو زايد عندك وزي ما راح يجي : (...بس كانت ودك بالملك
ماعليه هاذي قرصة لا تتكرر ...وراتبك مره أقتصدي فيه وأدخلي بجمعيه بمبلغ بسيط ومع ناس مضمونين غير كذا لا تدخلين أبد
توفير + جميعه = يارب توصلون حبه حبه لو بعد كم سنة قصيرة
الله ما ينسى عباده الله يعوضكم خير ...

الله يعوضكم خير ,
مثل م قالت اترجة جمعية او تسلفي المبلغ وسددي بالاقساط من راتبك .

؟جمعية وين راتبي مايسمح ولا فيه حل لله يعين لبنك مايرجعون هذي فلوسس لو اقولهم لقصة حقتي

يا ليت ما استعجلتي ، فيه بيوت حلوة على ٦٠٠ الف و ٧٠٠ الف
لكن قدر الله وما شاء فعل


الحين راتبك بعد قرض البنك كم يصفى منه ومتى يخلص ؟
والسلف اللي اخذتيه من قريبكم متى يبغاكم ترجعونه

حاولي تدرسي وضعكم المادي الحين وكيف توازني الامور

اختي الحين انسى الي راح فكري في الخطوة الجاية ما يفيد الندم كم يصفى من راتبك وانتبهي لا تقولي لابوكي اذا كان مريض او تعبان وحاولي تسترجعي الامور حبة حبة الله يفك ازمتكم يا رب

[align=center]الله يرزقكم الرزق الحلال ويوفقكم في حياتكم ويفتحها عليكم
[/align]

ادعي الله والزمي الاستغفار الله مسبب الاسباب بغير سبب ان شاء الله تنفرج

الراتب مايصفي منه لنا كلنا الا 4 الاف ريال لان احنا ندفع قسطين انا واختي ففقط ابوي الي يصفي له من راتبه اكثر ياخواان ولله ضايقة فيني هالدنيا وشايلة هموم كثيرة من ردة فعل ابوي واختي وامي واهلي كلهم دمرت حياة اطفال وكبار بسبب غبائي وحسبي لله على من كان السبب بس حسبي لله عليه يارب يموت موتة شنيعة انه مجيب دعوة المظلوم تواصل معي عضو وحط الدنيا في نظري انها بخير وانه بيساعدني مع اني ماطلبت الا مشورة لاني عارفة ان مافيه احد بيساعد بالمجان واخر حاجة طلع يبي يستغلني طلعات وخرابيط وهو عارف نفسه زين ماودي افضحه ابيه يرجع لربه ويتذكر خطائه ولله انا بحالة ماحد يتمناها في اعدائه فما بالك احبابه