قصيدة مبكيه لأسير سعودي بأمريكا ((مشتاق للمسجد مع اللي يصلون

الحب لولا عيونك · #1 (**permalink**) 25-05-2008, 04:01 PM

السلام عليكم ورحمة الله وبركاته

:

هذه القصيدة لاخونا في الله / نايف اليوسف

( نسأل الله العلي القدير أن يعجل بفك أسره )

المسجون بسجن / لايمون .... بولاية / كلورادو الأمريكية .. منذ اكثر من ست سنوات ...

كتب هذه القصيدة المبكية لشدة شوقه ولهفته على والدته المكلومه ..

والتي تنتظر عودته لها بفارغ الصبر ..

:

سادس سنه في ديرة الغرب مسجون
سجن الغثى والبهذله والأذيه

سجانهم قلبه من الكره مشحون
عنده حياتي أو مماتي سوية

هذا رمضان أقبل وأنا فيه محزون
يارب هون مشكلاتي عليه

وسط السجن مابه معي من يصومون!!
مسلم ومن حولي وجيه أجنبيه!!

دايم حزين وضايق الصدر مغبون
مليت من جو السجن والأسيه

يمه كفاية وقت الأفطار تبكون!
تبون نايف مالكم مقدريه

ودي يايمه بينكم بس وشلون!!
ودي بتمره من يدينك هنيه!!

يمه فطوري خالي الطعم واللون!
مشتاق للمرقوق والمحلبية

مشتاق للمسجد مع اللي يصلون!!
أصلي الأوقات صبح وعشيه!!

ودي معي في ليلة القدر تدعون
يفك قيد اللي حياته شقيه!

يالله يارحمان ياخالق الكون!!
تغفر لعبدك كل ذنب وخطيه

وصيتي تكفون لامت مدفون!!
في دار أبومتعب ديار الحمية

نسأل الله يفرّج كربته وان يفرح نظرته برجعته للوطن واهله ..!!

وجميع أسرى المسلمين ....
تحياتي

منقووووووووول

زيدان · #2 (**permalink**) 25-05-2008, 04:04 PM

الحمد لله ع السلامه يا " الحب لولا عيوني " ..

والله يفك اسر اخونا عاجلا غير اجل ..

قصيدهـ مؤثرهـ ويعطيك الفــــ عافيـــــه ع النقل المميز ..

رهيب ماله نصيب · #3 (**permalink**) 25-05-2008, 04:33 PM

الله يعطيك العافيه والله يفك اسره ويسهل عليه

~ ند فرسان ~ · #4 (**permalink**) 25-05-2008, 06:20 PM

الله يفرج همه ويفك جميع اسرى المسلمين

مَاجِد · #5 (**permalink**) 26-05-2008, 01:05 AM

يعطيك العافيه الحب لولا عيونك

وهذا رابط صوتي بصوت المنشد ابو فهد

ارعص هنا http://www.l22l.com/l22l-up-3/df98235c4d.ram

Mr.RęLǻҗ · #6 (**permalink**) 26-05-2008, 08:38 AM

قصيده مؤثره وفك الله اسر اخوننا في كل مكان ،، لاهنت ،،،

مسالم الغربية · #7 (**permalink**) 26-05-2008, 09:55 AM

صباح الخير أخوي الغاااااالي الحب لولا عيونك
هذه القصيدة سمعتها مع أحد الشباب بجواله صراحة الإداء مؤثر لكن الكلمات تبكي العين لكن ماأقول الهم ياحي ياقيوم فك أسرانا وبعد عن بلادنا هذه وأحفظ لنا ولاة أمرنا وأحمينا وبلادنا بحمايتك يارب
وجزيت ألف خير ياغالي