بسم الله الرحمن الرحيم

سلام عليكم


كيفكم أخواني أخواتي :


عندي فكرة مشروع وأقولها لكم عن تجربة ماهي خيالات

دخلها من 1000 ريال وحتى المليون ريال

وأزيدكم من الشعر بيت المشروع منزلي منتم مصدقين صح

طيب تعرفون أبل أضخم شركة عالمية وصاحبها السابق ستيف جوبز و مايكروسفت وصاحبها بيل جيتس هذولي من أثرى أثرياء العالم وأعتقد مافي أحد مايعرفهم

تدرون هالشركتين قائمة على إيش بالضبط بتقولون على الأجهزة أقولك خطأ


هالشركتين قامت على خدمات

[ التصميم والبرمجة ]

نعم أخواني وأخواتي
تدرون لولا التصميم والبرمجة ماكان تلقوني أكتب موضوع ولا كان تقابلنا هنا كان لو بكتب لكم موضوع بالبريد الممتاز ولا الدي أتش ال ولا فيديكس

أخواني أخواتي وأنا والله لكم ناصح أمين :
والله حبيت لكم الخير مثل ماحبيته لنفسي

أدخلوا هالمجال إذا تحبونه بكمبوتر والبرامج اللازمة فقط

مجال التصميم مجال واسع مجال يحتاج لإنسان خياله واسع وخصب وإنسان عنده أفكار ويتدرب على البرامج التصميم مثل الفوتوشوب والأليسترو وبرامج كثيرة إحترفها في 3 - 6 أشهر خلنا نقول سنة وإلعب بالفلوس في بدايات تعلمك أعمل مع شركات عن طريق البيت أو وكالات دعاية وإعلان
وتقدر تأسس لك موقع خاص فيك وصمم وأعرض أعمالك تويتر وفيس بوك وشوف العملاء الأهم يكون عملك نظيف و عندك ذوق في الالوان وصاحب أفكار مبتكرة

في نقطة في بداياتك حاول تطبق دروس لاتحاول تفكر في الفلوس أبداً إلا إذا تمكنت من الشغلة وحسيت إنك شغلك ينهظم على قولهم
طبعاً التصميم بأنواعة إن قلت لك تصميم مواقع مثل حلول البطالة أو تصميم الاستايلات أو البنرات الإعلانية للمواقع أو شعارات الشركات

بتقولون لي كيف أطلع المليون أنا بقولكم إذا أثبتو جدارتكم
في شركات كثيرة وجهات حكومية تعرض مسابقات لتصميم العلامات التجارية عليها جوائز كبيرة
خشوا في هالمسابقات على سبيل عرض الأعمال والتحدي مع المصممين
وشوفوا كيف العروض تنهال عليكم

طبعاً حقوقكم راح تكون محفوظه على كل تصميم عشان التواصل



بالنسبة للبرمجة برمجة هاكات برمجة مواقع برمجة تطبيقات أيفون برمجة العاب وبرمجة ...الخ وكلها تحتاج منك تعلم لغات البرمجة وسنة بالكثير وأنت أكبر محترف ومع الممارسة واالتدريب راح تزيد خبراتك مع السنيين

تدرون الفيس بوك من موقع بسيط ماكلف لطلاب في الجامعة الأن صار شركة لها أسهم في سوق المال


أنا كان لي سابق إتفاقات مع مصممين ومبرمجين يعلم الله دفعت فيها أكثر من 10 الاف ريال
وبعضها برامج جاهزة بس تحتاج تعريب

طبعاً أي سؤال في مشاريع الأنترنت لايردكم إلا الكيبورد عندي خبرة 9 سنوات
وراح أعطيكم عصارة تجربتي في النت في هالموضوع ؟ اللي بيسأل في الخدمة

كتبت الموضوع على عجالة والله ما أرجو من وراها إلا الخير لكم ولا أبي إلا الدعوة الطيبة فقط