16-03-2013, 11:34 PM
|
 |
|
|
تاريخ التسجيل: Jan 2012
المشاركات: 3,102
معدل تقييم المستوى: 21474869
|
|
|
يقولـون وكـر الحـر مايعتليـه البـوم
يقولـون ماللعبـد بــــــد عـن المقـسـوم
وانا اقول صح ويقنـع العبـد مقسومـه
عسى الله يعين اللي توافد عليـه همـوم
همومن تخلـي طبلـة الـراس منجـــومـه
تـرى والله انـه مايكــــــدر عليـك النـوم
سوى كلمة من بعض الاصحاب مسمومه
اذاجت من الغالين ولا الرخـوم رخـوم
ولا امحق من الغالي اليا شانـت علومـه
ضعاف الروابع تبتلش والقـروم تشـوم
ولاهيب لا شامت مـن الشيـن مليومـه
ولا ازين من القاع الخلا والوجيه سلـوم
ولا رفقتن مـع طـول الايـام ملغومـه
ولا الذ من عشرة شريفن من اقصى القوم
يبادلك فعــــــل الطيـب معنـاه وسلومـه
واذاشفت في جو الصداقه غبش وغيـوم
عطيت الدروب اللي مع الارض مرسومه
ولامثل عز النفس لـو مامعـك مطعـوم
وعن اهل الشماته خل الاسرار مكتومـه
معي لوسمحت شوي عقب عـداك اللـوم
ابعطيك عن بعـض الرياجيـل معلومـه
ترى اللاش لو وقف معك في حياته يـوم
تشوف الردى متبيـن فيـه مـن يومـه
وانا اقول لو ان في وجيه الرخوم وسـوم
عرفنـا نميـز قيمـة النـذل بوسومـه
على شان نجلس مع رجال الوفا ونقـوم
ونبعد من اللي عنـد الاجـواد مذمومـه
وانا اسمع مع اهل التجربه في الحياة علوم
بعضها صحيح وبعض الاخبار موهومـه
يقولـون وكـر الحـر مايعتليـه البـوم
وانا شوف عيني وكر حر تحـت بومـه
منقول
|
العرض العادي
