سجلوني سعوده ولكن , رائكم ي اخواني

ابغى ازعل · #1 (**permalink**) 17-03-2013, 02:24 AM

السلام عليكم ورحمة الله وبركاته .
اخباركم ان شاء الله الكل بخير .
بدخل ف صلب الموضوع ..

اعرف لي واحد سجلني سعوده بحكم انه عنده عمال ف المؤسسة .
وقالي اعطيك كل شهر 500 ريال !! يوم وصلتني الرساله حقت التأمينات
انك تستلم 1600 ريال .. طبعا لاحد يطمر ويقول ترا حرام , صح انها حرام
بس انا جالس اكمل دراستي على حسابي ( دبلوم عالي ب 33 الف )
وجالس اخذ من هالمبلغ واقسط المعهد
لان كنت اعطيهم من حافز ووقفوها علي بسبب 12 دفعه

المهم ي اخوان . انا واحد يقولي لايضحكون عليك
اقل شي يعطونك الف ريال والثاني يقول 1500 !!؟

الشي الثاني اذا قلت لهم ينزلون اسمي كم يبغى لهم بالضبط
علشان يسقط اسمي من عندهم !! البعض يقول ف وقتها
والاخر يقولي يبغى لك شهر !!

الشي الثالث .. اذا فصلوني هل يحق لي اخذ حقوق ولالا !؟
وهل استلم شهادة خدمة ولالا !؟

والشي الاخر وش فائدة الرقم اللي ارسلوه لي التأمينات الاجتماعيه
( تم تسجيلك في التأمينات الاجتماعية برقم ...... ) ؟!
بحكم اني اول مرة اسجل ف التامينات !!
وش فائدته بالضبط

وشكرا لكم واتمنى ان احصل اجابة

قوة الإحلام · #2 (**permalink**) 17-03-2013, 03:00 AM

حبيبي حقك 1500 ريال

وهذا حال اغلب الشركات الوهميه بعضهم يشوفون الواحد اذا يرضى باي شي عطوه 500 ولا 800 ويسكتونه

المهم لاتاخذ اقل من 1500 الي هي اصلن من التامينات !!

بالتوفيق

الطيف الاليم · #3 (**permalink**) 17-03-2013, 06:06 AM

كن مــع الله ولا تباالي

إجابة سؤال · #4 (**permalink**) 17-03-2013, 07:28 AM

الله يهديك.
بأي حق تاخذ فلوس وأنت ماتشتغل فعليا؟ مقابل ايش تاخذها؟ ياريت تعيد التفكير في الموضوع والله بيجعل لك من كل ضق مخرجا.

ماله حظ · #5 (**permalink**) 30-04-2013, 08:29 PM

تم تحرير المشاركة بواسطة الادارة

لهيب الششوق · #6 (**permalink**) 05-05-2013, 09:17 AM

ياخوي حلالك تبي الوضع هذا استمر وجنود المملكة معاك بر وبحر وجو

بس اعرف انك خربت على غيرك كانو بياخذون 3000 ريال

مراقب معماري · #7 (**permalink**) 05-05-2013, 10:56 AM

صبآح الخيرآت ,

أخوي ترى الـ 1500 هذي من التأمينات ولك حق تأخذهآ . اذا كان برضاك مسجلينك فهذأ يعني أنك خضعت لشروط الطرف الأول - صاحب المؤسسة - وبخصوص رقم التأمينات الي جاك على جوالك تقدر تطلع كل التفآصيل إلي تخصك في المؤسسة , عن طريق التسجيل في التامينات الاجتماعية علىى موقعهم الرسمي ويطلبون منك هذا الرقم وتقدر تشوف كل التفاصيل ,,

الله يغنيك بحلاله عن حرآمه ,,

بالتوفيق للجميع ,

اماني بنت الماني · #8 (**permalink**) 05-05-2013, 04:42 PM

انا اقول هذا حرام وصدقني ماراح تتوفق لابدراسه ولابغيرها..اشتغل وادرس وجيب فلوس حلال ..لاتحط فلوس الدراسه عذرهصه الفلوس كنك سارقها ..

اماني بنت الماني · #9 (**permalink**) 05-05-2013, 04:44 PM

هذه الفلوس مو لك كنك سارقها وانت اصلا ضميرك مو مرتاح ..قول يارب تركت هذا الشئ لاجلك فعوضني بخيرا منها.. واسال شيخ وشوف ايش يرد عليك لو تاخذ منها ريال مايجوز وانت تبغى اكثر الله يهديك