السلام عليكم
لدي موضوع في غاية الاهمية
وهو عطالة شبابنا وتوضيف العماله
جميع المحلات الصغيره كا بقالة ومغسله وبوفيه ... ينلكونها شباب ومئجرينها على عامل اجنبي
والكل متفق على هاذه القضيه

[mark=#FF0000]لماذا لا يكون العاطل مكان الاجنبي [/mark]


نعم انا عندي فكره افتح محل بنشاط الي يبيه العاطل

ولاكن بي شرط
1/ اجار المحل على العاطل بي 5 الاف شهري
2/ عدم تئجيره على اجنبي
والباقي حلال عليه

ويكون هو موضف في المحل ومسجل في التئمينات الاجتماعية
*****************

**************

هاذي الفكره لكل من لديه فكره وليس لديه مال
وكذلك من لديه مال وليس لديه مشروع محدد

نوفق بين الاثنين

اين العاطلين عن العمل
اريدهم في عمل
ابناء البلد فقط

اخ عبدالعزيز الموضوع اكبر واعقد مما تتوقع , الكبار والكبار فقط , وتجار الفيز حسبنا الله عليهم والمتخلفين المنتشرين في كل مكان , الأسواق ومحلات الخضرة والبناشر والمحطات ومكاتب العقار والحلاقين والخياطين والمغاسل وحتى الشحاثين عند الإشارات كلهم اجانب ويعملون بشكل تكتلات وقروبات وأن شئت سمهم مافيات لمحاربة أبن البلد بشتى الطرق وبكل الوسائل , لذلك لا تطلب من مواطن بسيط فتح محل خضار في اي مكان يبغى يترزق الله ألا وبعد ما تكبد خسائر ومعضمها بالدين وفترة بسيطه ويقفل المحل والسبب كل واحد فينا يعرفه وهو عشرة محلات من يمين ومن يسار والرصيف اللي قدامه عشرين بسطه وسيارات محملة خضار وكلها من جنسية وحده , وقس عليها البقالات والمغاسل والمحطات , اعيد واقول الموضوع اكبر مني ومنك و والله العظيم ان هذا الشي يدمي القلب لأني عشت خارج السعودية اكثر من 15 سنه وما وجدت بلد في العالم الأجنبي مأخذ حقه أكثر من المواطن ألا هنا في السعودية وللأسف يحقدوا علينا , نسال الله السلامه وحسبنا الله ونعم الوكيل على من تسبب فينا , واشكر فيك نخوتك واحساسك .

اخوي بو تميم انا اقول للمستثمر الجديد
ان كنت مشغول اجره على العاطل
بدل من العامل

تبي تعطي هالمسكين العاطل محل بايجار شهري 5000 ريال ؟
وتبي تسجله بالتامينات بعد علشان تستفيد من السعودة وتطلع مقابله عدد من التاشيرات ؟

يااخي من جدك انت ؟

يقال لك الحين هذا عرض مغري ؟

طيب هالعاطل افضل له يروح يفتح اي منشأة ويسجل نفسه سعودي فيها ويطلع تاشيرات ويستفيد
او حتى يفتح له لو محل صغير فيه مكتب ويحطه مقاولات ويشتغل

اما عرضك اشوفه مفيد لك انت بس
بتستفيد دخل شهري 5000 من هالعاطل وحتى مافكرت اصلا بيقدر يدخلها او لا

وبعدين فيه محلات بقالة ومغاسل مستاجرينها عمال ماتوصل 2000 شهريا للكفيل وانت تبي 5000

هذا غير انك بتستفيد منه سعودي في التامينات ومكتب العمل

اهلا بك اخي سهم
انا فكرتي مابي اي عامل او اي وافد يدخل للبلد
ومن عنوان
تعرف البقلات والمغاسل والبوفيه
تجد العامل الي فيها هو صاحب المحل وهو الي يحاسب وهو الي يشتري احتياجات المحل. وهو كل شي في المحل
وكفيله ياخذ عشر الربح
نعم يكسب ربح 30 الف العامل والكفيل يكسب 3 الاف فقط.
انا بصيؤ كفيل للعاطلين سنه ويصير مثلي ونكون الشوكه في حلق المتسترين
اما موضوع التئشيرات فئنا لسة بي حاجتها
ابناء الوطن هم منسيحل محلهم

السلام عليكم

فكرة القضى ع التستر ما تنحل بهذه الطريقه

المفروض السعوده تكون بشكل جدي وتبدا من راس الهرم بدآ من المدير الى العامل ويتم توظيفهم بشركات الكبرى وبرواتب لا تقل عن 4000 + راحه يومين ~)

أما بخصوص العمل في المحلات الصغيره وهي فيها أكبر نسبة تستر ..مثل الحلاقين البقالات الصغيره والمتوسطه + الكافتيريات وورش الحداده و و و الــــــخ

هذه محتاجه تعب وجهد وعمل متواصل يفوق 15 ساعه بـــ اليوم صعب يشتغل فيها سعودي!

مو علشانه كسول ..علشان ظروفه غير الأجنبي

الأجنبي يشتغل لو 20 ساعه بــ اليوم ماعنده أي مسئولة ..لا مسؤلية بيت و مسئوليه أولآد

وفوق هذا أحنا مستفدين منها

السعودي المتستر مستفيد ...ويستفيد المواطن من هذه الخدمات زي الحلاقين والمغاسل

وتحياتي لكم

عابر القارت
اولا
انا مواطن ولسة سؤل
والي اقدر عليه اسويه

اما على التعب
فما تحصلى على المال بي السهوله
لابد من التعب
وش المكله لو وضع شريك معه من العاطلين
واحد في الصباح واحد في المساء
ــــــــــــــــــــــــــــــــــــــــــــــــــ ــــــــ
اما بنسبة التئمينات
فهو من صالح الشخص نفسه
اذا وضعته في التئمينات
يكتبله خدمة
وبعد 40 سنه يصرف له تقاعد
ــــــــــــــــــــــــــــــــــــــــــــــــــ ـــ
وش المكله لو اشتركو 6 عاطلين في محل بقاله
3 الصباح
3 المساء
بعد سنه او سنتين
سيكون كل واحد منهم
عنده محل ويشرف على 5 عاطلين
ــــــــــــــــــــــــــــــــــــــــــــــــــ ـــــــــــــــــ
استفدنا
من /
العاطل واشغلنها بي كسب يده
واستبدلنا العماله الوافده بي مواطنين