[align=right]السلام عليكم ورحمة الله وبركاته

كيفكم ان شاء الله بخير ،،

بخصوص الموعد اليوم الحمد لله مر بسهاله طبعا اول ما تدخل المدينه يستقبلك واحد من عند الباب بحديد ان شكوا بطولك خلوك تمر من تحتها طلع فيه فراغ بينك وبين الحديده خلوك تديور من وقتها ما تدخل ،،، المهم لما تعدي الباب تروح للمبنى حق اللجنه .


طبعا ينادون بالاسماء وبترتيب الحروف الابجديه اللي يسمع اسمه يطلع للدور الثاني يكون فيه ضابط على الميزان فيه واحد رتبته رايد الله يكفيكم شرهـ أنا ابي اظلمه لكن اخوياه بالعمل يقولون شديد بالميزان لكن انا بصراحه ما شفت ،، بالعكس قاعد يقيس واحد بالطول مرتين وثلاث الا طوله اقل من 168 بسانتي ويردونه ما يكمل ،،، علشان كذا اللي طوله قصيره ولا له معرفه باللي بالميزان ما تمشي امورهـ بعدها تروح للي جنب الميزان يكتب رقم الطلب حقك على الملف وتروح تسجله بالحاسب برقم هويتك وتاريخها .... ويدخلونك على المقابله الشخصيه واسئله تافهه ثقافيه من حسن حظي جاني سؤال ( ما عاصمة الكويت ) واللي طوله تمام لا يشيل هم الباقيات سهاله .


بعدها تنزل للدور الأول تروح للكتّــاب يكتبون اسمك على طلب الالتحاق ويعلمونك اساسيات التسجيل ذي اكتبها وذي لا تكتبها بطلب الالتحاق ويخيرك بالمدينة اللي تبي تروح لها ويوجهونك عليها ( الكشف الطبي - الأدله الجنائيه - خطاب للجهه التعليمه للمصادقه على الشهادة - طبعا حقت الاحوال موجوده بطلب الالتحاق ) طبعا وقت تخيير الكشف الطبي اختاروا مكه لأنهم يرسلون مندوب ويعطونكم موعد انا والشباب اليوم موعدنا بكره بمستشفى قوى الامن بعرفه ومعروف عنهم انهم طيبين عيال حلال طبعا الطايف ما تقدر لأن فيه حوسه شوي بمستشفى الطايف ومو ضامنينهم لأنه ممكن يفوت موعدك ،،، جدة ما أجيكم عنه ما عندي خبر فيه .


بعدها تروح لمكتب تختم على اوراقكم طلب الالتحاق والكشف الطبي والادله والخطاب حق الجامعه او المدرسه ..



طبعا الكاتب يحدد لكم موعد تسليم الملف ويعطيك ورقه فيها طلبات تسلمها بالموعد ،،، واللي حضروا اليوم يسلمون اوراقهم ذي يوم 20 - 5 عند نفس الشخص اللي اعطاه الاوراق والطلبات .. وبعدها فالكم الفرز النهائي ،،،




بصراحه انا اعجبني الامن العام وخاصه المدينه التدريبيه وعقوبتها بتكون الحر لكن توكلوا على الله وتتيسر وبأجرها بإذن الله ،،، ودعواتكم بأنها تتيسر لي وتمشي معي والله تنظيم ومواعيد محدده ما عندهم مثل خرابيط الطوارئ قدم ملفك وكل اسبوع يدقون عليك وتسوي لهم شيء غير انهم يعيشونك بهم ما تدري وش نظامهم ومعلق ،،، واسأل الله العلي العظيم انه يكتب الامن العام من نصيبي قبل الطوارئ ،،،، وتكفون دعواتكم بظهر الغيب ،،،[/align]


وأي استفسار أنا حاضر

الله يخارجنا من الطول عافسني عفس *_*

الله يجعلك من المقبولين نهائي يارب ,, طيب ياخوي انا ابي مستشفى الطائف يمديني؟؟.. والرخصة ماجابو طاريها,.,.,.,.,., بكره موعدي بمكة

[align=center]الله يوفقك في النهائي /

وعقبال الجميع

انا يولد بعد بكره في الشرقيه بطلع بكره من الرياض / وانشاءالله بتزين بس عندي نقطه اول ما انقبل مبدئي

ان شاءالله / مرجع الاحوال في حفر الباطن خخخخ يعني اتلها من الشرقيه للحفر يوم الخميس ولا انتظر موعد

هم مسجلينه لي للآحوال ؟ ولا كيف علشان ودي اروح من الشرقيه للحفر مره واحده وارجع اكمل بياناتي في الرياض واودي الملف للشرقيه بعد ما اخلص /

ي ليت تفيدني او اي احد يفيدني
[/align]

الله يوفقك الجميع

الله يوفقك شكرا يالغلا يارب يسرها لك .. عاد بشوف بكره الله يجعل لنا نصيب .. انا ودي في مستشفى مايدققون في عمى الالوان