سلام عليكم شباب اللي موعده اليوم الثلاثاء في الامن العام بالمدينة المنورة وش صار عليكم بالطول وهل لازم احضر بلبس واقص شعري ولا عادي الوضع

يجي من يفيدك
وبالنسبه للشعر ترى عادي مو شرط تحلق

الطول الووزن لا تخاف منه الا لما تروح المستشفي والمقابله للجميع يوم ٢٠

اخواني اثنين دبلوم صحي عطوهم جميع الاوراق


ما اخذو مقابلة اليوم يمكن عند تسليم الاوراق الكشف والدفتر

الطول والوزن ياجماعة الخير من المستشفي ، بس تجي تاخذ اوراقك من مركز التدريب وتروح لهم

وموفقين خير

ياشباب الي راح اليوم من المدينه يعلمنا وش صار معه لاتبخلون علينا
هل فيه مقابله شخصيه والحضور محلق وبالزي الرياضي
يالله تكفون علشان انا موعدي بكره وعلمكم وش يصير معي

انا كانت مقابلتي امس يوم الاثنين والرتبه الي كنت مقدم عليها رقيب والمؤهل بكالوريوس
المهم رحت لمدينة التدريب زي مو مكتوب في ورقة الموعد سبعه ونص تفأجأت ان المتقدمين اغلبهم لابسين زي رياضي وانا كنت لابس ثوب فيه عسكري عند البوابه يدقق على الزي الرياضي والشعر وينظر في ورقة الموعد ويفتش على الجوالات لأن ممنوع دخولها المهم مادخلني بالثوب واظطريت اني اروح البيت اغير ثوبي ولبست زي رياضي
المهم انه فيه قياس للطول والوزن للي يقول ان قياس الطول في المستشفى وقاسو طولي وانه ناقص تقريبا اثنين سانتي وخذت اوراقي بأستثناء الوثيقه اخذوها ولعلها خيره