السلام عليكم ورحمة الله وبركاته
قرأت اليوم موضوع معلمة انفصلت عن خطيبها بسبب استغلاله لراتبها
طبعا من أجل الحصول على ورقة الطلاق دفعت له ضعف المهر بدون وجه حق!

لهذا أريد أن آخذ آراءكم في موضوع راتب الزوجة
أعلم أن الرجل لا يحق له مثقال ذرة فيه
إن أرادت أن تعطيه عن طيب خاطر وإلا فلا

كيف ممكن تتفاهم الزوجة معه في هذه المسألة؟
بعضهم إن كانت زوجته تعمل لا يمد لها الريال !
طيب مهما كانت غنية يبقى مسؤول عنها ..
أنا عني لو كنت موظفة مارح أطلب بس هذا خطأ ..وصديقاتي يقولوا لي خطأ لا تتعودي على كذا بس ماخبروني بطريقة التعامل الصح

طيب كيف تطلب الوحدة وهي معها ؟! أحس فشلة
لو هو طلبها ماترده بتعطيه.. بس يقولوا لا تعوديه..طيب كيف؟

يعني أحس فيها صعوبة شوية
كيف تقنعه بأنه يصرف على البيت لو قصر فيه وعليها حتى لو كانت موظفة ؟
وكيف تحافظ على راتبها منه بدون مايكون بينهم زعل ..أو يتأثر حبهم وثقتهم ببعض؟

الدنيا دوارة ومافيه شيء مضمون
ممكن تكون واااااثقة فيه كثير من حبها له
بس يكون تغير مع الوقت

أنا ماأتكلم عن أشباه الرجال الذين يجبرون الزوجة على أن تعطيهم وقد تضرب أو تهدد بأطفالها إن لم تلبي أوامره
أتكلم عن كيفية التفاهم مع الزوج في هذه المسألة بشكل عاااام
ودي نتعلم من تجاربكم وآراؤكم ومواقفكم التي مررتم بها

اغراضها وفواتير جوالها والحاضنه والسواق... الزوجه تدفهم اذا كانت موظفه .. لانها لو جلست في البيت مارح يكون ما ذكرت انفاً ....

باقي الامور على الزوج من مأكل ومشرب وايجار منزل وكهرباء وغيره وملابس اولاده ومستلزماتهم ....


وانا جاري هو وزوجته موظفين ....

واحد يسدد ايجار البيت 24 الف بالسنه ... والزوجه تسدد قسط السياره ...

مشاركة بتكاليف الحياه

الحياه حلوة بس نفهمها .. الحياه غنوه ما أحلى انغامها ...

لا احب ان اتدخل في مثل هذه الامور انا انسان مسجل في حافز

ورايح في حالي لاراتبي ولاراتبها

شكراً

الرجال الي تصرف عليه الحرمة وعفوا مو رجال اقصد ذكر فقط
موته احسن من حياته

من المعروف ان راتب الزوجه من حقها وماهي ملزومه تصرف ع البيت
لكن التعاون مطلوب بين الزوجين وإذا هم متفاهمين وكل واحد يقدر الثاني ويحبه
ماراح تحصل بينهم مشاكل بسبب الراتب الزوجه تعطي والزوج يعطي ويحافظون على استقرار
حياتهم وبناء مستقبلهم وعيالهم ومايخلون الماده تخرب عليهم والدنيا زايله والمال وسيله
لاغير يعني الزوجه لو شافت زوجها وأبو عيالها محتاج أو عليه دين مافيه مشكله انها تساعده
وتعينه هذ ا راح ينعكس على حياتهم وعلاقتهم الزوجيه لإن الدين والحاجه هم وتكدر الإنسان
وهذا راح ينعكس على تصرفاته مع اهل بيته ..

ماعليش الكلام مستعجل يمكن مو مرتب

__________________
"لله دُر أمي إذا ابتسمت
تهادت جروح قلبي والتئمت"

السلام عليكم

يعطيك العافيه مشرفتنا ,,ع طرح الموضوع الموهم جــــــــــد ويستحق التباحث والنقاش فيه

قبل فتره بسيطه واحد من المقربين لى طلق زوجته تعينت قريب ..وفي قريه بعيده والرجال مو مقصر مع زوجته أبد ..سكن وخادمه و و الـــــــخ ...بس للاسف زوجته أصرت أنها تتوظف ومع أصرارها وتعندهم وصل موضوعهم الأسف الطلاق ...والمشكله أن لهم ثلاثة أبناء أكبرهم عمره ما يتجاوز 12 سنه ,,,

نرجع لموضوعك

الحين الواجب على الزوجه ملزمة البيت والأطفال ..والزوج هو الى يعمل ويكرف ويأمن لقمة العيش الكريم ,,

طيب لـــو توظفة الزوجه راح أكيد تقصر بشكل كبير وملحوظ في بيتها وتترك فراغ كبير ~!

في هذه الحاله ..منطقيآ وجب على الزوجه دفع ( الضريبه ) وهي تطيب خاطر زوجها ~!

عوضآ عن هذا النقص..وأكيد تدفعه سوا بنفس راضيه ولآ رغمآ عن أنفها

علشان الزوج غير مستفيد لآ زوجه ولآ دخل أضافي يساعده بمصريف البيت ~!

والزوجه الفاهمه والواعيه تدرك هذا الشئ وتقدر تحافظ على بيتها وزوجها ,,

الكلام الى ذكرته يعبر عن وقعنا ..وليس يمثل وجهة نظرى

اذا الزوجه موظفه ملزومه براتب الخادمه وراتب السواق وجميع مايترتب على خروجها من بيتها للوظيفه
بالنسبه للزوج ماله اي حق براتب زوجته
الا اذا سلف ودين فقط وعن رضى بعد من الزوجه

دامك موظفة يبي يحاسبك ويدقق على كل شي ولازم تعويض عشانك موظفة

بالمقابل الزوج موظف ومقصر ولازم تقدري ظروفه

اختي يحمد ربه انك رح تجيبي اغراضك الخاصة ومصاريفك الي راتبه ما رح يوفيها

يعني ما عليك الا من خدامتك ومصروفك والباقي انتبهي لا تعوديه تدفعي ريال

انا استغرب للحين الناس تناقش بشي مو من حقها

بصراحة انا ماعرف كيف تتصرف الحرمة مع الرجال بموضوع الراتب


بس اشوف اشتغل في حالة اذا كنت في بيت اهلى بحيث ان الوظيفة ما تاخذ من حقوقى شئ ..

لكن في الزواج افضل اني ما اشتغل لاني بكون تنازلت عن حقي في النفقة ,, واقوم بعمل ليس من واجباتي ..


واذا اصبحت بحالة اني متزوجة وموظفة بعرف ان في مشاكل راح تجي في الطريق طويلة عريضة ..

ممكن اساعد الرجال بالراتب في حالة وحده بس اذا كان هو شخص يستحق المساعده بمعني يساعدني يوقف معي يعاوني في البيت وتربية الاطفال فا اساعده مافي مشكلة راتبي وراتبة واحد ..


لكن يطلب مني اساعده وهو ما يساعدني فما اعتقد اساعده وبترك الوظيفة افضل عشان احافظ على حقوقى

و انهي المشاكل ..

الله يعطيك العافية على الطررررح والاسلوب الراااااااائـــــع ...

: )

تختلف وجهات النظر من شخص الي شخص اخر فأنا من وجهه نظري مافي فرق بيني وبينها حلالي حلالها وحلالها حلال وكلنا نكمل بعض يعني لو نبغي نبني بيت نبنيه مع بعض ولو ايجار البيت نقص هي تدفع الباقي لحد يقول مو رجال وهالخرابيط ولا هي زوجتي ع الفاضي حتي اذا كانت مهمومه اشيل معها همها وهي كذالك واسف ع الفلسفه بس عندي مافي فرق بيني وبينها ولو طحت بمشكله وماساعدتني وربي حرام تكون زوجه ومشكوره ع موضوعك الرائع

الكلب اعزكم الله اذا ربيته لمده اسبوع وجيت بتفارقه يبكي وتشوف دموعه لكن البشر يدوم معك بالعشره لمده سنوات ولسبب تافه يتفرقو وربي شي يحير