السلام عليكم ورحمة الله و بركاته

يعطيكم العافية جميعاً .. والله يرزقكم من اوسع ابوابه من الرزق الطيب الحلال

ودي اخذ مشورتكم في مشروع صار لي فترة افكر فيه ومادري كيف ابتدي فيه


المشروع ابي ابتدي منه حالياً من البيت

كون موقع السكن قريب من مدارس .. و امتلك الات طابعة أكثر من نوع وللطباعة باحجام مختلفة

احداهم تطبع باحجام كبيرة


عطوني افكاركم للمشروع


جات على بالي فكرة أن يكون عندي خدمة توصيل لين موقع المدرسة

بس طبعا الشغل على عدد محدود من المدارس كبداية .. و طلبات الطباعة يرسلونها لي عالإيميل ..

ويكون عندي يوم في الأسبوع اجي عندهم اسلمهم طلباتهم ..



شرايكم بالفكرة ؟ ياليت تفيدوني بالمميزات والمساويء و اي فكرة عندكم

وعليك السلام ورحمة الله وبركاته
حياك بالمنتدى والله يرزقنا ويرزقك الرزق الحلال يارب
اما مشروعك يعني تبي تصور للمدارس؟ انا اللي اعرفه ان كل مدرسه فيه الة طباعه طيب ليش ماتسوي بحوث او دفاتر تحضير واوراق عمل مع التصوير وتسوي لك اعلان بورقه وتسلمه كل مدرسه ولا دق واتفق مع الادارة لو يبون تصوير وماعندهم الة انت تقوم بهالشغله وبحكم انك قريب راح يتعاملون معك يعني
الله يوفقك وعساي نفعتك يارب .

عفوا بنت أو ولد ؟

وهل عندك ماكينة تصوير للأوراق ؟
والمدارس عندهم الات تصوير
بس اش حاب تطبع من اوراق ..
اش رايك تصمم لهم الملفات وتغليفها ..

كنت اشوف عند مديرتنا ملفات في مكتبة مغلفه تغليف جميل ومكتوب عليها العنوان .

شكراً لإفادتكم

اذا المدارس عندها آلات تصوير يعني ألغي الفكرة

لأني شفت بنات بالثنوي يسوون مشاريع و سوالف يودون الأوراق يطبعونها ملون بالمكتبة
والمكتبة تطبع لهم الورقة الملونه بريال


طيب أفيدوني بتفاصيل الأفكار الي طرحتوها ان كان عندكم فكرة ؟


الطابعات المتوفرين صغيرة مب حق نسخ اوراق كثيرة

بس فيه شي كبير يطبع بارتفاع متر او اكثر شوي و العرض حسب المطلوب

وعليكم السلآم
بصراحة نفس الفكرة اللي تدور ببالي لكن مابدأت فيها
حبيت أفيدك ممكن تسوين كبداية طبعا تجربين وتشوفين الاقبال عليه
البطاقات حقات التخرج او الاوراق الصغيرة اللي تتوزع في المحاضرات والندوات
وبعد ممكن تصممين غلاف السجلات ودفاتر التحضير
او مثلا الهدايا حقت الطالبات تطبعين عليهم اشياء
يعني كذا اشياء كثيرة لو بتدورين انتي حددي لك اشياء معينة
ومع الوقت ان شاءالله تتطورين
وبالتوفيق

انا اشوف ان فكرة طباعة بحوث و اوراق عمل وايضا دفاتر التحضير لان المدرسات صاروا اغلبهم يطبعون دفاتر التحضير بتكون فكرة كويسة مع ان الشي هذا منتشر في المكتبات بس الميزة هنا انك قريبه من المدارس يعني وقت الضرورة بيحتاجونك وبعد فترة بيصيرون ماياخذون الا من عندك يعني العمد عليك انتي اذا انك عندك افكار جديدة وبتبدين بداية قوية وتستمرين على اجتهادك وانضباطك والاهم ان الاسعار تكون في البداية مناسبة وممكن تسوين عروض عشان تتفوقين على المكتبات واسعارهم
واسال الله لنا ولك التوفيق

فيه مشروع حلو, بس يبيله فنانة طبخ ..
أنا معلم ونبلش في الفطور, لو فيه أحد قريب من عندنا طباخة وتجهز لنا فطور .. اشكال وانواع ,
اكيد بنتعاقد معها .. وتقدر تتعامل مع كذا مدرسة ..
تجهز فطور للمعلمين .. وتتقاول معاهم شهرياً..

اما بالنسبة لطباعة الأوراق وتصويرها للمعلمين والمعلمات , فموجود طابعات خاصة لهم والآت تصوير..
لكن تقدرين تسوين للطالبات (بحوث ) وهذي فيها دخل لا بأس فيه ..
اشتري لك طابعة ملون ليزر .. وضبطي شغلك والله يوفقك