بسم الله الرحمن الرحيم


السلام عليكم ورحمه الله وبركاته

تحيه طيبه من اخ الى جميع اخواني الاعزاء .


طبعا انا كان موعدي ب الامن العام . مثل ما انتم عارفين يوم الثلاثاء .. 7/5

طبعا يكون موعدك ب مدينه التدريب " اللي عند الاشارهه .< هناك موعدك

لا احد يضيع ويروح ل مدينه القبول والتسجيل .. < ترى جلست بها ساعه وهم ما فتحو الباب .. بس الحمدلله لحقت على عمري ورحت ل مدينه التدريب .. اللي عند الاشارهه ..

المهم راح يكون عسكري عند الباب .. يشوف موعدك ويخليك تدخل ..( طبعا ما يناظرون ب الشعر ، تجاوزهم عادي ، بس اهم شيء تلبس رياضه فقط ) .. اول ما تدخل تشوف امه محمد واقفه قدامك يسون قياس الطول

اول ما تدخل راح تشوف العقيد " المحرج " وراح تشوف الرائد اثنين .. ( واللي يقيس طولك طبعا هو رئيس رقباء مطوع .. ) وفيه جنود ورقيب واقفين يصفون الطلااب

اول ما تجي تصف قدامك عارضه ( مثل حقت الملاعب ) طولها 170 اذا صفقت راسك بها تعتبر مقبول ب الدوره

اذا راسك ما لمست الحديده يقول لك خلك على اليمين ، وانت عارف انك ما راح يقبلونك لان طولك اقل من 170

بعد ما يقبلونك .. راح يجلسونكم على الكراسي .. ويتكلم العقيد يقول انا ابغاء ب الملف الاخضر شيء واحد تحطونه بس ، اللي هو ( صوره من الموهل اللي معاك فقطط ) وبعدها يقولكم اوقفو وصفو طابور .. ويجي رئيس الرقباء ياخذ الطول ب الميزان .. ويسجلها على الموهل وبعدها يوقع عليها العقيد ( طبعا ترى كلهم شايفين انفسهم ولا يناظرون فيك ويهايطون عليك قدام العالم يستفر قوته عليك ) انت طنشهم وخل قلبك بارد لاني بغيت انطرد مرتين .. ب سبه الرائد الاثنين .. اقسم ب لله ما شفت اوسخ منهم ..!! يشوفك قدامه انك م تسوى شيء ..

طبعا اول ما جيت اقيس الطول .. على طول مسك ملفي وقال ارجع وراء قلت له ليش ؟ قال ليش تتقدم عن اللي حاطينه ومن قال لك تعال قيس طولك ؟ يقول انا ناديتك .. < ب لله ترجعني عشان تعديت الخط بس ب اروح اقيس طولي .. خلني ارجع وراء من جديد وقدامي تقريبا اكثر من 200 طالب .. قهرني ورفع ضغطي والعقيد ساكت ولابس النظاره ويبتسم .. يعني استحقار

المهم وبعد 200 طالب قست الطول وعلى طول دخلونا ب الصاله ينادون ب الاسامي : يقول وين تبي تكشف .. اذا انت من الرياض ب يقولون لك مافيه كشف " لان الطلاب كثار اللي ب يكشفون ب الرياض وتحد الاقصى .. < قل له يا الشرقيه ولا القصيم " طبعا اللي راح يسالك عن الكشف وين تبي تروح ، اللي هو جندي سبيعي .. يرفع صوته وينافخ عليك ، وانت استحقره ولا عليك منه ( اذا قال مافيه الرياض ) اختار يا القصيم ي الشرقيه ي حايل .. فقط < نصيحه ل اهل الرياض .. لان السبيعي تخانقت معاه ، بغيت اتجالد انا وياه عشان وين يحطني ب الكشف ب النهايه عزمت على حايل .. ومعاي شباب صلموا ، عز الله انهم ذيابه .. اللي قال القصيم غصب واللي قال الشرقيه وانا قلت حايل ، غصب الين اكلها السبيعي وابتلشت وكتب على اوراقنا اللي نبي المنطقه اللي تبي تكشف فيها ، المهم وتجلس اكثر من ساعه عشان ينادونك مره ثانيه عشان تعطيه بطاقه الاحوال وثلاث صور مكشوفه الراس 4*6 بعدها يقول لك اجلس ، اوراقك خلصت بس " باقي الخليوي يوقع على الاوراق ويختمها لك ونعطيك ، طبعا ما راح تخلص الا بعد صلاه الظهر ، : الساعه 1ونص تاخذ اوراقك .. وبعدين يقولك معاك اسبوعين تجيب الاوراق ، ومتى ما خلصت جبهاا .. والسلام ختاام ..

بس اقولكم حاجه ، خل قلبك بارد ، لا تسوي مثلي مثل ما سويت بغيت انطرد مرتين .. والسبه على شيء تافهه ويستفرد قوته عليك ..

ب التوفيق ل الجميع واي استفسار ف انا حاضرر

الله يوفقك ي رب
واحد من اخوياي معه استثناء من الخليوي والامير يمشي في الطوول ولا لا

احمد الله عدت معاك يارجل .. هم اخلاقهم كذا مذله عالوظيفه لو ماتمسك اعصابك والله تنطرد زي الالف

طيب اخوي بسألك من ظمن الملف الي تعبيه معلومات ومدري وشو يقولون فيه شيء لازم تروح للعمده وشيء من شيخ القبيله .... شيخ القبيله لازم ولا عادي اجمدها ؟؟؟

لاني متقاشعين معه خخخخخخخخخخخخخخ

وشكرا لك

انا شفت بعض المواضيع اللي يسال عن البصمات ؟ وين مكانها ..

ف مدينه التدريب اللي ب الرياض .. " ب الادله الجنائيه " نفس المكان اللي راحت له القبول المبدئي .. تلقى الادله الجنائيه ب جنبهم ب المبنى .. والتبصيم ب خمس دقايق فقط .. وراح يقولك تعال بكره وخذهاا ..

والسلام ختاام

اي استفسار ثاني ، ابطحه ههناا ..

السلام عليكم


يعطيك العافيه يا الغالي انا كنت معك بنفس اليوم وحولوني الى مديرية الامن العام بمكه ورتبتي عريف لان معاي دبلوم !!


هل حولوك الى مكه وايش رتبتك وايش شهادتك ؟