السلام عليكم ورحمة الله وبركاته

حضرت امس الثلاثاء لمديرية الامن العام بالرياض والمطلوب هو الحضور بالموعد ووضعه اول ورقه والحضور بالزي الرياضي وحلاقة الراس او تخفيف مره بحيث انهم يطلعون اللي عنده شعر وملف علاقي اخضر والشهادات الاصول وصور لها وثلاث صور مكشوف الراس


المهم صفونا طبعا كانو الموجودين خريجين دبلوم وخريجين جامعه شافو اللي اقل من 168 بالمرور من تحت باب حديدي صغير طوله 168 واللي يدخ يقولون له شرف

بعدين اتجهنا لصاله كبر عيني وقسنا فيها الوزن والطول واخذو الشهادات الصور بالملفات ودخلوها وقال لنا واحد جندي سلتوح السنتين والسنتين ونص هذولي عرفا والثلاث سنوات الدبلوم هذا وكلاء رقباء والجامعيين رقباء

بعدين قالو العرفا دورتهم بمكه المكرمه وقعدو ينادون ومن اول الاسماء اللي نادوها اسمي وعطوني ملفي بشهاداتي ومعها تحويل الى مديرية مكه الله لا يوفقهم مدري وش اللي بيوديني مكه !!

وسمعت ان الرياض ما فيها رقباء وجنود فقط


فاللي بيخاويني لمكه يعطيني خبر بس لاني بمشي الاسبوع القادم من الرياض على ددسن 1994