اقسم بالله ياشباب اللي يبي يتزوج يتوكل على الله وبس
ابقول لكم قصه ماقول لكم لصاحبي او احد اقربائي لي انااااااا
انا كنت ابغى بنت عمي وللاسف مافي وظيفه وطبعاً ابوي وامي منفصلين وكل منهم تزوج ومع عياله وانا ساكن مع جدتي المقعدة انا اغسل ملابسي واسوي اكلي ولله الحمد والله مرت على اياام صعبه والله اجلس يومين طايح على الفراش محد يدري عني رحت للوالد وللاسف ماوقف معي يقلي توظف وانا والله ماخليت مكان ماقدمت عليه
رحت لعمي ( مطوع ملتزم ) قلت له ياعم ابي اتزوج وابي بنتك وانت عاارف البير وغطاه
قالي ماعندك وظيفه كيف بتصرف قلت له ربي مراح يتركني والله ياشباب تركت كل الناس وتوكلت على ربي
كملت غرفتين على بيت جدتي واخذ عمي مني 10 الالف مهر فقط وتكفل بنصف الزواج وكان زواجي يوم 12/8 اقسم بالله يوم 15/8 جاني اتصال من شركة يقولون لي تعال داوم براتب 4500 والحمد لله عايش احلى حيااه ولله الحمد زوجه متفهمه لوضعي المادي ونصرف على قدنا
الخلاصصصصصصصصه ياخوي التوكل على الله ولا تنظر لشباب اصحاب الرواتب العاليه مد رجولك على قد لحافك
واسف على الاطاله وادعولي بالذرية الصالحه

اول شي تذكر ان لكل مشكلة حل ، واستعين بالله و توكل عليه

ثاني شي انت تقول البنت في باللك اذا لك نصيب و ربي كاتبه لك راح تأخذه

انصحك تقعد مع نفسك وترتب اولوياتك او ادارة وقتك و على ضوء ذاك راح تتحدلك اول كثيرة

مثل في اولويات مهمه عاجله وفي اولويات مهمة غير عاجلة

و انت تقدر تحددها بنفسك . و انا راح اعطيك مثال و على ضوئه قيس الباقي


الزواج هو اولوية مهمة و لكن غير عاجلة ( بمعنى تقدر تخطب بس ما تقدر تتزوج )

ممكن تروح لاهلها مادامه يقربولك او ترسل امك او ابوك ويشرحون ظروفك و ان الزوج بعد 3 سنوات او سنتين

وكمان لا تنسى ترسل وحدة من خواتك القريبات لك الى البنت تجس نبضها و غير كذا تساعد من موقفك عند اهلهها اذا كنت هي بعد تبيك . لان البنت لو تبي شي راح تتمسك فيه و تحافظ عليه .

الحل : 1- الادخار الشهري راتبك 4500 بعد استقطع المصاريف الشخصية و الالتزامات المادية للاهل و الدين
مثل قررت ادخال 1000 بنهاية 2013 اصبح عندك 5000ريال بفرض ابتديت من شعبان
2013 بنهاية العام اصبح عندك 12000 ريال
2014 بنهاية اصبح لديك 24000 ريال
2015 بنهاية اصبح لديك 36000 ريال

و هكذا على حسب الخطة اللي انت تضعها لنفسك .


الحل 2- دراسة طريقة زيادة دخلك ( يومية _ شهرية _ سنوية )

مثال يومية / اذا كان عندك خبرة بالكمبيوتر تكتب بحوث ـ تبيع خضار ـ توصل مشاوير ( تتعاون مع اصدقائك او اي احد تعرفة بشفتات على الليموزن ) _ فترة اجازتك تاخذ ركب مثلا جدة الطائف او على حسب المدينة اللي انت ساكن فيها ـ

مثال على الشهري / ممكن الوظائف الموسمية مثل الحج و العمرة او بائع بمحلات اللي تطلب وظائف مؤقتة مرتبطة بمواسم رمضان او الحج او الاعياد

استغل موسم الحج ورمضان وخذلك كم راس و بيعه و من فلوس البيعه خذ وغيرها وبيعها و تراها موسم و دخلها طيب

مثال السنوية / بسطة صغيرة لبيع الشاهي ـ بطاطس بسكوتات او اي شي و اختار ملاعب العيال او امام محلات بيع الملابس الكبيرة.

توكل على الله و اطلب العون منه و كل شي تشوفه كبير هو بالاصل اصغر مما تتخيل

حدد اولويات و اكتبها بورقة و اجلس مع نفسك وراجعة وخذ المشورة من اهل الخبرة و نظم حياتك



و الله يكتبلك الي فيه الخير .

الله يوفقك ويوفقني ويوفقنا انا وخواتي والجميع يارب ...

حياك الله اخوي

روح بنفسك للشركات واعرض عليهم تشتغل معاهم مندوب وراتب المندوب من 2500 الى 3000ريال..

صح تعب لكن الصبر زين ( صعود السلم خطوه خطوه ) وربك يسهلها لك بعد كذا ..

او

تراسل اهل المنتجات على النت وتكون مسوق اعلانات لهم براتب 300 ريال + عمولة على كل يتم بيعه عن طريق اعلاناتك ..

او

ارسل لاصحاب المنتديات الجديده واللي يحتاجون احد يهتم بمنتداهم كمتابعه وتمسك مشرف لهم..

واي استشاره حياك الله احنا اخوان .. ولي بفضل الله خبره احترافيه بالتسووويق..

انصحك تشتغل وظيفه مسائية اضافية عادي تحمل سنتين بتدخر مبلغ كويس
و انتظم بسداد قرضك ال 50 الف
وحاول انه ينقص الى النصف مثلا 25 الف مديونية عليك
وتقدم بطلب قرض الزواج بنك التسليف الـ 45 الف
اذا اعطوك الـ 45
سدد البنك التجاري اللي يطلبك 25 الف << لو انتظمت بالسداد ان شاء الله
يبقى معك 20 الف
وقدم على البنك التجاري قرض وعلى حسب راتبك يعطونك يمكن 80 الف
ومعك 20 الف باقي من قرض الزواج حق بنك التسليف
هذي 100 الف مبلغ جيد
وعليك بالزواج المختصر العائلي تراه مبروووك من واقع تجربة اشخاص كثير اعرفهم
واذا تزوجت اترك الوظيفة المسائية
والله يوفقنا وياك

ما عقد امور الزواج الا نظام نبي من العيله ومهور غاليه بنهايه رغم انهم اقارب بنت جيرانا مشرفه تربويه تزوجت قبل اسبوع مهر بسيط وزواج عائلي وما اهم ما عندهم الستر والتوفيق عموما الله يوفقك ويرزقك بس انت دور ناس تبغي الستر مو بس كثره المهور واخرتها الشخص يقضي حياته دين وهم غم والحياه بنهايه مشاركه بين الطرفين

ماقصرتو رحم الله والديكم نصايحكم على راسي لاكن والله اللي ماعاش الوضع مايدررري ..

عموما انا افكر اوصل مشاوير وابغى مساعدتكم بتوزيع رقمي عند اللي يحتاجون بالرياض مين يساعدني ؟؟ ووش رايكم هل هي فكرة زينه ولا مافي فائدة