الحمد لله على كل حال
الحين بيسون مقابلة ل 150 شخص بمدة ساعتين
يعني بالكثير تجلس خمس دقايق

واليوم معلنين عن المقابلة
ويوم الاثنين المقابلة وكلها بالرياض ووين الناس تلقى حجز ترانا في قارة مو كلنا بالرياض
ووين الواحد يتجهز

مع ان مقابلتي يوم الاربعاء 5/ 7

الله يعين بسسس

الحمد لله اسمي طلع ومقابلتي يوم الاحد 23/7
بس عندي سؤال واتمني من ليه اجابه فليجيب واكون له من الشاكرين
كم المده بين المقابلة وبين اعلان الاسماء المجتازه في المقابلة وهل يوجد اختبار تحريري

تقريبا كل الذين قدموا عن طريق النت طلعت اسمائهم اعرف 6 إلى حد الان كلهم طلعت اسمائهم وبعضهم معدلاتهم متدنية
يعني شغلة المقابلة تدقيق اوراق والتأكد منها واتوقع بعدها تصفية اسماء كثييرة
وفرز واختبار حتى يكون العدد قليل
اصلا كنت مستغرب من اول لأن الذي اعرفه هيئة التحقق فيها اختبار قياس خاص فيها
الله يعين بس ويوفق جميع المتقدميين

شباب انا خريج كلية التربيه .. هل تنصحوني اروح او لا .. وهل تعرفون ناس خريجين كلية التربيه وقبلوهم ....

أبشركم يا اخوان طلع اسمي ولله الحمد

أتمنى من الأخوان اللي يسوون مقابله في الأيام الجايه يكتبون لنا وش نوع المقابله والاسئله
لأن مقابلتي في ٧/٢٣


والله يوفق الجميع ويكتب الخير لنا ولكم

طبعا امكن اول مرة هيئة التحقيق تعلن عن مقابلة



في العادة اول شي اختبار ويتبعها مقابلة

لكن الحين تغير الوضع وصارت مقابلة طوالي


اتوقع انهم بيسوون زي ديوان المظالم كان اختبار كتابة على الحاسب ومقابلة طوالي بعدها


ولكن لدي معلومة بقولها لكم


انا اخوي كاتب ضبط في هيئة التحقيق

والهيئة عندها مشكلة في موضوع نقل الموضفين لانهم من 3 سنوات طالبين نقل والى الان ما تم نقلهم

واخبرتهم الهيئة انو قبل ما ننقلكم لازم نوظف ناس مكانكم


الان مع ضيق الوقت وتورطهم مع موظفينهم في النقل اضطروا الى وضع المقابلة واتوقع ان الي بيجتاز المقابلة ان شاء الله اموره تكون سليمة

وبالتاكيد انو بيصير بعدها مفاضلة من ديوان الخدمة


وباذن الله الموضوع كله ما يطول ان شاء الله عشان يوظفون ناس جدد وينقلون موظفينهم


والله أعــــــــــلم ....،،،،

بالتوفيق ياشباب و غريبة ماسووا اختبار تحريري قبل المقابلة الشخصية عموما توكلوا على الله اذكر قد سألوني وش اخر كتاب قرأته واخر مقال بالجريده قرأته ولمن المقال ودائما ينكتون على الشخص اللي جايهم يشوفونه يتنرفز او لا وخلوكم مبتسمين علشان يعرفون ان بالك طويل وماتعصب بسرعه وانا قابلوني ثلاثة اشخاص ويقولون لك لو المحقق قال لك غير ماذكره المتهم في دفتر التحقيق وش تسوي قل له ارفض وابلغ رئيس الفرع
وايضا يسألونكم

شباب توي اتصلت على الهيئة وكلمت الموظف


وباقول لكم وش الي صار بيننا بالضبط
1- سالته وش بعد المقابلة يعني فيه اختبار ولا لا ؟ فقال لا ما في اختبار الي ينجح في المقابلة خلاص يعتبر نفسه اوك ...

2- سالته عن الرغبات يعني انا اخترت مثلا الرياض هل تحطوني في الرياض ولا مدينة ثانية ؟ قال اكيد المدينة الي انت اخترتها وعلى حسب درجتك كمان يعني ممكن تختار الرياض ودرجتك تعتبر ناجح بس انها اقل شوي من بعض الزملاء فيكون يحطونك في مدينة ثانية


3 - سالته عن موعد المقابلة قال الساعة 5 العصر تبدا المقابلات


4- اخر سؤال وهو الاهم سالته عن درجة النجاح في المقابلة فقال لي درجة النجاح 60%

يعني الي يجيب في المقابلة 60% يعتبر ناجح والي اقل يعتبر راسب


معليش نسيت سؤال ..... ايه خلاص تذكرته


سالته كمان كم المدة المتوقعة من بعد اجتياز المقابلة الى المباشرة ؟ قال ان شاء الله النتائج تظهر في شهر 8 القادم وبعد ما تظهر النتائج قرابة اسبوعين ويتم استدعائك تخلص الاوراق المطلوبة وتباشر مقر عملك




الله يوفقني ويوفقكم جميعا ونحصل على الوظائف الي نتمناها يارب