28-05-2013, 03:02 AM
|
عضو جديد
|
|
تاريخ التسجيل: Mar 2012
المشاركات: 19
معدل تقييم المستوى: 27
|
|
السلام عليكم
اليوم كانت مقابلتى , وورحت لهم على ساعه وحدة انا مستاجر قريب من الهيئه بس حسبت حساب الزحمه والحمدلله ماكان فيه زحمه .. فوصلت قال العسكري شوى وتدخلون انتظرو وعلى 1 ونص دخلونا على الدور الثاني
وتعببئه الاوراق الاربع ..اهم شئ ان كل شئ كان مبرمج وتنظميهم حضارى واخلاقهم كويسه عبيت الاوراق وجا الموظف قلت له ليه مافى من الغربيه الا ينبع متزاعلين من الغربيه ؟ قال لا والله بس ذا الاحتياج واكتب الرغبات الست كلها افضل لك ماتدري وين نصيبك وبيجيك نقل ,, قالت ناس كثير مانقلوا لهم سنوات ؟ قال بكل الوظائف مو بس عندنا ..
المهم اخترت 6 مدن وحرصت تكون رئيسه زى ينبع الخبر الحبيل الخ
بعدها نادونا لاختبار الحاسب وكتبت القطعه الحمدلله بدون اخطاء بس ماكملتها للاخير جانى الموظف قال مو لازم تكملها ماتضر احفظ بس الملف .. وجنبي احد الزملاء اشغلنى الله يهديه وين الفاصله وين القوس وانا استحيت منه وكنت اجاوبه .
بعدين قال الموظف ترا المقابله تبدا على 5 تقريبا اللى وده يروح ويجي والا وده يرتاح بيكيفكم طلعنا شويه حتى اذن العصر .
بعدين على 4 ونص زهمو اسماء المقابله الشخصيه وكان بدري وكانوا يعتذرون منا ان اللجنه بدات بدري وان المفروض على موعدهم 5 وهذا من طيب اخلاقهم .
المهم كنت بلجنه 6 الدور 6 خخ المهم قعدت على اعصابي لان كان اللى يدخل يقعد من 10 الى ربع ساعه فما تحملت التاخير الى ان نادوا اسمى على ساعه 6 وربع تقريبا وكان بس باقي معى اخر 3 طلاب
المهم دخلت و2 موظفين خلوقين سالنى وانا ماشئ من وين جاى عسى رحلتك ماهيب اليوم ..
وجلست سالنى من وين متخرج كم عمرك توظفت بعد ماتخرجت ..
بعدين قالى متابع للاوضاع وايش اكثر شئ تتابعه قلت اى والله متابع واحب السياسه حسيت جبت العيد قال وش ابرز شئ قلت اكيد احداث سوريا قال وش رايك بنتهى الوضع قريب ..
وبعدها سالنى من امراء الرياض المدينه الشرقيه والله واقولها صم قال من جد والله انت متابع ... قلت وش تعرف اجل ( امزح ههه )
وش عاصمه تونس الجزائر ليبا .؟
قال وش هواياتك وش تتابع اوقات فراغك ؟
بعدين قال كم امارات المناطق قلت 6 وهى بالواقع 13 وذكرت انى مااعرفها
قال وش اخر خبر قريته اليوم قلت تحويل رئاسه الحرس الى وزارة .. الظاهر انه اندهش لان الخبر كان طازة وقريته بسبق قبل مادخل
سالنى عن عمل هيئه التحقيق والاشياء الللى يتحلى بها كاتب الضبط الخ
بعدين قال من وين تتابع الاخبار من تويتر ؟ قلت لا من سبق وتيوتر بعد اتابع فيه ..
قال طيب بنشوف خطك اختار موضوع ونملى عليك عندك الوطن . الايمان , الحريه
واضح ان المواضيع منتقيه بعنايه ومدري وش خلانى اقول الحريه وملانى ويكثر فالقطعه كلمه مبادئ , ومسؤليات وهالكلمات اللى للحين معرف اكتبها خخخ .
وبس وقال النتائج تابعها على الموقع ..
الله يوفقنا وياكم . مع السلامه
التعديل الأخير تم بواسطة الحياة مرة ; 28-05-2013 الساعة 03:12 AM
|
العرض العادي
