السلام عليكم جميعا ابشركم سويت مقابله امس يوم الثلاثاء الموافق 27 وبعلمكم وش صار معي انا بالتحديد اوكي اول شي شوف الاستعجال وش سوا فيني رحت لمدينة التدريب طبعا بالرياض الساعه 7ونص وصلت هناك 8 ونسيت الصور بالبيت وظرب مشوار للبيت مره ثانيه وجيب الصور لا وانا رايح من طريق خريص وشوف الزحمه الله يعين رحت وجلست على الكراسي شوي ونادوا اسمي وادخل الصالة اول ما دخلت على طول طول ووزن نجحت فيها الحمد لله شوي يقولك ارجع اجلس وبعدها على طول مقابله شخصيه تدخل المقابله الشخصيه واشوف الافلام السؤال الاول وش اسمك ارفع صوتك ترفع صوتك ولا لا تجيني ترفع صوتك انت لا تعال طقني احسن وبعد شوي يقولك اقرا الفاتحه وبعده صورة الكوثر بعده يقولك تدخين تشيش تشم طبعا لا وصيك كل شي لا وبعده تروح عند اللي جنبه يقولك وش اسمك وبعدين يسالك وش شهايدك وش الدورات كيف معلوماتك بعد كذا على طول وش يحد المملكه من الشمال منهو رئيس مجلس الشورى ومن هو مدير الامن ومنهو وزير الداخليه لا تنسى صاحب السمو الملكي نايف لا تقول الا مير نايف على طول اوكي بيشوتونك اذا احس انك ذكي وعندك معلومات يحولك على عسكري في المكتب الثاني اذا حولك فانت معلوماتك كويسه واذا ما حولك يعني مشي حالك وبعد كذا تجلس وبعدين يعطيك اوراق الكشف الطبي والاحوال والبصمات تاكد انها كامله ويقولك اول ما تخلص ادخل على الموقع واكتب انك مخلص بيعطيك موعد في يوم الموعد اللي يعطيك هو الكمبيوتر وتروح لهم وانت مخلص اوراقك كامله اوكي الله يوفقكم جميعا وعذروني على القسورفي امان الله وبعد ما اخلص لنا اقا ثاني واذا احد عنده سؤال انا حاضر