السلام عليكم ورحمته الله وبركاته ....

أسعد الله اوقاتكم بالخير والمسرات ..

أخواني أنا تم قبولي في وظيفة مراقب امن وسلامة بالمرتبه الرابعه . وحاليا اعمل بالقطاع الخاص ولي تسع سنوات والحمد الله بوظيفة منسق علاقات وراتبي طيب . السؤال هل تنصحونني بالذهاب الى الوظيفة الحكوميه او الاستمرار بالشركة علما بانني الوضح الحالي للشركة جيد وتعرفون مميزات الشركات التامين الطبي والبونص . والفرق الراتب في وظفتي الحاليه والوظقيه الحكوميه المتقدم عليها 3500 ريال . اي الشركة اعلى

والله انني متردد والله يكتب اللي فيه خيره

عليكم السلام ورحمة الله وبركاته
والله ياخوي اذا تبي نصحت اخ محب لك بالخير اترك الشركه وروح للحكومي افضل لك لأن الشركات ما تضمنها بكره يقول لك مع السلامه وتعض اصابع الندم لكن الحكومية لو حدث لك شيء لا سمح الله يبقى راتبك لأبنائك
نسأل الله لك التوفيق لما فيه الخير

الراتب هو الاهم لو مافي راتب محد يتوظف !!

بس الوظايف الحكوميه استقرار وساعات اقل !!

والله شي محير جداً ، استخير ..

انا بقول رأيي لو انا في مكانك اروح حكومي بس ما اطلع من الشركه لين اتأكد من الوظيفه الحكوميه
واكمل دراستي انتساب في الجامعه واترقا في المرتبات ويتحسن الوضع والراتب ان شاء الله

والشركات وانا اخوك مالها امان .. تتقاعد من وظيفه حكوميهالراتب يكون افضل بكثيييير من انك تتقاعد من شركه او القطاع الخاص بشكل عام !!!
والحكومي اجازات العيد واليوم الوطني واذا فيه اكراميه شي ماينسونهم لكن الشركات والقطاع الخاص شبه منسيين

لكن تأكد لاتفصل من الشركة إلا اذا ضمنت الوظيفه ان شاء الله (في حال انك اردت الوظيفه الحكوميه)
لان الحكوميه فيها الواااو يلعب دور والله كل شي فيه الووواو يلعب ادوار مو دور ههههههه اتمنى لك التوفيق

وفكر زين واستخير وشاور الناس الي لهم بااااع طويل في الوظايف الحكوميه والخاصه .. شكراً وماعليش على الاطاله هع

الله يوفقك يارب

اول شي كم راتبك اذا يفرق 3500 راتبك فوق 8000 ايش شركة هذا قوية
المرتبة الرابعة 4600 صافي
والله ياخوي اذا شركة قوية لاتتركها لن الشركة فيها مميزات راتب اليوم 5الاف بعد سنتين يمكن فوق العشرين

واذا شركة فاشلة تاخير الرواتب رواح للحكومة لا تشاور وصلاة الاستخارة لاتنساها

بالتوفيق لك ياخوي

حكومي لو ناقص 2000 ريال

ماتبي الوظيفة عطني مجال انا احتياط يارجال ياخي توكل على الله وروح وظيفة حكومية ازين لك ماورى الشركات الا النكد وربي

اشكرك الجميع على التفاعل وابدا الري والله يعطيكم العافيه

ياخوي انصحك نصيحة محب عليك بالاستخاره والله يوفقك لكل خير ورزق وبركه وفالي وفالك التوووفيق

والله محير موضوعك
بس الوظيفه الحكومية الام الرحومه

الان بجميع الوظائف الحكومية فيه دوام مسائي 50% يعوض عليك اللي تفقده من راتب الشركة