بسم الله الرحمن الرحيم
ابكتبلكم الحين مشكلتي عل وعسى اجد منكم توضيح لحقوقي

اول شي انا فتاة سعودية مؤهلي ماجستير في الخدمة الاجتماعية
تقدمت للعمل في مدارس اهلية في وظيفة ادارية في بداية الترم الثاني بتاريخ 14 / 3
وقعت العقد على ان تكون فترة التجربة هي ثلاث شهور
والراتب المتفق هو ثلاث الالاف ريال
انضبطت في الدوام ولكن تعرضت للضغط النفسي وضغط العمل مما دعاني الى طلب تحسين وضعي او الاستقالة فعطتني مديرتي في العمل الاشارة الخضراء لمهاتفة صاحب المدارس ولما كلمته ووضحت له الامر كان اوقح انسان شفته وقال اختاري اما الصبر او الاستقالة ،، استخرت واستشرت وذهبت الى مكة واخذت عمرة وبعدها قررت اتركهم ،،

نجي لليوم الاكشن
في نهاية دوام يوم الاربعاء الموافق 8 /5 اللي هو قبل الاجازة
جتني سكرتيرة المدارس اللي تقرب لصاحب المدارس تجبرني على الاستقالة وانه لايحق لي راتب كامل لهذا الشهر
وكان باقي على نهاية الشهر عشرة ايام فقط !
ذهبت للمديرة وتناقشت معها وكان كلامها هو انه لابد من الاستقالة فورا
وبعدين جيت سلمت لهم العهدة فقط اللي هو سجلات العمل والمكتب بملحقاته فقط
اما خطاب الاستقالة اخذته معي للبيت ولم اوقع عليه ولم اوافق على تاريخ يوم الاستقالة اللي دونته السكرتيرة وهو 8 / 5

السؤال الان
ماهي حقوقي هل راتبي بيكون كامل؟؟؟
وش السيناريو المتوقع حدوثه وش اللي بيصير وش المفروض

انا ماعاد اطيق اشوف رقعه وجيههم

والسؤال الاخير ،،، هل ينفع ان زوجي هو اللي يسلم لهم خطاب الاستقالة وياخذ منهم وثيقتي الماجستير؟؟؟ والا اروح بنفسي وانا ما ابي وش تتوقعون يصير