ربي يسعدك سلافو على ردك كان ودي اطابق اليوم بس تعبانه بس بخليها بكرا ان شاء الله مع موعد الاحوال اخلص اموري وارتاح وجزاك ربي الف خير ويارب تعيينك بالثلاث الرغبات الاولى

السلام عليكم ورحمة الله وبركاتة

نداء الى المجتازات قياس من قسم اللغة الانجليزية

انا كتبت الموضوع هنا حتى نستفيد من نصائحكم ووفقكم الله في المطابقة والترشيح النهائي على الرغبة الاولى

اتمنى منكم مساعدتي في كيفية اجتياز الاختبار لاني في الاختبار الاول جبت درجة عالية في القسم التربوي وقسم التخصص ماتجاوزتة

مع العلم بان نقاطي في جدارة 70 وعليها واختبار قياس يبدا باذن الله في شهر 4 يعني نقاطي راح تزيد باذن الله وفية امل بالتعيين ان شاء الله لان نقاط الانجليزي منخفضة في بعض المناطق


وان شاء الله راح ابدا من الان في الاستعداد لة بزيادة مفرداتي اللغوية
كيف ذاكرتوا للاختبار وركزتوا على ايش بالضبط لاني ركزت على القرمر وماجاء الا سؤالين فقط
كيف احصل على كتب طرق التدريس واللغويات


ماهي الاشياء الاساسية اللي ركزوا عليها في الاختبار
فية بعض الاسئلة اذكرها وبعضة لا وبعض الكلمات مافهمت معانيها

لاتبخلوا علي باي معلومة لاني والله العظيم محتاجة الوظيفة ولازم اجتاز الاختبار


اللي تذكر من الاسئلة شي ياليت تكتبة لنا

اذكر تقريبا اربعة اسئلة جات مافهمت السؤال زين كانها ترتيب جملة او علامات ترقيم

ياليت اللي فهمت السوال تشرحة لي

السلام عليكم
بالنسبه لي اشوف اختبار التخصص كان صعب ومدري اذا البنات يختلفون عن رأيي
انا اذكر فيه سؤالين عبارة عن قطعه وعليهم عدة اسئله القطعه كانت غير واضحه والوقت مايساعد تقرينها وتستوعبينها
وكمان تستوعبين الاسئله الللي عليها.
بقية الاسئله ركزوا على اللغويات
وعلى معاني الكلمات
وفية اربع اسئلة كانت بهذي الطريقة يجيبون جملة طويله وتحتها ٤ خيارات والسؤال يقول اي هذي الخيارات هو الاقرب لمعنى الجملة السابقه. طبعاً كل الخيارات صح بس هم يبغون الاصح
اقولك الحقيقة انا طلعت من الاختبار ابكي وجلست ادعي الله ليل نهار اني انجح والله سبحانه كريم ونجحت على الحافه
هذا اللي حصل معاي كتبته بكل امانه والله ماابغي اني اخليك تتشائمين ولا شي لكن قياس هذا ظلم ليش احنا نلعب في الجامعه مثلاً
احنا درسنا اربع سنوات وتجاوزنا اختبارات تخصصنا خلاص قياس هذا مانبغاه ليش يحطونه عقبه في وجيهنا.
هذا رايي واتمنى ان البنات كل وحدة تساعدك وتكتب تجربتها. ختاماً اسأل الله العلي القدير ان يجعلك والجميع تتجاوزون قياس وتتوظفون ويوفقكم في الدنيا والاخره

اذا نجحتي بقياس يجيك التعين
اللغة لابد من ممارستها
البعض ماتمارس اللغة حتى اذكر وحدة نسيت الحروف
اغلب المواد الاخرى من نفس كتب المدارس فسهل عليهم
الانجليزي يعتمد مدى ايجادك و اتقانك للغة
كثير مانجحوا في قياس من القديمات وهذا من صالحك
تعتبري جديدة
الترشيح اللي نزل رشحوا وحدة نقاطها 71 لها 3 سنين عطالة

للغويات كتاب the study of language by goerge yule اشوفه مفيد لانه شامل ولغته سهله لكن مااضمن ان الاسئلة تكون منه ، اذكر سؤال اكيد جاء منه لاني بعد الاختبار شفته فيه

احد يقولزلنا كيف المطابقة اليوم بالرياض؟

طيب بنوتات الي طابقو ، موظفه وحدة تطابق لكم او اكثر؟
د