ارجو الافاده

سنايبر الحربي · #1 (**permalink**) 27-03-2013, 01:54 PM

السلام عليكم ورحمة الله وبركاته ..

كيف حالكم ..

ابدا بالموضوع .. انا باخذ قرض بامكاني اخذ من 70 الف الى 120 الف .. بس ابي منكم تقولون لي وش المشاريع اللي ربحها بعد توفيق الله مضمون .. علما اني ساكن بالرياض ..

القرض باخذه وانا مو موظف يعني لازم تكون الشغله مضمونه .. اهم شي يكون دخلها الشهري من 13 وفوق ..

واللي عنده خبره باي مشروع يفيدنا ..الله لايهينكم

احساس خورافي · #2 (**permalink**) 27-03-2013, 02:06 PM

اخوي مافيه احد يحدد لك الربح مسستحيل

لاكن انا مثلك موظف واخذت قرض والحين ابحث عن موقع مميز لفتح مغسلة ملابس

افضل مشروع في نظري مغسلة الملابس اذا خسرت في المغسله اعرضها لتقبيل او بيع المعدات الي فيها وفيز العمال ويرجع لك حلالك

وبتوفيق..

سنايبر الحربي · #3 (**permalink**) 27-03-2013, 02:35 PM

انت تبي تحط عامل وتخليه يشتغل لكن بالنسبه لي انا بفتح المحل وباشرف عليه بنفسي <تفرق ترى

المال و الأعمال · #4 (**permalink**) 27-03-2013, 02:50 PM

نصيحه لا تاخذ قرض عشان مشروع ادري ان هذا حلك الوحيد و لكن بتدخل في دوامه طويله عريضه لو تصبر و تجمع افضل من القرض

احساس خورافي · #5 (**permalink**) 27-03-2013, 03:21 PM

اخوي لازم تحطه بنسبه كـ بدايه

انا راح افتح المحل واجيب واحد مو على كفالتي واجي كل شهر اخذ المبلغ المتفق عليه كل شهر واطلع عامل على كفالتي انا واحطه مساعد معاه ولما العامل الي على كفالتي يعرف الشغل ويعرف اللغه العربيه

بشغله براتب والعامل الي مو على كفالتي اذا يبي يشتغل براتب يا اهلن وسهلن واذا مايبي الباب قدامه

لآن البدايه في فتح المغسله صعب والارباح محدوده خلها سنتين بنسبه اذا عرفوها الناس شغل عمالك براتب

راح اجرب الحركه هاذي وراح اعلمكم هل الطريقه ذي ناجحه او...فاشله

سنايبر الحربي · #6 (**permalink**) 27-03-2013, 03:25 PM

اقتباس:

المشاركة الأصلية كتبت بواسطة المال و الأعمال

نصيحه لا تاخذ قرض عشان مشروع ادري ان هذا حلك الوحيد و لكن بتدخل في دوامه طويله عريضه لو تصبر و تجمع افضل من القرض

احترم وجهة نظرك لكن منحدين على القرض .. لاوظيفه راضيتن تقبل بنا ولا عندنا راس مال ..

بالنسبه للقرض بيقصدونه عليك شهريا من 1200 الى 1600 او 1700 <<ماراح تضرك اذا دخلك فوق الـ 13 .. والانسان يجتهد ويصبر ورزقه با1ن الله يجيه

المال و الأعمال · #7 (**permalink**) 27-03-2013, 05:19 PM

اقتباس:

المشاركة الأصلية كتبت بواسطة سنايبر الحربي

احترم وجهة نظرك لكن منحدين على القرض .. لاوظيفه راضيتن تقبل بنا ولا عندنا راس مال ..

بالنسبه للقرض بيقصدونه عليك شهريا من 1200 الى 1600 او 1700 <<ماراح تضرك اذا دخلك فوق الـ 13 .. والانسان يجتهد ويصبر ورزقه با1ن الله يجيه

طيب خلنا نكون واقعيين اذا كان عندك مشروع ممتاز راح يدخل لك ٥% شهريا هذا بالنسبة للمشاريع الممتازه طيب نجي نحسبها لك من خلال رأس المال ١٢٠ الف في ٥% شهريا هذا طال عمرك ٦٠٠٠ ريال نقص منها ١٧٠٠ اقساط القرض يصفى لك ٤٣٠٠ ريال اذا تشوف انك تقدر بالتوفيق اما اذا ما قدرت انصحك تشوف موضوعي عن المشاريع لرأس المال أقل من ٥٠٠٠ ريال الين ربي يفرجها و كلن محتاج بس المشكله في الاستعجال و الله يوفقك

سنايبر الحربي · #8 (**permalink**) 27-03-2013, 11:03 PM

كلامك على عيني وراسي .. بس انا أبي أشتغل ومتاكد به مشاريع تدخل اكثر من اللي قلت ..
محل اكسسوارات الكشك الصغير < انت تحقره يوم تشوف تقول داخل مايتعدى 5000 بالشهر < والحقيقه انه بأسوأ الاحتمالات واذا كان شغله تعبان يدخل باليوم 500 يعني بالشهر 15 مضمونه بعد توفيق الله طبعا ..

وانا مدري ليش تكبرون المسأله ولازم خبره ومدري ايش <شف العماله اللي عندنا اكلو الدنيا علينا وهم والله لاخبره ولاشي بس جا وفتح له محل وقام يتعب عليه ويشرف عليه بنفسه .. ياخي مشكلتنا اتكاليه الواحد يستحي يفتح له محل صغير ويترزق منه لازم يكون محله كبير وكلام فاضي وهو مامعه راس مال .. خل نكون واقعيين شوي ترا الواحد لاتعب على الشيء يحصل ثمرة التعب .. .. ولا وشرايكم بكلامي يالربع <اتقبل النقد بكل صدر رحب

المال و الأعمال · #9 (**permalink**) 27-03-2013, 11:56 PM

اقتباس:

المشاركة الأصلية كتبت بواسطة سنايبر الحربي

كلامك على عيني وراسي .. بس انا أبي أشتغل ومتاكد به مشاريع تدخل اكثر من اللي قلت ..
محل اكسسوارات الكشك الصغير < انت تحقره يوم تشوف تقول داخل مايتعدى 5000 بالشهر < والحقيقه انه بأسوأ الاحتمالات واذا كان شغله تعبان يدخل باليوم 500 يعني بالشهر 15 مضمونه بعد توفيق الله طبعا ..

وانا مدري ليش تكبرون المسأله ولازم خبره ومدري ايش <شف العماله اللي عندنا اكلو الدنيا علينا وهم والله لاخبره ولاشي بس جا وفتح له محل وقام يتعب عليه ويشرف عليه بنفسه .. ياخي مشكلتنا اتكاليه الواحد يستحي يفتح له محل صغير ويترزق منه لازم يكون محله كبير وكلام فاضي وهو مامعه راس مال .. خل نكون واقعيين شوي ترا الواحد لاتعب على الشيء يحصل ثمرة التعب .. .. ولا وشرايكم بكلامي يالربع <اتقبل النقد بكل صدر رحب

كلامك صح بالعكس انا ما احب اكبر السالفه بس خلني اقول لك العمال الي ذكرتهم يبدأون حبه حبه و هذا الصحيح الله يهديك بتاخذ قرض و تغامر فيه ترى اي شئ تدخله لازم تتعلمه عشان كذا العمال يبدأون من اشياء صغيره و بعد ما يفهم الشغله و يحبكها مضبوط يكبر و يتوسع على فكره اشتغلت انا مره في شغل الحريم و جبت بضاعه امريكيه تكلفة الحبه تكلفة الحبه طلعت علي بعشر هللات و سعر الجمله ريال بالغصيبه مشيتها اخذت ٤٠٠٠ حبه كعينه اجرب و اطقطق ما رضو يشترون تجار الجمله و ماخذين نوع ثاني صيني و منتجي كان افضل لكن السوق له ناس محتكرين و ما تقدر تدخل وسطهم فالاخير اضطريت ابيعها قطاعي عن طريق بازارات نسائيه و ما راح تصدق بعت الحبه ب١٠ ريال يعني ١٠٠ ضعف بس المشكله ما بعت كامل الكميه لسا موجود عندي منها بس رجعت راس مالي و بعضها وزعتها على القرايب و شوي مخليها اشوف لها حل بعدين انت ماشي صح ما عليك من احد خاصة الي عجبني في انك انت بتديره بنفسك بس لا تنسى على قولة الشيبان لا تكبر اللقمه و الله يوفقك لا تراجع الى الامام زنقه زنقه

سنايبر الحربي · #10 (**permalink**) 28-03-2013, 01:23 AM

اقتباس:

المشاركة الأصلية كتبت بواسطة المال و الأعمال

كلامك صح بالعكس انا ما احب اكبر السالفه بس خلني اقول لك العمال الي ذكرتهم يبدأون حبه حبه و هذا الصحيح الله يهديك بتاخذ قرض و تغامر فيه ترى اي شئ تدخله لازم تتعلمه عشان كذا العمال يبدأون من اشياء صغيره و بعد ما يفهم الشغله و يحبكها مضبوط يكبر و يتوسع على فكره اشتغلت انا مره في شغل الحريم و جبت بضاعه امريكيه تكلفة الحبه تكلفة الحبه طلعت علي بعشر هللات و سعر الجمله ريال بالغصيبه مشيتها اخذت 4000 حبه كعينه اجرب و اطقطق ما رضو يشترون تجار الجمله و ماخذين نوع ثاني صيني و منتجي كان افضل لكن السوق له ناس محتكرين و ما تقدر تدخل وسطهم فالاخير اضطريت ابيعها قطاعي عن طريق بازارات نسائيه و ما راح تصدق بعت الحبه ب10 ريال يعني 100 ضعف بس المشكله ما بعت كامل الكميه لسا موجود عندي منها بس رجعت راس مالي و بعضها وزعتها على القرايب و شوي مخليها اشوف لها حل بعدين انت ماشي صح ما عليك من احد خاصة الي عجبني في انك انت بتديره بنفسك بس لا تنسى على قولة الشيبان لا تكبر اللقمه و الله يوفقك لا تراجع الى الامام زنقه زنقه

لا عادي حنا بشغل واعذرني اذا تحمست بزياده بس الموضوع جدي ..مثل تجربتك هذي استفدت منها انا انا ادور مثل هالبضاعات لانك لو بعت ربعها فانت ربحان يعني على كل الحالات باذن الله ماتخسر ..انا عندي اثنين اخوان يطقطقون بالتجاره وشغالين والحمدلله ماشيه امورهم بامكاني اروح لهم واخليهم يعطوني شغله استلمها <<بس ابي اطلع نفسي بيدي مابي بكره يقولون اخوه طلعه .. والشيء لاجاك بالهون ماتحس بقيمته ..

لا بالعكس ماكبرت اللقمه ومشروعي صغير وهو اافضل شيء بس قاعد ادور لي موقع كويس لانه اهم شي الموقع ..

وان كان عندك تجربات غير هالتجربه اللي قلتها لنا اسردها لنا نبي نستفيد منك الله يحييك ..

شاكر لك