السلام عليكم ورحمة الله وبركاته.
انا ادرس بالمعهد العالي للصناعات البلاستيكية وتخصصي مطلوب بشركات البتروكيماوية ويسمونه(تقنية البوليمر) دبلوم سنتين (فني مشغل آلات) طبعا راح يدرسونا لغة انقلش ويعطونا اربع شهادات من غير الدبلوم.>المهم ودي اعرف الشركات الكبرى مثل سابك وسبكيم وارامكو ..........الخ. كيف اجعل سيرتي الذاتية قوية قوية وقبولي إن شاء الله يكون مضمون؟أعني فيه شهادات او دورات تنفعني كفني او تقوي سيرتي الذاتية؟


ياليت تعطوني عشان من الحين ادرس عشان بعد التخرج إن شاء الله اقدم.

الشركات الكبيرة تحتاج الخبرة. لابد أن يكون لديك خبرة في نفس المجال المطلوب , لأنه راح يرجح بنسبة كبيرة فرصة قبولك في الوظيفة مع الاخذ بالاعتبار وجود مهارة اللغة الإنجليزية و مهارة التعامل مع الحاسب الألي و معرفة العمل على التطبيقات المهمة في الكومبيوتر..

الانجليزي إن شاء الله باخذ شهادة>طبعا قبل لا أتخرج بـ6 شهور او اكثر ممكن او الافضل بعد التخرج؟
أما الحاسب ودي اعرف وش علاقتها ؟انا فني مشغل آلات >والالة الي اشغلها تنتج بلاستيك او البوليمرات.
ودي اعرف اخوي لاهنت.

الخبرة لها شهادة ولالا؟يعني اخذت 6 شهور في شركة وانقبلت بشركة سابك مثلا اخذ شهادة خبرة من شركتي ولا هم يعرفون بنفسهم؟

الخبرة ركز عليها أنا كنت أقدم سيرتي الذاتية ورغم أن تقاديري ممتازة ما كان يوصلني صدى ولما صار عندي خبرة وصلتني عروض عديدة
والحاسب والدورات تعطي انطباع للشركة عن شخصيتك أنك إنسان حريص على تطوير نفسك وجاد ما تضيع أوقاتك
والحاسب الآن مهم في كل مجال حتى لو تخصصك بعيد عنه ممكن الشركة اللي توظفك تضيف لك عمل آخر مع عملك الآساسي وممكن هو اللي يفرق بينك وبين متقدم آخر عنده نفس تخصصك

حط في اعتبارك أن الشركات تختار الخبرة + الجدية والسي في دليل عليها

الله يوفقك

لما تشتغل في شركة او مؤسسة صغيرة سوى اشتغلت معم شهر او شهرين او سنه فا عند تقديمك الإستقالة تقوم أنت بطلب شهادة خبره منهم وهم يطبعونها لك مختومة. وبكذا ترفقها مع سيرتك الذاتية.

طيب اخواني معليش كثرت عليكم الاسئلة>لكني جديد على القطاع الخاص وتوي اسمع عنه وأعجبني صراحة.المهم

تكفي شهادة ادخال بيانات ونصوص 6 شهور+شهادة انقلش 6 شهور>أما الانقلش ما أدري لها أنواع او تخصصات ولا كذا!!؟


من غير الخبرة وشهادة الدبلوم تقنية البلاستيك والبولمر+4 شهادات إنقلش من نفس المعهد العالي للصناعات البلاستيكية.

اللغة الانجليزية ما تحتاج شهاده لأنها مهارة ، و مهارتك باللغة إما ممتازه أو جيده جداً او جيده او مقبوله او ضعيفه.وتذكر ذلك في سيرتك الذاتية و على فكرة لما تقدم ع شركة و اذا هم راح يتأكدو من لغتك الانجليزية فا راح تصير المقابلة الشخصية كلها بالانجليزي

الله يجزاكم خير إن شاء الله.

طيب ياأخواني أنا موقع عقدي من الان ولله الحمد مع شركة كويسة مو مرة يعني, لكن تمشي الحال فقط راح احذ خبرة لا أكثر ولا اقل وانا بنفس الوظيفة بعد 6 شهور او سنة بعدين أقدم على الشركات الكبرى لكن المشكلة كيف ارفق شهادة الخبرة وانا موظف عندهم ومااستقلت لأني ماقدر اترك شركتي واقعد بالبيت عاطل!!

كيف الطريقة؟

فهمتوني ياشباب

عندك حلول مثلاً :

تكتب في سيرتك الذاتية ان لديك 6 شهور خبره في مجال العمل.و اثناء المقابلة الشخصية تذكر لهم أنك ما زلت رأس العمل.


والحل الاخر : هم يقدرون يتأكدون خلال التأمينات الاجتماعية. لآن أي موظف بشركة أو مؤسسة لابد أن يكون مسجل بالتأمينات.

أصلا أول ما توظف بالشركة الي تعاقدت معها أطلب منهم تسجيلك في التأمينات الاجتماعية حتى تحتسب لك خبره عمل و أيضا يصير لك مبلغ تقاعد عند الاستقالة.

مشكورين.>سؤال اخير

شهادة التوفل وش رايكم فيها تنفع؟
وهل فيه شهادات انقلش غير التوفل؟كويسة؟