المفاجاءة بالداخل

المستوي الثالث · #1 (**permalink**) 28-03-2013, 10:43 PM

السلام عليكم ورحمه الله وبركاته

كيف حالكم آن شاء الله بخير

أنا حبيت اخذ أستشاره من اهل الخبره والموظفين خصوصا ...

أنا ادرس حاليا انتساب في الجامعة المستوي الثالث وادفع كل ترم مبلغ 2500

الي 3000 الالاف ريال ..

وحاليا انا ساكن في الهفوف وبحثت عن عمل ولا حصلت ...

المهم فيه شخص قريب مني ودق علي امس وقالي انه حصل لي وظيفه بالرياض

براتب 5 الالاف ريال والعمل في الرياض في شركة مقاولات لمده سنتين بعدين وبعدها

اترسم بنفس الشركه ...

فقالي عطني رايك اذا تبيها اوكيه واذا ماتبيها قولي عشان ماتفشلني عند الرجال

فانا حبيت اخذ رايكم انتم وشرايكم بالله هل اوافق او ارفض خصوصا اني ادرس انتساب

واسكن في الهفوف والوظيفة بالرياض ....

فحبيت اعرف رايكم هل اوافق او ارفض خصوصا اني انحرجت من الرجال والله لانه قالي

اذا ماتبيها قلي عشان ماتفشلني ويطيح وجهي عند خويي ...

تكفوون أبي رآيكم واتمني لحد يدخل ويطلع بدون مايعطيني رايه ..

آسآل الله ان يحرم النار عن وجهه كل واحد يمر علي موضوعي ويرد عليه يارررررررب

واللي مايرد الله يسامحه دنيا واخرره ..

موفقين وتحياتي لكم

صريحة · #2 (**permalink**) 29-03-2013, 01:26 AM

الوظيفه ماتتعو ض والراتب حلووو يستاهل والدراسه عادي عن بعد بس فتره الاختبارات ترررروح

عاطلة كيميائية · #3 (**permalink**) 29-03-2013, 02:13 AM

خلي عندك طموح وامسك العصا من النص يعني ادرس واتوظف الحياه يبيلها كفاح وان شالله تجني ثمار الكفاح

amani · #4 (**permalink**) 29-03-2013, 02:29 AM

اتوظف فرصة وجات لين عندك واكسبها واذا على الدراسة روح وقت الاختبارات وهم بيراعون هالشي زي اغلب الشركات

عاشق الغور · #5 (**permalink**) 29-03-2013, 02:50 AM

اشتغل وادرس
ايش المشكله
الله يوفقك

هاجس الروح · #6 (**permalink**) 29-03-2013, 04:19 AM

والله اللي اشوفه انك تتوظف بالرياض واذا عن الدراسه مافي مشكله وقت الاختبارات وحاول انك تاخذ رقم صاحبك

اللي يدرس معاك بحيث انو يعلمك وفي نفس الوقت يساعدك بالتخطيط بدون ماتتبهذل اذا جات الاختبارات هذا رايي

وانت وسلامتك يالغلا