السلام عليكم ورحمه الله وبركاته


أخواني انا بستأجر ارض بمساحة 620 متر مربع على شارع عام

بقيمة 40 الف بالسنة هل السعر مناسب؟

وبسوي فيها مغسلة سيارات اربع مسارات

وحبيت اعرف كم سعر البستم ؟؟

وهل البلدية توافق اني اسويها بدون محطة ؟؟

وكيف الأجراءات

ويعطيكم الف عافية ..

لية ما ودك تحطها عند محطةة


أتوقع أفضل لك !

لا ودي فيها برى المحطة

!!!

اذا الموقع فيه كثافة .. ممتاز ..

اهم شي الديكور الخارجي يكون ملفت ويعطيك انطباع انه مغسلة سيارا ت من بعيييد ..


عطنا مشروعك خطوة بخطوة الله لا يهينك ..

مووووفق ..

الله يوفقك اخوي
لكن انصحك لاتسوي شي حتى تراجع البلدية
انت من اي مدينة ؟؟؟

يا كثر المغاسل اللي برا المحطات

ماهو شرط أساسي

أتوكل على الله وربي يرزقك

وسعرها في نظري مناسب

يعطيكم العافية

شكرا لدعكم

من وجه نظري السعر مناسب جدا لكن هذا يعتمد على الموقع والكثافه السكانيه
انت من اي مدينه؟
اذا تبي اي شي انا حاضر/راسلني ع الخاص

السعر مناسب جداً ؛ إذا كان الموقع جيد و لا يوجد بقربه مغاسل ؛ لإن مغاسل البستم لاتكون بكثرة إلا بالصناعية ؛
و لكن لا بد أن تعمل حساب تصريفات المياه التي لاتضايق العملاء و لا تزعجهم و توفير العمالة الجيدة المتعاونة
(( و الأفضل إذا أردت الربح أن تكون بالنسبة .. يعني بدون راتب ))
وأن توفر للعملاء صالة جلوس جميلة الديكور و الإضاءة يرتاح فيها العميل و أن توفر فيها ( تلفزيون + مشروبات ساخنة يحضرها الزبون لنفسه وقت الإنتظار .. و مثل هذه الأفكار تجذب الناس و غيرها )
دعاية ((التعليقة )) بالداخل بإسم المحل + المعطرات الجميلة
و إذا اسمريت نستطيع مساعدتك بعد الله سبحانه
بالتوفيق أخوي

مشروع جدا ناجح إذا طبق بالطريقه الصحيحه
واهم مقوماته //
العمــآآآله ( أعتقد لو تجيب عماله آسيويه أفضلك مثل فلبنيين أو أندنوسيين وخلافه )
أبعد كل البعد عن العماله اليمنيه والأثيوبيه , إذا أضطريت عليهم مالك إلا تأجر لهم لأنك ما راح تاكل عيش معاهم
وأفضلك تاخذ من كل عامل مبلغ معين ع حسب شغل المغسله
أو إذا حبيت تشغلها لك لابد تكون متواجد ع طول .. وحفز العماله بحوافز ماليه أضافه ع الراتب
إذا جلس ع الراتب فقط راح يتباطأ ويتكاسل بالعمل بباله أخر الشهر بيجيه راتبه والسلام مو مستفيد شي ..
فإذا أعطيته نسبه ع كل سياره يغسلها راح يشد حيله والله الله بالعمل والغسيل والكوي .. والنظافه واللمعان
إذا مساحة المغسله تشيل سولك بنشر صغير حق تغيير زيت وأجره ع عامل يماني .., وسو لك كوفي شوب صغير ذو جلسات أنيقه وشاشه كبيره , وزود المكان بأنترنت , أي شخص يغسل سيارته يتذمر ويطفش من الوقت المهدر في غسيل السياره ونا منهم ..
أعتقد البستم ممنوع بجده ..
لا يوجد سوا الغسيل العادي .. والله أعلم
الله يوفقك وينور لك دربك