يذكر فى قديم الزمان انه كان هناك فريق عربى للتجديف
اتفق العرب واليابانيون على عمل سباق سنوى ويكون الفريق 8 افراد





كل فريق استعد جيدا وكانت استعدادات الفريقين متشابهه وفى اليوم المحدد للسباق فاز اليابانيون بفارق ميل واحد






زعل العرب جدا وقام المدير وقال انه راح كسب السباق السنه الجايه وجاب فريق من المحللين يشوفوا السباق ويقدموا الحلول المناسبه






وبعد الفحص والتمحيص اكتشفوا ان الفريق اليابانى كان فيه كابتن واحد وسبعه يجدفون




اما فريقنا طبعا كان فيه 7 كباتن وواحد بس يجدف !






ساعتها اكتشف المدير حل جميل للموضوع وهو الاستعانه بشركه استشارات متخصصه لاعاده هيكله الفريق






وطبعا اكتشفوا الخلل في السبع كباتن واللى يجدف واحد فقدموا الحل وهو تغيير البنيه التحتيه للفريق






وبدءا من اليوم راح يكون فى 4 كباتن بس ومديرين اعلى ومدير رئيسى و راح يقدموا حوافز اكتر للشخص اللى يجدف




فى السنه التانيه فاز اليابانيون بفارق 2 ميل




فقرر المدير ان يستغنى عن الشخص اللى يجدف نظرا لاداءه غير المرضى






وتم تقديم مكافاه ضخمه للادارة نظرا لمستواها العالى والجهد الجبار اللى عملوه فى فترة التحضيرات



وقامت شركه الاستشارت بعمل تحليل جديد قالت فيه ان الاستراتيجيه كانت ممتازة جدا والحوافز كذلك بس المشكله كانت فى الادوات المستخدمه والتى يجب تطويرها




وحاليا يقوم فريقنا بتصميم قارب جديد!!!