في بالي أفتح متجر إلكتروني

لكن اللي محيرني موضوع الشحن والتوصيل للعملاء

انا بالرياض

أفيدوني التوصيل داخل الرياض يعني اتعامل مع سايق ؟
وهل أدفع له شي ؟ أو تكفيه رسوم التوصيل من العميل 30 ريال

ثاني حاجه
لو بشحن لخارج الرياض ودول الخليج
هل أعطي شركة الشحن رسوم ؟ أو تاخذ من العميل رسوم التوصيل ؟


وكمان هل الشركة توصل بيتي تاخذ الطلب ؟ أو لازم انا اروح لها اعطيهم


وكمان افيدوني بالتفصيل بخصوص هالموضوع لا تبخلون علي

والله يوووفقكم ويسعدكم

كمان ماهي أفضل شركة شحن
من ناحية الخدمات والأسعار

السلام عليكم

التوصيل في السعوديه من اكبر الاسباب المحبطه لتجارة الاكترونية

التوصيل الداخلي يعني في نفس مدينتك تقدر توصل انت او اذا عندك سواق اما مجاني او مبلغ مايزيد عن ٣٠ ريال او المشتري يجيك الي مكانك ويصير التوصيل مجاني


خارج المدينه تتعاقد مع الشركات ارامكس اوفدكس

يعني تروح للفرع الرئيسي تقول انا عندي شحن يومي وعندي سجل تجاري

طبعا علي قد شحنك اليومي يعطونك سعر ويكون عندك رقم حساب في الشركه تشحن عن طريقه

علي سبيل المثال ارامكس لو تروح انت كذا يشحنون لك ٩٠ ريال

لو صلحت معاهم عقد وكان عندك شحن واجد يصير الشحن لك مثلا ٥٠ ريال وكل مازاد الشحن او عندك واسطه في الشركه توصل الي ١٥ ريال

اذا كان عندك مقر مكتب الشركه تجي تاخذ منك اما اذا شغال من البيت انت توصل الطلب لشركة

شكرا

ايش هذا الإحباط معقول 90 ريال شحن مره صعبه

وايش الحل يعني ؟
أعطوني حلول
الموضوع ادرسه من 3 شهور وماباقي إلا دراسة الشحن وحبطتني صراحه

أحد عنده فكره
أو فيه شركات شحن أرخص ؟

من جد احباط معناته قاعده اوزع بضايع مجانا لأن أسعاري اغلى شي 100

انا عندي مثل فكرتك ممكن نتواصل ونفيد بعض او نبدا الفكرة مع بعض ..

زاجل داخل المملكة ب 10 ريال يوصل الطلب بس لازم تروح له انت بنفسك

شوف اخوي أنا بشرح لك الشحن الخارجي من مدينه الى مدينه اخرى بحكم خبرتي البسيطه في التجاره الاكترونيه

في البدايه عندك شركتين تعتبر الافضل في التوصيل وكذالك الانتشار في مدن ومحافظات المملكه
اللي هي ( ارامكس و فدكس )


أنت سلمك الله اذا عندك سجل تجاري او مؤسسه تقدر تروح لإحدى الشركتين وتفتح حساب باسم المؤسسه

وايضا لو ماعندك سجل او مؤسسه تقدر تفتح حساب أفراد عندهم

وتروح لقسم المبيعات وتقلهم ابي بوليصات شحن مخفضه اقل كميه في فديكس 45 بوليصه ارامكس لا اعلم ولكن لا تتخلف عن فدكس تدفع قيمة البوليصات مقدما

قيمه البوليصه الواحد 40 ريال وكل ما كان عدد البوليصات كثير كل ما قلت قيمة البوليصه وفترة استخدامها سنه او سنتين وتصل قيمة البوليصه الى 25 ريال

بامكانك استخدامها انت او اي مندوب باسمك واستخدامها في جميع فروع المملكة

------------------------------------------------------

الفرق بين حساب المؤسسات و حساب الافراد

حساب المؤسسات يكون فيه برنامج خاص فيك على الحاسب وانت تصدر البوليصات منه و يكون الحساب في اخر الشهر مع الشركة على حسب الاتفاق اثناءي فتح الحساب

اما حساب الافراد لزم تروح للفرع وتستخرج البوليصات منه ودفعها مقدما

ايضاحساب المؤسسات يكون الخصم اعلى وايضا مميزات اخرى مثل استلام شحناتك من مقر المؤسسه وارسالها.

بالتوفيق اخوي واي استفسار بهذا الامر لا تتردد

واذا حاب اننا نتعاون في هذا المشروع انا ما عندي اي مشكله وحياك الله

أشكركم على التفاعل اخواني ربي يوفقكم ..

وبالنسبه للتعاون انا بنت وصعبه اتعاون معكم بخصوص متاجر وكذا

لكن أرحب بكل مساعد وأكون ممتنه لكم
يعني اللي احتاجه مندوبين للتوصيل داخل الرياض (المشروع بإذن الله يبدأ بعد 4 شهور )
لو تيسرت امور الشحن


أقرب شي لحيّنا البريد السعودي وفيديكس ..

وسمعت انه حسب الوزن
هل أقدر أوزنها بالميزان اللي نستخدمه في معرفة أوزاننا ؟

نفس المشكلة عندى للاسف
التوصيل ....

لو نتعاون مع شخص مقابل مبلغ معين يوصل لنا داخل المدينة
لكن المشكلة خارج المدينة كم بياخذ ..؟!!!

فيه شركات رخيصه مثل زاجل اضن ب15