الاختبار التحريري للمتقدمين على وظائف مدينة الملك عبدالعزيز للعلوم والتقنية

ذيب العذيب · #**2471** (**permalink**) 08-06-2013, 12:43 AM

الله يوفقكم جميعاً

وآتمنى لكم التوفيق والنجاح.,!

بانديراس · #**2472** (**permalink**) 08-06-2013, 04:41 AM

اقتباس:

المشاركة الأصلية كتبت بواسطة هستيري

تبقى على موعد المقابلة الشخصية لـ ( مسجل معلومات ) : 10 ساعات و 20 دقيقة وخمسون ثانية بمشيئة اللَّـہ .

دعواتكم لي ولأخوانكم بالتوفيق والنجاح .

بالتوفيق لك وفالك الوظيفة ان شاء الله
ولجميع الاخوان والاخوات

النوران · #**2473** (**permalink**) 08-06-2013, 09:40 AM

اقتباس:

المشاركة الأصلية كتبت بواسطة ماركوفنيكوف

[align=center]السلام عليكم
في نموذج طلب التوظيف (لغير الموظفين) في الصفحه الاولى توجد فقرة توقع من وزارة الخدمة المدنية وكذالك في الصفحه الثانية هل المطلوب ان تؤكد المعلومات من وزاة الخدمة المدنية قبل المقابلة؟
وما المقصود بنوع العمل والمرتبة وجهة العمل(قطاع خاص او حكومي)؟
علماً اني اعمل في قطاع خاص
[/align]

اللي أتذكره إن توقيع الخدمة كان في الصفحة الثانية
وأنت مو مطالب فيه
إنت فقط عبي البيانات إلى الاقرار بصحة المعلومات والتوقيع والجهة المقدم عليها

المرتبة خاصة باللي يعملون بالقطاع الخاص
جهة العمل اسم موسستك أو المكان اللي تشتغل فيه
نوع العمل أنا كتبت فيه قطاع خاص

رائدفيحان · #**2474** (**permalink**) 08-06-2013, 10:35 AM

نبي اسئلة المقابلة الشخصية مع اجوبتكم لاهنتوا

هستيري · #**2475** (**permalink**) 08-06-2013, 11:10 AM

تمت المقابلة الشخصية بنجاح!!

اللَّـہ يكتب اللي فيه الخير يارب .

رائدفيحان · #**2476** (**permalink**) 08-06-2013, 12:14 PM

اقتباس:

المشاركة الأصلية كتبت بواسطة هستيري

تمت المقابلة الشخصية بنجاح!!

اللَّـہ يكتب اللي فيه الخير يارب .

ةش جاك من اسئلة ووش كان جوابك ههستيري نبي نستفيد بالله
وعقبالك التعيين يارب

هستيري · #**2477** (**permalink**) 08-06-2013, 01:21 PM

اقتباس:

المشاركة الأصلية كتبت بواسطة رائدفيحان

ةش جاك من اسئلة ووش كان جوابك ههستيري نبي نستفيد بالله
وعقبالك التعيين يارب

في الحقيقة يارائد ولا يهونون الربع كانت المقابلة في مجملها جيدة وأعضاء اللجنة جداً طيبين ومحترمين ومتفاهمين لأبعد درجة ماكنت متوقعهم كذا بصراحة ، وعدد الأعضاء ( 3 ) أشخاص واحد مطوع ثقيل شوي وواحد لطيف كثير يسأل وواحد على الصامت مادري وش قصته .

المهم كان حضوري مع الأخوان الساعة 8:01 ص تقريباً ماكان العدد كثير أحصرهم في ( 20 ) شخص موزعين طبعاً على كذا وظيفة ، اللي اختبروا معنا باحث تخطيط مساعد مدري باحث علمي مساعد على المرتبة السادسة المهم كانوا معنا وارسلونا للمبنى رقم (36) إذا ماخاب ظني أو (35) لأنهم في الأساس كاتبين المؤتمرات يوم جينا هناك لقيت الشايب أبو غتره بيضاء معه بيان ويفتح ويقول أنت وش وظيفتك وأنت وش وأنت وش ويرسلهم على مبانيهم ، الوكاد رحنا للمبنى وكان فيه موظف يستقبلنا ومعه كشف يتأكد من الأسماء انتظرنا تقريباً ربع ساعة ثم جاء موظف ينادي بالأسماء للمطابقة يدخلنا واحد واحد ، واللي يسوي المطابقة موظف واحد وما أخذ مني شيء قسم بالله ما طلب إلا الاشعار فقط لأني بيني وبينكم أنا في الاختبار العملي سلمت كل شيء ولكن من باب الحرص جبت الأوراق مره ثانية لأنها مكتوبة في الإشعار مع السيرة الذاتية اللي تعبت فيها بصراحة ، لكن خيره إن شاء الله ، المهم بعد المطابقة قعدنا شوي ويبدأ الأن الفلم الرعب ، ينادون بالأسماء واحد واحد للجنة المقابلة، والله بيني وبينكم كنت متوتر شوي لكن الحمد لله يوم خشيت عليهم قبولهم طيب ويخلونك ترتاح وماتتوتر وكلامهم جميل ويسألونك وش أخبارك يالله حيه شرفتنا ومن هالكلام بصراحة في نظري أحسن لجنة مقابلات مريت عليها ، المهم ماراح اهذر عليكم واجد بخش في الموضوع ، الأسئلة كانت أساسية نبدأ بسم الله:

س1/ ياليت تعرفنا على نفسك وبيانات أولية عنك وعن مؤهلاتك والدورات وطبيعة عملك ؟
س2/ يبدأ يطلع أسئلة من إجاباتي مثل : طالب حالياً بجامعة كذا ، يقولك أي تخصص وأي جامعة وأي مستوى وكيف كانت اختباراتك وهل هناك تعارض في عملك مع الدراسة ، هل تواجد صعوبة في تنسيق الوقت، يعني توقع أي سؤال من إجاباتك.
س3/ كيف كان تقييم أداءك الوظيفي للسنة الماضية ( طبعاً هذي مايفطنها إلا الموظفين الحكوميين أو القطاع الخاص بعضهم مو كلهم ).
ثم يسألك هل أنت راضي عن تقييمك في الآداء الوظيفي ، كيف تقيم نفسك ، هل واجهت قصور من مديرك تجاه تعامله معك كمرؤس هل لو فرضاً عرفت تقييمك الآداء الوظيفي وماكان مرضي لك وانت ماتستحق ذلك وش تكون ردة فعلك ؟
س4/ ماذا ترى في الموظف الناجح وش من المفترض أن تتوفر فيه صفات حتى يكون موظف ناجح ؟
س5/ هل سابقت في كذا وظيفة مؤخراً وماهي نتائجها ؟
س6/ لنفترض أنك توظفت في المدينة ، ماذا ستقدم لها ؟
س7/ ماذا تعرف طيب عن المدينة ؟
س8/ منذو متى عرفت عن المدينة ؟
س9/ ما رؤية المدينة ؟ وماهو دورها الأساسي ؟
س10/ حدثنا عن مهام الوظيفة التي تقدمت لها ؟ < هالسؤال سألوني من بين أسئلة المدينة يعني توقع إنه يسألك يا أول سؤال بعد التعريف عن نفسك أو وسط الأسئلة أو آخر سؤال ، وتراه سؤال مهم ضروووووري جداً .

هذا مجمل ما أذكره من الأهم ولكن الأسئلة الأخرى بسيطة جداً متفرعة من الأسئلة المذكورة أعلاه .

الصراحة أنا جاوبت اللي قدرني الله فيه ، ولكن الشيء الذي تورطت فيه حلقي ، تغير صوتي فجأة تحولت إلى سلفر على غفلة مدري وش جاني الله لا يبلانا

، لكن الحمد لله على كل حال والله يكتب اللي فيه الخير ويوفقني فيها يارب.

أي استفسار ثاني أنا حاضر .

أسأل الله لي ولكم التوفيق يارب .

سلامون · #**2478** (**permalink**) 08-06-2013, 03:08 PM

اقتباس:

المشاركة الأصلية كتبت بواسطة هستيري

تمت المقابلة الشخصية بنجاح!!

اللَّـہ يكتب اللي فيه الخير يارب .

الله يوفقك .. وانا الصبح تمت 8.30 الله يوفق ان شاء الله واياكم هههه الزملاء السابقون كل واحد يتصدد فيهم ما يبي يسلم

..

سلامون · #**2479** (**permalink**) 08-06-2013, 03:33 PM

[align=center]خلوا تحليل هستيري على جنب ... جاكم سلامون بالتحليل الاوربي للمقابله خخخخخخ [/align]
[align=center]بسم الله[/align]
الزبده انطقينا بالاجواء الرومنسيه.. الي يهف.. و الي يعطس.. والي ابعد علشان **** انتم عارفين المهم جا ابو غتره بيضاء الترانيت القصيمي وقال التخطيط يروحون يمين من ورى و الزراعه و الكيماء يقعدون ابذأ هههه المهم فتح الامن الباب و بدا الهجوم و انا احاول اعدي بالاول و الثاني و اخطم على الثالث على بالي ان التبكير بيفرق ههه طلعت اول واحد بالسيرا و اسمي بالصف الثاني اووووم النكبه .. المهم جاني مستر بوقس (اذا شفتوه بتعرفونوه) المهم ينادينا واحد واحد طلع الاول من المقابله وعطاني الاصبع كووووول وطلع الثاني ههههههه والله يارحمتوه طلع مبقس هههههههاي يقولي انتبه من ابو غتره !! والله ياشب علي.. قلتلوه تقصد الترانيت او مستر بوقس المهم يوم جاء دوري ودخلت قالي
1-عرفنا بنفسك
2-وش مسماك الوظيفي ووش يعني ووش طبيعة العمل فيه
3- تعرف انجليزي ووش مستواك
4- وش المشكله البحثيه الحاليه
5-انت تبغى الوظيفه و الا الماستر .. انتبهوا من السؤال هذا والله جد..
6- يابنات المكياج الزايد ماله داعي و الحجاب ضروري
7- واعيد واكرر ابوغتره يعطيك ثانيتين كفرصه للاجابه وتراااه حااااار ولا تتفلسف عندوه
8-المطوع حبيب و بيسألك عن البحث حقك او مشروع التخرج
9-فيه ولد صغير على اليمين ؟؟ شكله متدرب بس مؤدب الصراحه . ويسأل الحكوميين عن مراتبهم ومسمياتهم
10- استعينوا بالله والدعاء ثم الدعاء ولا تضحك معهم خلك جاد
رأي الشخصي عن المقابله انا سويت الي علي واكثر من كذا ما اقدر اذا قبلوني بها ونعم واذا رفضت حسبي الله و نعم الوكيل ..

هستيري · #**2480** (**permalink**) 08-06-2013, 03:48 PM

^
^
^
تحليل رائع ممتد من مخيلة فطينة ممزوجة بخلايا صارمة وحكيمة للَّـہ درك ياسلامون .

داري إني مشبه عليك ، موب ٱنـت اللي واقف يمين ابوشماغ منسفه عند باب قاعة المؤتمر تحت اللوحة اللي مكتوب فيها اسم القاعة وكان وراك اثنين سمران واحد لابس نظاره فيليبس كارن بطل راليات حائل 2012 ، المهم إنه أنـت وخلاص ههههههههههههههه

بس حلوه الشطحة في الفقرة رقم 6.

الاختبار التحريري للمتقدمين على وظائف مدينة الملك عبدالعزيز للعلوم والتقنية

إستفسارات ونتائج الوظائف المدنية

السلام عليكم ورحمه الله وبركاته وصلني اليوم رسالة على الايميل تفيد بموعد الاختبار للمتقدمين على وظائف مدينه الملك عبدالعزيز واختباري راح يكون يوم...

الاختبار التحريري للمتقدمين على وظائف مدينة الملك عبدالعزيز للعلوم والتقنية

تسجيل الدخول

الاختبار التحريري للمتقدمين على وظائف مدينة الملك عبدالعزيز للعلوم والتقنية

إستفسارات ونتائج الوظائف المدنية

السلام عليكم ورحمه الله وبركاته وصلني اليوم رسالة على الايميل تفيد بموعد الاختبار للمتقدمين على وظائف مدينه الملك عبدالعزيز واختباري راح يكون يوم...

الاختبار التحريري للمتقدمين على وظائف مدينة الملك عبدالعزيز للعلوم والتقنية