السلام عليكم .

كيف حالكم جميعا انشاء الله بخير *


اول شي انا طالب اخر سنه لي ب الثانوي ، وطبعا ابي العسكريه مب حندي ..لا كليات عسكريه واتخرج ضابط يعني .. اول شي طولي 178 وزني 75 نسبتي 95 قيااس 75 التحصيلي لسا ماختبرته وكل حاجه تمام يعني '

وصراحة ماني راعي جامعه ودراسه وقلقق واهلي قالو لي انت مب حق دراسه يعني مافكر الا في العسكريه .

وطبعا كلية الملك فهد الامنيه شايلها من راسي لان نظامهم لازم جامعه
وفي راسي الاستخبارات اكون ملازم وكذا ومدني طبعا حلمي الاستخبارات بس ياليت الي له خبره يعلمني كيف اخشها مب فرد جندي يعني لا ضابط اتمنى تساعدوني وشاكر لكم مقدما .

ماشاء الله تبارك الله يوفقك

ببكالوريوس اتمنى اني أفدتك لازم منها أدا تبي الاستخبارات
دعواتك لي بالقبول النهائي

اجمعين اخوي .

طيب واذا اخذت بكالوريوس نقول مثلا هندسه ولا طب وقدمت عليهم وش يعطوني رتبه ؟
الله يوفقك ويسهل كل امورك .

يجب عليك ان تكمل جامعه ياصديقي اذ تبي تسير ضابط في الاستخبارات وحتى لوو كملت جامعه ودخلت الامنيه هم يحطونك على كيفهم يمكن المرور يمكن الجوزات يمكن امن المنشات حسب رغبتهم او احتياجهم بس تقدر تروح استخبارات الحرس الوطني وهي انك تتدخل بعد الثانوي كليةالملك خالد العسكريه بعد الثانوي واذ مدخلت اما الجامعه وبعدها الامنيه ان كتب الله او ترضخ الى الامر الواقع وتسير جندي العسكريه صعبه وان اقسم ان فيها معادلات او رموز اصعب من الرياضيات يعني مثل القطاعات واشياء سريه في العسكريه المكان لايسمح لي بذكرها لك ولاكن كلمتي الاخيره اما انك تروح كلية الملك خالد العسكريه او انك تروح جندي والله يوفقك واذ عندك استفسار ثاني تفضل

يعطيك العافيه ي فريق اولل .
طيب اوكي دخلنا كلية الملك خالد كم سنه ادرس فيها ! وبعد اقدر اختار التخصص الي ابيه مثل الي قلته انت تبع الاستخبارات ؟
وترا الواسطه ماعليك موجوده يعني انشاء الله اموري متيسره .. بيض الله وجهك '

السلام عليكم
فيصل معليش بشطح شوي , بس ماتشوف نسبتك ماشاء الله حلوة ؟ وماتشوف درجتك بالقدرات كيف ؟
ياأخي خاف ربك وإنتبه لنفسك ترى العسكرية ماتستفيد منها الا ان كلها رجال بس ولا لامنها فايدة مالية ولاشي ياأخي العسكري ياكل تبن ولايقدر يسوي شي لنفسه ولا لأهله ولا لعياله ويحيى عسكري ويموت عسكري والله لايترك لامال ولا شي وراهـ لعياله وأهله
ياأخي أنت ممتاز ماشاء الله وخلك من كلام أهلك ومن عدم ثقتك بنفسك , شد حيلك ودور لك على جامعة تقدر تكسب منها دين ودنيا
معليش العسسكرية فيها رجولة وتعلمك الخشونة لكن ترى ماتستفيد غير هالشي منها
شوف بقولها لك نصيحة لوجه الله وأنت إحسبها مع نفسك وكلم أي شخص تثق فيه ويثق بقدراتك وإعتبرها هدية وأنا أخوك : إدخل جامعة الملك سعود تخصص حاسب آلي وشد حيلك وخلص الباكلريوس والماجستير والدكتوراة بكيفك , بس خلص الباكلريوس وبدرجة عالية جداً ترى الحاسب أو تخصص الشبكات سهل جداً ومطلوب حتى لو بزريبة غنم , خذ لك شهادة باكلريوس حاسب آلي أو تخصص شبكات أفضل وجيب نسبة عالية ’ تدري مين بيجيك يبيك تتوظف عنده ؟ إن بغيت الاستخبارات وإن بغيت المباحث وإن بغيت أي قطاع حكومي بيقولون تكفى بس تعال
ياولد لاتضيع نفسك نصيحة وربي إني متحسف على قد شعر راسي
شوف رحيمي سوى مثل ماقلت لك وهالحين مو موظف بسيط بالمباحث لا ورب الكعبة إنه مدير قسم كامل والخول مايبغى يقول لنا خايف لانصكه بعين هو ووجه
ياولد نصيييييييحة لاتموت وانت عسكري لا لك قيمة ولا منك منفعة , وربي العسكرية تموت حظ الواحد وتفني حياته وهو ذليل
وبعدين لاتنسى حتى لو ماقدر لك وإتوظفت حكومي , تدري كم الشركات تعطيك زي الاتصالات والكهرباء وغيرها ؟ حبيبي بيعطونك فوق 20000 ريال اطلق من الحكومي بس الحكومي أفضل طبعاً من ناحية الامان الوظيفي وغيره
وبعد حتى لو ماقدر لك واشتغلت تقدر تفتح لك محل كمبيوتر تدخل منه مالا يقل عن 50000 ريال شهريا واسأل أصحاب المحلات
هذي نصيحتي لك وأنت بكيفك
يمين بالله إنك رافع ضغطي :@ عطني نسبتك وربي لكسر الدنيا تكسيييير آآآه يالحظ بس *.*

ثاني شئ عندك ، كليات وزارة الدفاع كلها وكلية خالد للحرس الوطني ..
واذا حاب انك تتخرج وتتعين بقطاع الاستخبارات ، فمالك الا كلية الملك خالد للحرس الوطني وكلية الملك عبدالعزيز الحربية ، لانهم كل سنة ياخذون ضباط ححسب الحاجة وحقين الواسطات

هاه ي اخوانن ؟