السلام عليكم ورحمه الله .. ياجماعه يالليت اللي اليوم اختبروا مسجل معلومات عملي يعلموننا وش جاهم احب ل اخيك المسلم ماتحبه لنفسك .. واللي بكرا بيختبرون وبعده ياليت يعلموننا انا اختباري بالمجموعه الرابعه يوم الاربعاء ولكم كثير الشكر .. لاتنسووووووووووووووووووووووووووووووووووننا تكفووووووون

وعليكم السلام ورحمة الله وبركاته
ناوي اعلمكم بس توني داخل البيت
الاختبار عباره عن قطعه عن المملكة اهم شي انتبهوا القطعه فيه شده وتنوين وضمه
وجدول صغير تحت القطعه
وتنسيق
بعطيكم مثال
1- الرياض
2- نجران
زي كذا بس القطعه الاخيره بدون ترقيم دائره صغيره سودا ثم الرياض جنبه
تمشي نفس الورقه من ناحية القطعه والجدول والتنسيق
مدة الاختبار 25 دقيقه
اسأل الله لنا ولكم التوفيق ان شاء الله
الاختبار ماهو صعب بس يعتمد على السرعة السرعة السرعة

الاختبار زي ماذكر سنوات العجاف عبارة عن قطعة فيها معلومات عن حدود المملكة والمنظمات اللي داخله فيها المملكة بالاضافة الي جدول فيه تقسيمه لمناطق المملكة والمدن اللي بكل منطقة .
وفي انقلش اللي هي المملكة العربية السعودية وزارة التعليم العالي جامعة الملك سعود (تكتبها عربي وانقليزي) .
لازم تركز على الفواصل والتشكيل وفي جمل تكتبها بالخط العريض وكذا .
كان ودي اصورها بس لسوء التنظيم وبعض اللخبطة اللي صارت من اللجنة ما امداني .

الله يجزاكم الف خير .. يالغالين كيف طريقه الدوائر السودا هذي وهل هو في الوورد او في برنامج ثاني ... وهل معقوله فيه كتابه انقليزي كثير الانقليزي او شوي .. وبشرووووونا عن حلكم قدرتو تقضون الحل قبل 25 دقيقه

يارب يارب يارب يارب وفق اخووووي ( سنوات العجاف واخوي يارب وفقني ) من كل قلي داعي لكم يالغالين والله يوفقني

ياجماعه كيــف طريقه حساب الخمس والعشرين دقيقه اللي يقضي الاول يقول قضيت ولا وشلون i

جزاكم الله خيرا الله يوفقكم
بس الجداول على اي اصدار 2003 او 2007
ربي يوفق الجميع

عذرا ودي أعرف المرتبه الرابعه كم رواتبهم؟

الإنقليزي بس كتبنا
Kingdom of Saudi Arabia
Ministry of hghier Education
King saud University

بالنسبة للبرنامج word 2007
وبالنسبة للوقت اذا انتهيت تحفظ العمل طبعاً تكتب اسمك فوق مع السجل المدني ونموذج الاختبار .
بعد ماتقفل الاجهزه في هندي يطبع الملف اللي كتبته ويجي المشرف يوريك ورقتك وبعدها تطلع .
بالنسبة للدوائر هذي تلقاها في التعداد النقطي .

^
تكتبها فوق باليسار ، يعطونك ورقة وتكتب في الورود مثلها بالضبط .
لا تشيل هم الناحية ذي اهم شي تكون كتابتك سريعة وإذا انت متعود تكتب بالشفت مراح تصعب عليك إن شاء الله ، لان في فواصل وتشكيل في القطعة بس مو كثير مره .
وعشان ابسطلك الانقليزي اللي مطلوب منك كان الورقة بالشكل التالي:
المملكة العربية السعودية Kingdom of Saudi Arabia
وزارة التعليم العالي Ministry of education
جامعة الملك سعود King saud university
زي اي ورقة اسئلة اختبار او خطاب رسمي العربي أقصى اليمين والانقليزي أقصي اليسار وتحتها القطعة وبعدها الجدول .
ملاحظات :
اختبارنا كان نموذج (أ)
بعض الاجهزة بالمعمل برنامج الورد مو عربي