هم محددين الوقت بالساعات ياشباب
ام نروح لهم وقت الصباح فقط

ردو تكفون تراني اجي من بعيد ولا ادل الرياض زين

السلام عليكم

رحت اليوم وفعلاً موقع المبنى معقد شوي

المهم ابحث عن مبنى كلية الآداب اطلع الدور الأول وروح خلف المبنى يعني تطلع برا المبنى من الخلف تلاقي قاعة محاضرات أو مسرح عندها لوحة مطابقة الوظائف

أنا رحت تقريباً الساعة 10 ما كان فيه زحمة وفيه تنظيم جيد نوعاً ما

تاخذ رقم وتاخذ النموذج المناسب لك سواء نموذج موظف حكومي أو موظف قطاع خاص

النموذج تعبي فيه بيانات بطاقة الأحوال وتاريخ الميلاد والمؤهل والخبرات العملية وفيه بعض الأسئلة مثل هل تدرس حالياً في جامعة حكومية وايش نوع الدراسة والسنة الدراسية

النموذج يحتاح حوالي 5 إلى 10 دقائق

بعدها تسلم أوراقك للموظفين وما كان فيه تدقيق كبير في المطابقة يعني ما طلب الأصول فقط تأكد من اكتمال الأوراق المطلوبة واستبعد الغير مطلوبة وحاول يكون معك صورة لكل شي لأنهم يكتفون بالصور فقط حتى تعريف العمل وشهادة التأمينات أخذ الصورة فقط ورجعلي الأصل

ولا طلب صورة شخصية

وفيه الشباب اللي مقدمين على وظيفة مساعد أعتقد فقط ياخذ منهم صورة شهادة الثانوية ولا فيه تعبئة نموذج قالهم يجيكم رسالة على الجوال

يمكن البعض يجي في باله سؤال هل ممكن يروح شخص مكاني وهل ما راح يدققون

أنا أقول هو ما دقق لكن ما تضمن يعني إذا انت جداً بعيد عن الرياض ممكن توكل أحد يوصل الأوراق وإن شاء الله تمشي الأمور لكن ما أدري هل هو مصرح رسمياً بهالشي أو هي صدفة عدم التدقيق من بعض الموظفين

بكره موعدي يارب يوفقني وياكم ان شاء الله

وظيفه مهندس حاسب آلي وين يكون بالجامعه ؟؟

حبايبي حددو كم وظيفه ولا كل تخصص وظيفه وحده والي راحو اعطونا وش صار معكم

ياجماعة الخير
موضوع مطابقة البيانات ماياخذ شي
امس انا رحت
خذ مني صورة المؤهل والبطاقة
وحط علامة على اسمي
بدون مايطلب اصل الهويه لو كنت ادري سلمت اوراقي لاي واحد يوصلهم بدل المشوار من الشرقية

مساء الخير

لو سمحتوا آنآ جآمعي آجيب معي السجل الاكاديمي ولا مايحتاج .؟

السلام عليكم

يا أخوان انا موعدي الاسبوع الجاي

هل اذا مريتهم بكرة يمشون اوراقي.. ولا لازم يوم المطابقة

موفقين جميع ان شاءالله

راحت علينا
لازم نفس اليوم انا سألت الموظف
قالي ان كشوفات الاسماء توصلهم في نفس اليوم لكل وظيفة حسب موعدها