لمتى وحنا على هالمشكلة ؟

يدق صاحب العمل بيحدد موعد للمقابلة وبس يدري ان اسمي في صندوق الموادر البشرية يعتذر و يقفل

صار نقمة و نقمة كبيييرة جدا علينا هالصندوق


ذكرت مشكلتي سابقا و حاليا هالمشكلة صايرة تجي من وراها مشاكل اكثر ، سُجل اسمي في صندوق الموارد البشرية من غير علمي ،، استقلت و طالبت تسقيط اسمي شهر كامل اراكض و ورا فلان و علان عشان يسقطون اسمي اخيرا سقطو اسمي و يكتب لي بالموقع (منتهيه خدماتة) ،،، الان ظهرت عندي مشكلة ثانية ، انو الصندوق ما يدعمني الا بعد مرور 90 يوم من تاريخ تركي لوظيفتي الاولى

هل يعقل اضيع فرص و اجلس عاطلة 3 شهور ؟؟ وانا مالي ذنب ولا كنت اعرف انو بيسجلوني شركة النصب الحرامية

والحل يا جماعه الخير انا تعبت من هالوضع كل ما القى وظيفة تطير مني لان ما يقدرون يدعموني من جديد

طيب يا صندوق الموارد وش استفدنا حنا منكم ؟ تضيع علينا فرص و مع احترامي موظفات خدمة العملاء كل وحدة تعطينا راي من كيفها بعضهم ما يدرون وين الله قاطهم

حاولت ادور شركات مو مدعومة من الموارد ،،،، ما لقيت

انا ابي حل لاني احتاج اني اتوظف

الي سقط اسمك غشيم جدا

المفروض يسوي فقط فك ارتباط وليس انهاء خدمات

والله متابع موضوعك من زمان الله يفرج همك

ياشيخه تمام انه 3 شهور غيرك مخلينهم انتظار 3 سنوات حسبي الله عليهم هما وصندوقهم هذا وظائفهم صارت زي وجهم لازيادات ولا هم يحزنون قال قطاع خاص قال

اختي اذا كنتي ما اشتغلتي وسجلتي على شركة روحي التأمينات الاجتماعية وعطيهم بطاقتك وخذي برنت

يثبت انك ما اشتغلتي في هالشركة ولو لقيتي نفسك مسجلة بالشركة بالتأمينات اشتكيهم هناك وقولي

ما اشتغلت واطالب براتب الفترة الي سجلت فيها وارفعي قضية عليهم

ان كان مش مسجل اسمك بالتأمينات برنت وبعدها زيارة للصندوق القسم النسائي مع خطاب

يشرح قضيتك ان احتجتي كتابة الخطاب نساعدك

لكن البلا في الشركة الي وظفتك وعلى فكرة اي سعودي له دعم من الصندوق سنتين = 24 شهر

لو اشتغلت في شركة عشرة شهور يبقى له 14 شهر

اتمنى اكون اضفت لك المفيد

اتمنى ان المسؤولين بصندوق الموارد البشرية يدخلون المنتدى و يشوفون معاناتنا و المشاكل الي تواجهنا و يحلونها


تعبنا والله رضينا بالهم و الهم ما رضي فينا

دعواتكم لي اخواني و اخواتي لان هالمشكلة الي طحت فيها مو راضيه تنحل

المفروض لما تدخلي السجل المدني في موقع الصندوق يطلعلك غير مدعوم وليس منتهية خدماتة

انا سابقا عملت وصار اسمي موجود في الصندوق بدون علمي لكن الشركة تاخذ الدعم مني ولم تعطيني حقي ابد هذا من غير الخصومات ... لكن بعد تغيير وظيفتي طلبت منهم استقلال اسمي من الصندوق وشالوه وخلوه غير مدعوم .... وليس منتهية خدماته

تحياتي لكم

انا ما غير ارفع شكاوي والى الان الحال ما تغير

الله يعينك هذا حال الانظمه ولكن ارفعي خطاب الى مدير عام الصندوق بمشكلتك وانشاء الله تجدي حل

انا صارت لي مشكلة معهم

كنت موظف في شركة في البداية ما سجلوا إسمي في الموارد البشرية لمدة سنة وبعدها قالوا في دورة ولازم الكل ياخذها لان بعدها ترتفع الرواتب واللي يدخلون الدورة راح يسجلوا أساميهم في الموارد أنا أعتذرت عن الدورة وقلت ما أقدر أحضرها قالوا نفصلك وما أدري ايش قلت سوو اللي تبونه سجلوا أسمي يوم واحد في الموارد وبعدها الغووه مرت تقريباً تسعة أشهر وقدمت أستقالتي رحت بعدها لـ شركة ثانية ومن شروطها الموارد شؤون الموظفين في الشركة قال انت مسجل من قبل في الموارد وبالبداية رفضوا يسجلوك لكن عطوك فرصة ثانية وأخيره قلت والله ما أدري إذا كنت مسجل أو لا اللي أعرفه أني رفضت الدورة وسجلوني في الموارد وأتصل علي الموظف أخذ بيانات عني في الشركة السابقة وقال ترى هذي أخر فرصة لأنه مرة وحدة يُعاد دعمك إذا أستقلت من الشركة هذي أو فصلوك ماراح يدعمونك قلت خير إن شاءالله

مرت ستة أشهر وتهاوشت مع المدير مدير الشركة وبدأت مرحلة التطفيش وقفني مدة شهرين ووقتها اشتكيت مكتب العمل والحمد لله بتوا في الموضوع لصالحي قالوا له يرجع للعمل وتصرف له راتب شهرين , قلت أنا أبي استقيل بس أبي يصرف لي راتب شهرين وحقوقي ويعطيني ورقة خبرة قال المحقق من حقك وخلال الأربع الايام أخذت حقوقي كاملة


راجعت بعد كذا لـ صندوق الموارد قالوا خلاص أنت ما تستحق للدعم مستحيل حاولت معهم منا ومنا قالوا أبد الله يعينك بس

نظامهم جداً فاشل المفترض المواطن له 24 شهر دعم سواء بشركة ولا عشرة ماتفرق من حقه أنه يندعم

ما زلت الى هذا اليوم مكتوب عند اسمي ( منتهيه خدماتة) للحين ما كتبو غير مدعوم
تعبت وانا من خدمة العملاء بصندوق الموارد ما يعطوني الفائدة الي ابيها

ابي اتواصل عن طريق الجوال او الايميل او اي وسيلة ثانية مع مسؤولين في صندوق الموارد البشرية باسرع وقت

الي يعرف اي طريقة يدلني عليها ضرورررررري