السلام عليكم ورحمة الله
أنا ناوية بإذن أن أتقدم لبرنامج خادم الحرمين للمرحلة التاسعة أنا تخصصي رياضيات وتقديري جيد جداً مرتفع أرغب بالتسجيل ماستر بأمريكا
أبغى أعرف تفاصيل التسجيل من الالف للياء وش أجهز من أوراق ووين أروح
راح يروح معي أخوي مرافق وراح يلتحق بالبعثة عن طريق الملحقيه وزوجته وبنته طبعاً راح يأخذهم معنا
ماهي الاجراءات اللازمه حتى نستعد من الآن ؟؟
ومتى نترجم الشهايد قبل القبول وإلا بعد مايظهر قبولنا في برنامج خادم الحرمين الشريفين للإبتعاث؟؟ ووين اترجمها وكل شي اشرحوه لي من لما نويتوا للبعثه لحد مادرستوا!!!
ومتى أراسل الجامعه وإلا الملحقيه راح تراسلها
أنا ماأعرف شي في الابتعاث أبغى أعرف كل شي
ثانيا/ حجابي ماراح أتركه أبداً كيف الوضع في أمريكا هل راح يحصل لي مضايقات أو أمريكا راح ترفض ألبس نقابي وكيف راح يكون وضعي داخل القاعه
وأخوي هل بيكون معي في معهد اللغه لأنا كلنا صفر في اللغه
وشكراً لكم والمعذره على الاطاله

٥٧ مشاهد ولا رد واحد أتمنى أللي يعرف أي شي عن الابتعاث يرد عليه

وعليكم السلام ورحمة الله وبركاته
الله يوفقك ويكتب لك الخير

اختي الكريمه انا كنت بامريكا وحاليا بايرلندا
امريكا حلوووه لاكن دراسة الماستر فيها طويله شوي تقريبا سنه ونص الى سنتين وايضا بعييده من السعودييه
وبالنسبه للاجراءات سهله مررره بعد مايقبلونك بالبعثات تقدمي على قبول من معهد اللغة والجامعه واتوقع الوزاره تتكفل فيه وبعد ماتاخذي القبولات تحجزين موعد بالسفاره الامريكيه وتطلع الفيزا والسفاره الامريكيه يمكن يطولوا بالفيزا معقدين شوووي

وبالنسبه لايرلندا حلووه مررره ودراسة الماستر فيها تقريبا سنه وقريبه تقريبا سبع ساعات طيران
واجراءاتهم سهله مررره القبولات ماتطول خلال اسبوع توصل والفيزا تقدمي عليها الصبح وتاخذيها الظهر

انا ارشح لك ايرلندا وهذا رائي الشخصي ومن حكم تجربتي
والله يوفقك ويككتب لك الخير واذا بغيتي مساعده من امريكا او ايرلندا تحت امرررك قبولات او استفسارات
وابي دعواتك بسسس
تحياتي

شكراً أخوي لكن كيف معاهد اللغة اللي بأمريكا وأيرلندا راح تغير من مستواي في اللغة
ثانياً شي أنا تخصصي رياضيات وش أفضل جامعة أقدر أكمل فيها ماستر رياضيات
والمحرم أللي راح يروح معي بإذن الله أخوي وهو متزوج وعنده بنت وش راح يكون وضع زوجته وبنته هل راح يوافقون إنه يأخذ بنته وزوجته

بالنسبه للمعاهد فيها القوى والمتوسط في التأسيس و اللغة تعتمد على اجتهادك وممارستك للغة انا افضل تدرسين اللغة بايرلندا
والجامعات والله كثيره اللي فيها تخصصك سواء بامريكا وايرلندا
وبالنسبه عادي اخوك يكون محرمك لاكن اذا يبي ياخذ زوجته بنته على حسابه شي راجع له
والله يوفقكم

واي استفسار حاضر

نفس سؤال الأخت الفاضلة بخصوص النقاب ياليت تفيدينا علشان الواحد يصير على بينه
كيف وضع النقاب في المجتمع والمعهد والجامعة فيه مضايقات أو نظرة غير محببة

ياليت تجاوب بالتفصيل إذا تكرمت

اتمنى انك تراجعين تجمع الدفعة الثامنة وتلقين اجوبة لاسئلتك،،

اختي لو تطرحي اسئلتك في منتدى مبتعث راح تحصلي الاجوبه اللي تبينها

أشكر لكم مروركم وردكم

الدراسة في امريكا جدا ممتازة بس قبل كل شي لازم تشوفين الشروط هذة السنة كيف هل مثل ما هي ولا

طبعا بعد التقديم وتدقيق الاوراق وصدرور النتائج نبدا مرحلة البحث عن معهد اللغة في الولاية المحددة وقبل هذا كلة الملحقية تصدر قائمة بالمعاهد المعتمدة وكم نسب الطلاب فيها وعلى ضوء القائمة تختاري المعاهد وبعدها تبدا اجرئات الفيزا وقرار الابتعاث وكل هذة تاخذ فترة حدود 4 الى 6 اشهر

وبالنسبة للحجاب الكامل هنا اكيد راح تكون في نظرات غريبة ومضايقات في بعض الاماكن ولكن تفرق من ولاية الى الى اخرى