ياليت بي يفتح عيونه إلى جيت .. قصيدة مؤثرة لحمدان المري

الشآآمخ · #1 (**permalink**) 03-04-2013, 04:05 PM

السلام عليكم ورحمه الله وبركآته
اسعدكم ربي بالخيرات والمسرات
..
قصيده آبدع فيها شآعرهآ وصف معنآته وشعوره بمرض آبوه الله يشفيكل مريض ..
القصيدة للشاعر /حمدآن المري..
::
ياليت ابي يفتح عيونه إلى جيت
ويشوفني من طيحته وش جرا بي

عايش لكن لاني بحي ولا ميت
اجيه واعود وهو ما درا بي

اصبح بقلبي وافقده كل ما امسيت
نصه معي والنص الاخر مع ابي

اطلع من المشفى ولا اقبل على البيت
الا وانا دموعي تغرق ثيابي

يا بيت عقب العود ويش انت سويت
غياب ابي ماهوب يشبه غيابي

انا لاغبت سنين ما كــني ابطيت
وابي لا غاب ايام بان الشقا بي

أجامل الزوار واضحك يا بلفيت
وانا طواني الموت من حر ما بي

من اللي يقول اني ضحكت وتقهويت
من اللي يقول اني فرحت بشبابي

انا اتقهوى دمع واضحك تناهيت
ما يندرى وش عيشتي من شرابي

اجحد و وجهي فيه من حر ما اخفيت
من شافني من الناس شاف البلا بي

كن شوف تدعيني لقبري وتطوي حسابي
تكسر عزومي والى رحت صليت

ارفع يدي لله يجبر مصابي
عاشر سنه لاني بحي ولا ميت

ابكي على حاله وهو ما درا بي
اصبح بقلبي وافقده كل ما امسيت

نصفه معي والنصف الاخر مع ابي

::
للاستماع بصوت علي بن رفده