[align=center]السلام عليكم ورحمة الله وبركاته

بآطرح الموضوع على طول وماعرف للمقدمات : )

ابي شوركم يا اخوان انا خريج معهد صحي 3 سنوات دراسة متخرج تقريبا من 7 او 8 اشهر

تخصصي نظم معلومات صحية و الحمدلله معدلي ممتاز .. لآكن يا جماعة على كثر ما قريت عن

الدبلومات الصحية صراحة تحطمت نفسياً وجا تقديم للأمن العام وقدمت وقبلوني مبدئي

وخلصت كل شي عندهم وانتظر الفرز النهآئي على رتبة وكيل رقيب .. وللحين ما طابقت في

الخدمة المدنيه فما ادري اخاف اترك الامن العام واتحسف واخاف ادخلها واتورط : ( لان حسب ما

سمعت ما يحق لي اتركها مثلا اذا جالي توظيف حكومي ما يحق لي اترك العسكرية إلا بعد

مرور 6 سنوات خدمة لرتبة الوكيل رقيب : (



محتار جداً يا اخوان ياليت تبدون شوركم لي
[/align]

-


ماشاءالله تبارك الله
هل استخرت ؟ اذا استخرت فأقول لك ادخل الامن العام والله يوفقك
خصوصاً ان رواتبها نااارر ماشاءالله تبارك الله ،
الخدمه المدنيه بيحطونك بقطاع خاص خصوصاً انك دبلوم ، وهذا هم حقين الدبلومات الصحيه يخصصون يوم يتجمعون فيه قدام وزارة الصحه
عموماً الله يوفقك ويكتب لك الخيـر ، وانتظر ردود البقيـة يمكن في ناس تفيدك اكثـر منـي

تبي النصيحة روح وادخل الامن العام افضل لك خصوصا انك خريج جديد والامل ضعيف توظيفك انا لي 4 سنوات عاطل ومطابق بالخدمة المدنية وللحين ماتوظفت وفي كمان 21 الف بالخدمة المدنية ولا وظفوووهم

اخوي هذي فرصه لاتفوتها اهم شيء الاستخاره اذا ارتحت الله يوفقك فيها وتقدر تكمل تعليمك عن بعد او انتساب

[align=center]

مع راي الشباب اللى فوق

الحين جتك وظيفه على طبق من ذهب لا ترفضهآآآ

الحمدلله اشوف اخووي دخل العسكريه مع انه كان متامل غيرها بس سبحان الله
ربي كتبها له وكمل جامعه عن بعد .. واستقر من ناحية الوظيفه والجامعه ..

وراتب جدآ حلوو ..

والله يوفق شباب المسلمين اجمعين ..





[/align]

[align=center]

اقتباس:

المشاركة الأصلية كتبت بواسطة رامي الصيدلي - ماشاءالله تبارك الله هل استخرت ؟ اذا استخرت فأقول لك ادخل الامن العام والله يوفقك خصوصاً ان رواتبها نااارر ماشاءالله تبارك الله ، الخدمه المدنيه بيحطونك بقطاع خاص خصوصاً انك دبلوم ، وهذا هم حقين الدبلومات الصحيه يخصصون يوم يتجمعون فيه قدام وزارة الصحه عموماً الله يوفقك ويكتب لك الخيـر ، وانتظر ردود البقيـة يمكن في ناس تفيدك اكثـر منـي

استخرت والله ونقول عسى الله يكتب لنا اللي فيه الخير ويعطيك العافيه على ردك : )

اقتباس:

المشاركة الأصلية كتبت بواسطة صيدلي عاطل للابد تبي النصيحة روح وادخل الامن العام افضل لك خصوصا انك خريج جديد والامل ضعيف توظيفك انا لي 4 سنوات عاطل ومطابق بالخدمة المدنية وللحين ماتوظفت وفي كمان 21 الف بالخدمة المدنية ولا وظفوووهم

والله ياخوك هذا اللي انا متخوووف منه إني اجلس سنه وثنين وثلاث واربع وبالاخير اكون ضيعتي وقتي بدون اي فائده : ( .. الله يرزقك ويرزقنا وجزاك الله خير على ردك وعقبال نسمع خبر توظيفك قريب ان شاءالله

اقتباس:

المشاركة الأصلية كتبت بواسطة ابي اكمل تعليمي اخوي هذي فرصه لاتفوتها اهم شيء الاستخاره اذا ارتحت الله يوفقك فيها وتقدر تكمل تعليمك عن بعد او انتساب

كلامك صحيح ومثل ما قالو ما خاب من إستشار : ) وان شاءالله اني ما بفوتهآ

اقتباس:

المشاركة الأصلية كتبت بواسطة قمرمر [align=center] مع راي الشباب اللى فوق الحين جتك وظيفه على طبق من ذهب لا ترفضهآآآ الحمدلله اشوف اخووي دخل العسكريه مع انه كان متامل غيرها بس سبحان الله ربي كتبها له وكمل جامعه عن بعد .. واستقر من ناحية الوظيفه والجامعه .. وراتب جدآ حلوو .. والله يوفق شباب المسلمين اجمعين .. [/align]

كلامك مرريح جدا : )

وهذا اللي بيصير طبعاً بإذن الله اذا دخلت العسكرية راح اكمل الجامعه إنتسآب ,, وربي يجزاك خير على ردك و تفاعلك : )

---------------------------------------

شكراً للي ردو جميعاً ربي يعطيكم الف عافيه

وننتظر اذا في اراء جديده للشباب ..
[/align]

اخي الكريم
اولاً انا لا انصحك بدخول العسكريه لا سباب كثيره منها الكبير يأكل الصغير وعدم الراحه النفسيه
انا خريج لي ثلاث سنوات والحمد الله ولم افكر بالعسكريه اهم شي بالعمل الراحه النفسيه
استشر العسكريين من ناحية الراحه النفسيه ومن ناحية التعامل الضباط والعساكر اكبر رتب من رتبك
اذ كان طموحك صحي فاصبر وما رزقكم الا ع الله
واذ كان طموحك عسكري فالله يبارك لك فيها
فصلي صلاة الاستخاره والخيره بما اختاره الله لك