انا لله وانا اليه راجعون حسبي الله ونعم الوكيل

اول شكرا للجميع على المرور

ثانيا والله ياجماعة و ماحلفتوني اني مازودت عليه اي شي بالعكس ممكن انا نقصت اشياء كثيرة .

وصراحة اشكركم جزيل الشكر على الردود و على المواساة الطيبة .

ولكم مني جزيل الشكر و العرفان .

لا حول ولا قوة الا بالله

اليوم بعد ما سويت معاهم صياح و رجه قال المدير السوداني نحط جدول و كل يوم يجلس واحد من الموظفين يغطي المكتب وقت الغداء ؟؟ شوف العقل كيف كانه سكيورتي مو موظف المهم و حطينا الجدول و مع اول يوم تطبيق هههههه مالقيت احد من الموظفين كلهم فركوا و عادت نفس المشكلة .؟؟؟؟؟؟؟؟؟؟!!!!!!!!!!!

شباب نسيت اقلكم على قصة حصلت معي برضوا مع نفس المدير السوداني

يوم من الايام كانت الشركة مسوية فطور في رمضان لجميع فروع الشركة يعني فرع جدة و الخبر تقطع لهم تذاكر و يذهبون للرياض عشان الفطور حلو الكلام المهم انا سمعت الخبر و كنت سعيد اني بروح على الرياض و اشوف زملاء الي دايم اتكلم معهم على التلفيون و ما اشوفهم يعني اتعرف عليهم هذا الكلام كان يوم الاربعاء الساعة 11 صباحا المهم وقتها السوداني كالعاده جاء دق الكرت و راح ينام المهم في نهاية الدوام مشيت رايح على البيت الا السوداني يتصل عليا من الجوال قلت اللهم اجعله خير

رديت

الو مرحبا

السوداني : كيف الحال
انا : تمام ولله الحمد
السوداني : ان شاء الله احنا طالعين رحلة على الرياض عشان الفطور ( على باله اني ما اعرف و هو الي قلي الخبر )
انا : طيب كويس انا عارف من الصبح ( صح النوم )
السوداني : بس احنا ماراح نخلي الفرع فاضي عشان كذا انا قررت اخليك تجلس و تداوم لحالك في المكتب .
انا : كيف اداوم لحالي وما اقدر اسوي ولا شي اذا كان مافي محاسبة و لا محصلين و لا موظفين .
السوداني : انا اخترتك انت لهذي المهمة و لازم انك تسويها ( مسوي نفسه حريص على الشركة كانها حقت ابوه )
انا : والله انا صراحة ما اقدر اجلس لحالي في المكتب
السوداني : على العموم انا اعطيتك خبر و انت راح تجلس في المكتب و ما راح تروح معانا على الرحلة جهز نفسك .
طخخخخ قفل السماعة
و اليوم الثاني كلمت المدير الاردني الي في الرياض وقلي بالحرف الواحد هذا مجنون ما راح يجلس في المكتب ولا احد هذا قرار من المدير العام شخصيا .
ويوم الرحلة مالقاني الا اول واحد انكتم و وجهه سود اكثر من ماهو اسود و ماقدر يقول شي .

شفتوا الحقد فين وصل .

لا حول ولا قوة الا بالله ....
الله يصبركم

الله يفرجها لنا ولكم ولجميع المسلمين من حيث لا نحتسب

اشكركم جميع على المرور

على فكرة

مره في اجتماع وانا كنت محق الاول في المبيعات على مستوى المملكة

لاني محقق اعلى تارجت مبيعات 3 شهور متتالية

ففي نهاية الاجتماع قلت للمدير

مافي خطة عشان يكون في ترقية او ترفيع للموظفين المميزين ؟

تخيلوا ايش رد عليا و قال و ليته مارد

قال : انت عايز تترقى ( بسخرية طبعا ) لو تجلس 20 سنة عندنا ماراح تترقى احنا ماعندنا ترقيات عايز تترقى شوفلك شركة ثانية ترقيك احنا مانرقى ( يتكلم كانها شركة ابوه )

والله ياجماعة جاني احباط و معنوياتي سارت صفر .

حسبي الله علية و نعم الوكيل .

حسبي الله عليه

شكرا لك اخوي