الله يعينك ويوفقك ويرزقك

اخواني الكرام
امس السبت جدت مواضيع جديدة في مشكلتي
طلعت للغدا كالعادة و انا متفق مع السوداني اني وقت الغدا ما اكلمه اطلع و بعد ساعه ارجع
بعد عشرة دقايق من طلوعي جوالي يرن و اشوفه و يطلع السوداني يتصل بي رديت عليه هلا
قلي وينك قلت له طلعت ساعة البريك قلي وليش ما قلت لي قلت له حسب اتفاقنا اخر مره انه اطلع وقت الغدا بدون ما اكلمك قال لا ابدا انا ما اتفقت معاك على شي زي كذا و حركاتك هذي و تصرفاتك ما تبطلها تستمر تسوي الخطاء و انا بحذرك لاخر مره و بعد كذا بعطيك انذار نهائي رسمي قلت له هذا وقت غدا و معروف عند العالم كله انه حتى لو جاء اي اتصال عالمكتب يقولون له بعد ساعة اتصل الحين بريك قال هذا الكلام مايمشي عندي و الموضوع انا شايف انه بسيط لكن هو في نفسه شي عليا و الدليل انه طلع كل الي في قلبه انا قلت له طيب ان شاء الله ساعة و ارجع اخذته على قد عقله
وهيا رحت البيت مالي نفس في اي شي و قفلت الجوال و حطيت راسي و ماصحيت الا المغرب طبعا مارجعت عالدوام شغلت الجوال لقيت تقريبا 15 اتصال منه و من الزملاء في المكتب كلهم يسؤلون عني المهم مارديت اتصلت على المدير الثاني السوداني الي بالرياض و نقلت له فكرة كاملة عن الي حدث معي و قال مايكون خاطرك الا طيب انتا داوم الصباح و ارسل لي ايميل و انا راح اتخذ اجراء يرضيك
و داومت اليوم الصبح و انا جالس اكتب ايميل الشكوى اتصل بي السوداني من مكتبه و قالي تعال و رحت له مسوي نفسه زعلان قالي تكلم ليش ساكت قلت له ليش اتكلم انتا طلبتني و اذا سئلت راح اجاوبك تشاددنا شوي بالكلام و بعد اخذ و رد اتفقنا و انا الي اقترحت عليه انه ما اطلع ساعة البريك وقت الظهر اداوم دوام كامل و امشي قبل الموظفين بساعة و اقتنع معني عرضت عليه هالفكرة من اول و كان رافضها و يقول نظام الشركة ما يسمح و الحين مع هالورطة الي حط نفسه فيها رضي بالغصب و انتهى اجتماعنا على هالاتفاق قمت انا رجعت مكتبي و اتصلت على السوداني المدير بالرياض الي كلمته بالليل لانه مستني مني ايميل و قلت له حصل كذا و كذا و هذا اتفاقنا قل انت يرضيك هالاتفاق قلت له كويس ابغا افك راسي من المشاكل و وجع الراس و كل يوم يجلس يتصل بي وينك و ليش متاخر و زي كذا و لكن انا راح اجرب فترة اذا ناسبني الوضع الخيرو اهله و اذا لا ذيك الساعة نغير الاتفاق و اذا جد اي جديد راح اخليك بالصورة اقصد المدير السوداني و انا اتكلم معاه
قلي الي تشوفه و على هالكلام انتهى الموضوع
و اذا جد اي شي راح اعطيكم خبر لانه يهمني رايكم و مشورتكم و انا اعتبركم طرف حاسم و مؤثر في مشكلتي
تحياتي للجميع و اتمنى منهم الدعاء لي .

قسم حبيتك في اسلوبك وجهدك وغص في حلق الزول المريض نفسيا وبارك الله في أم عيالك التي وقفت معاك وشجعتك في امورك
الله يفرج همك وهم شباب المسلمين

ها بشر وش صآر معك ؟

بسم الله الرحمــن الرحيم ,, لآ اله الا الله ,, طبعا يا خوي حاولت اراسلك اكثر من مره بس اتوقع ان عندي مشكله بالرسائل الخاصه ما اقدر ارسل ,, المهم يا اخوي اول شيء الله يكون في عونك ,, طبعا يا اخوي انا بودي اخدمك وراح اعمل اللي اقدر عليه بس اول شيء واهم سؤال لي س - عندك رغبه تشتغل بالرياض ؟؟؟ ,, ياليت ترد علي بأسرع ما يمكن يا اخوي وبعدها يصير خير