السلام عليكم
اخواني انا فكرت بمشروع الاغلب غافل عنه وهو مشروع مكينة البيع الذاتي للقهوه والكبتشينو
ودخل هاذا المشروع مخي وقمت افكر فيه لدرجت اني اتحلم به بالليل
ولكن لقيت رقم احد الشركات المصنعه للمكينه وكلمتهم وقالو لي سعرها 19000
وهي تاخذ 450 كوب
يعني لو احط هاذي المكينه في مدرسه او جامعه ويستنفذن الاربع مية كوب باليوم لو افترضنا ان سعر الكوب اقل شي 3 ريال

450 *3 = 1350 باليوم
1350 * 20 يوم بالشهر = 27000
الغراض اكواب + بودرة القهوه تقريبا 4000 بالشهر يصفي لي 23000 ريال
مبلغ مهو بسيط
وهاذا الي خلاني اتحلم به بالليل
المهم وش رايكم في هالمشروع وهل ترون ان سعر الماكينه غاليه والي يعرف سعر ماكينه اقل حتى لو كانت مستعمله يخبرنا الله لايهينه ويجزاه خير
وشكرا...

مشروع جميل إذا كُنت مُلم بكل تفاصيله
ومكانه داخل الجامعه ممتاز ..

اتمنى لك التوفيق .

مشروووع رااائع وانا كمان افكر فيه ,,, اتنمى احد يفيدنا اكثرر

اخوي في مكائن تبيع كل شي يعني بقالة كاملة
لكن وين تحطها بالجامعات ما يرضون بالمشاغل النسائية هم عندهم بالمستشفيات كذالك
اخوي المشروع ممتاز لكن اهم شي الموقع

مشروع رائع جدا

مشروع حلوو وما يحتاج له تكلفه ولا تعب


بس الجامعه او المجمعات هل راح يقبلو بوضع المكينه يعني ماراح يطلبو منك اقل شي ايجار ؟؟؟؟

صحيح ...مشروع رائع .... بس مثل اللي ردوا قبلي ... ماتتوقعون فيه ايجار ...؟؟؟؟؟؟

اكيد فيه ايجار ياشيخ لو ياخذون 1000 ماعندي مشكله اذا ربحي كل شهر فوق 15 الف ومستعد اجيب اي هندي يعبيها الغراض المطلوبه ويعبيها اكواب اذا فضت واعطيه لو يبي 1000 عادي المهم انتم تتوقعون المشروع ينجح والا لا وهل سعر الماكينه 19 الف غاليه وهل فيه ارخص منه لو مستعمله

مشروع حلو اسأل المجربين وشف بنفسك الموقع قبل تبدأ
استخير وتوكل على الله

مشروع حلو .. واللي أعرفه

الجامعات أغلبها تتعاقد مع شركات تشغيل توفر لها هالخدمات هذا بالنسبة لجامعات الرياض

سعر الآلة فيه نوعيات أقل سعر ولهم إعلانات عالنت

ممكن تنفذ المشروع قريب من مقرات الشركات الكبرى والمساجد والمدارس إذا ما قدرت تحصل على عقد. مع الجامعات