السلام عليكم

يوجد مجمع جوالات كله جوالات .. طبعا مدينة الرياض

خارج المجمع قبل المدخل 5 محلات جوالات

يوجد فيهم فتحتين مؤجر لشركة موبايلي وانا حجزت ولكن مادفعت جنب شركة موبايلي

المساحه 3 امتار في 3 امتار .. ديكور فيه وجاهز دولابين ..

فيه كهرباء والمحل ماعليه .

الاسئله ..

طبعا ايجاره 4000 ريال شهري .. علما بان مساحته 3 امتار في 3 .. يوجد كشكات يعني انت تكون داخل المحل المعروفه اللي متر ونص في متر ونص ب 1500 شهري ..

بالنسبه لي انا بجيب صيانه عشان كذا لازم اخذ اللي برا اوسع ..

السؤال هل الايجار غالي 4000 ؟!

سؤال 2 .. من وين استورد الاكسسورات بالجمله شواحن لبس بطاريات ........ الخ وكيف اسعارهم وهل في طريقه مسهله لي انا ك صاحب محل ؟!

سؤال3 .. الجوالات كيف بالجمله ومن وين ؟! وهل توجد طريقه مسهله لي ..!

سؤال 4 .. انا موهبتي ف التصميم مثلا صور وغيرها وسائط خلفيات مواقع ... الخ هل استفيد من كذا ؟ حسب موهبتي

سؤال 5 .. ماهي الاساسيات لـ فني الصيانه يعني الاجهزه والادوات ومن وين وكم اسعارهم .!؟

سؤال 6 . كم الربح تتوقعون بإذن الله .

سؤال 7 .. نصائحكم


بإنتظاركم

رحت للمرسلات قبل شهر ولقيت سعوديين بالمحلات
وجلست أخذ وأعطي معهم وبصراحة هيضوني اني افتح محل
وقالوا اذا بتفتح محل تعال ونعلمك كل شيء
ويقولون الشغلة سهلة وبسيطة
بس اهم شيء الموقع
انا دورت عندهم بس اجارهم غالي مرة
وبما إني مبتدئ فناوي ادور لي مجمع حلو واجاره احلى ..
أنت بأي مجمع ؟ لأن السعر كأنه غالي بس (على حسب المجمع)
أما الأرباح فهي عالية بعد توفيق الله
بس الأهم بما إنك بتفتح صيانة .. الفني ؟
بالنسبة للبضاعة جبها من المرسلات و الجوالات من الوكيل و الأدوات بتجيك للمحل أو تجيبها بعد من المرسلات لأن المندوبين يجونك لعند باب المحل

أنا البارح رحت أدور لي موقع ولقيت على 12000 و 15000 الفتحة الوحدة بس كلها طبعا محلات عادية
واليوم ناوي اروح للمجمعات واشوف .
أنا ناوي افتح اكسسوارات اول شيء الين أشوف موضوع الفني بعدين ..

عندي دراسة جدوى للمحل بالبيت .. اذا تبيها جبتها لك

اعذرني اذا كلامي مو مرتب .. لأني بالدوام ومشغول شوي
والله يوفق الجميع

اهلا اخي
هذه دراسة جدوى ولكن لا تعتمد عليها من ناحية الاسعار لانها مبالغ فيها

محل بيع جوالات

اتمنى لك التوفيق