بسم الله الرحمن الرحيم

بدون مقدمات وبدون شي ورب الكون فيني حرقه بداخلي اكتب لكم ورب الكون ببكي من القهر

ومن المذله ومن الملعنه 6 سنوات بدون وظيفه 6 سنوات في مذله علشان الواسطه

6 سنوات وانا ادور على لقمة عيش لي ولعيالي وين احنا عايشين في السعوديه ولا الصومال

وقفت على وظيفه حتى العسكريه ترفضنا علشان الطول وش اسوي انا اذا طولي قصير

تبوني اقول يارب ليه خلقتني قصير واعوذ بالله من الكلام هذا وتعال للوظايف المدينه

احلق اشنبي اذا توظفت فيها كلها واسطه في واسطه وين نروح ياهو دين على دين

لا وظيفه لا راس مال ولعنه على كل مسئول يا ناس ابي اعيش عيالي مثل الناس

اوديهم اجيبهم اشتري لهم الزين وش ذنب امي اذا انا قصير الله لايبيح من كان السبب ولا يوفقه دنيا واخره
ورب الكون ما ابيح منهم مسئؤلين وش نبي منهم وش نرجي من وراهم بعد الله

العذر والسموحه يالربع والله فيني حرقه وقلت افضفض عليكم اعذروني

واسف على الاطاله

(الله لايوفق من كان السبب على ذلك ولايبيح منه دنيا واخره )

يااخوي الله يرزقك من واسع فضله
بس والله صدقني راااح يروح عمرك وانت تحط اللوم على الناس والدولة وبالاخير ماراح تطلع بنتيجه
اشتغل اعمال حرره وطور نفسك
اكثر التجار بدايتهم كانت ولاشي يجمعون الله يكرمك والقراء روث الحيوناا ويبيعونه والان لهم ارصده بالمليارات بالبنوك
ماانتظرو شفقه او واسطه
كلنا تخرجنااا ودرسنا وتعبنا واخر شي يصرفون لنا حاافز وبالمذله والخصومات والبهذله
والوظاائف بالواسطه
بس الحمدلله شويو شوي بمجال التجارة الشخصيه لحد مافتحها ربي لناااا

وعليك بالاستغفار والصلاة والدعااااء قبل الفجر بنصف ساعة تررى العجب
توووكل على الله

وكررر دعاء اللهم اجعل همي الاخررره
راح تنفتح عليك الدنياا من اوووسع ابوابه

طووولت الكلاااام عليك بس هذاا إلي بيبدي

والله يرررزقك من واااسع فضله

والله كلامك صحيح

الله يثلج صدرك يارب
بس ربك يعين

مهمومه حدي حتى تطوع مافيه

يالله انك ترزقنا وتغنينا

الله يعين بس ليه كذا طيب الحين عندنا شباب متخرجين من كلية الطب ومعدلات ممتازه

ومن الجامعه معدلات ممتازه بس معروف عندنا الافضليه (للأجانب) وش اللي ناقص على شبابنا وبناتنا

معدلات ما شاء الله وب أمتياز سنين وسنين ولا احد عطاهم وجه

الله يوفقنا لما يحبه ويرضاه يارب

وعلى كلامك اختي هاموره باذن الله بجمع كم قرش وكم دين

والله يفرجها علينا وعليكم يارب

إذا عندك سياره
كدّ عليها مشاوير خاصه
راح تلاقي خير ان شاء الله
وحبة حبه لين تصير تاجر ( بالعلم والمال يبني الناس ملكهمُ)
الله يرزقك من واسع فضله

سورة البقرة الزمها وشوف ايش بيصير بحياتك

ياشباب البلد فيها خير بس المشكله اذا جاك الواحد يبي وظيفه حكوميه وعلى المرتبه مدري كم ياخي اشتغل أي شي والله همك راح ينفرج بأذن الله وراح تجيك الوظيفه الحكوميه في أي وقت ظالما سلاحك شهادتك بالتوفيق للجميع