[align=center]
السلام عليكم ورحمة الله وبركاته
انا مالي في المقدمات ببدا في الموضوع على طول
اريد مساعدتكم ورايكم ولكم جزيل الشكر
ابغى دراسة جدوىلمشروع روضة اطفال في الرياض
يتراوح تكلفته حوالي 500 الف ريال اوتزيد
ماهي احتياجات المشروع من معلمات وعاملات وموظفات
كذلك كم تستوعب من طلاب
وكذلك تجهيزات المبنى من والى
اللي عنده خبره في الموضوع لايبخل علينا
وما مدى نجاح مثل هذا المشروع
انتظر ردودكم ارجو منكم ان لاتخذلوني
وهذا العشم
[/align]

افااا وينكم ماتوقعتها منكم خيبتم املي
في انتظاركم

السلام عليكم

من رائ بدل فكرة روضة أطفال ...أعملى مشروع حظانة أطفال ~)

أفضل والطلب عليه ....بعد مشاكل الخادمات ...الكل بدا يفكر بالبديل


أعملى مشروع حظانة أطفال ..ويكون فيه أشياء وخدمات مميزه وجديده وخدمه العميل

مثل خدمة التوصيل ...بدل ما يتعب العميل ويحضر طفله عندكم ..

وبتوفيق

وعليكم السلام ورحمة الله و بركاته
الله يرزقك

500 الف ي اختي والله مصيبه لو بكرا م صار اللي تبينه صدقيني مصيبهه ..

وانشاء الله يرزقك ..

انا اقول لك اقسمي الـ 500 على 5 يعني 100 الف كل مشروع ..

عشان لو خسر شي لاسمح الله تقدري تستفيدي من الثاني يعوضك بمكانه ..

لكن شي يخسر و 500 الف والله مصيبههه ..

....

100 الف اخذي منها 40 الف ..




مشروع خضار فواكه تمور بـ 40 الف ..



الايجار لـ الفتحتين يوصل الـ30 لكل فتحه 15 بموقع مميز طبعا انا من شهر وانا بين العقارات لاني بفتح محل ..

المهم تفصيل لكامل المحل اللي ينحط عليه الخضار والفواكه والتمر واللي يجي وراه مرايات يكلفك 2500 بما ان المحل فتحتين ..

ثلاجه تبريد كبيره شوي بـ 1500 مستعمله نظيفه ..

ميزان مكتب كرسي ناموسات جهاز تغليف يكلفك كله 800 ريال

لوحات تشتريها من اقرب تخفيضات اللي تتلصق ع الجدار وفيها خضار فواكه 400 ريال كامل المحل ..

لوحة محل لو تبين انا اصمم لك طباعتها تكلفك مع التركيب عباره عن قماش او بنر 600 ريال ..

تشتري سياره ددسن حوض قديمه تكلفك 8000 ريال عشان كل يوم يحملون عليها الخضار من سوق الجمله العزيزيه ..
لان الحمالين اللي هناك يجيبون خضارك يمكن بـ150 للمحل ف يروح مكسبك

وتخلين طبعا 5000 ريال كامله لليضاعه

دباب مستعمل حق توصيل 700 ريال

مطبوعات وملصقات ع الباب اللي تجي عشان يعرفون الناس رقم اشتراكهم بـ200 ريال

تلفون بـ 45 ريال

المشروع كلف مع الايجار طبعا الايجار تدفعي اول 6 شهور فقط يعني 15 الف + تكاليف المشروع 20000 = 35 الف ..

+

اذا ماعندك سجل تجاري .. بيكلفك مع رسوم البلديه ورخصه محل بـ 1500 ريال تقريبا ..



المهم المشروع كللله يكلفك 36500 .. بأطلق مكان اهم شي يكون جانب مطعم او ملحمه او بقاله ..

وبإذن الله يكون ربحك اليومي 500 ريال ..

حطي عاملين واحد محاسب الثاني توصيل

التوصيل له 1500

المحاسب 2000 او قولي له حسب النسبه ..
_________________________________________



مشروع ثاني يكلفك تقريبا 100 الف فقط ... دخله 1000 ريال بالراحه ..

تعرفين عصير العرائسي .؟ موسمه هو بالصيف ..

اخذي سياره نفس البقالات الكبيره المتنقله ..

مو لازم يكون فيها تبريد فقط شاحنه ..

مستعمله تلاقينها نظيفه توصل الـ 50 الف .. موديل كويس

الادوات اللي تحتاجينها

خلاطين .. ثلاثجه صغيره لحفظ الفواكه .. اكواب كبيره وصغيره ..

بالاضافة الى الفواكه المطلوبه لصنع العرائسي والمكسرات والفيمتو وال***ب اليمني ..

طبعا الكوب الواحد بـ 5 ريالات الكبير

الصغير ب 3 ريالات ..

العمال يمنيه 2 .. يوجد مختصين بكذا .. واحد يسوق وكلهم يشتغلون ..

اتوقع بدون رخصه بلديه اهم شي كل شي نظيف ..


يوقف عند استاذ الملك فهد من بعد العصر مباشره حتى 11 ..

الساعه 11 معاه يمكن 500 ريال

ومن 9 الصبح حتى اذان العصر على طريق الملك عبدالله او شارع جابر ومعاه بيكون نهاية الوقت 500 ريال

..

رواتبهم 3000 للواحد عشان يأمنون نفوسهم ولايفكرون بالنصب

بالنسبه للأكواب مثلا اليوم تعطينهم 1000 كوب

والاكواب مو تشترينها من اي مكان ربما هم يشترونها ويصرفون أكوابهم

فـ انتي جيبيها من مكان خاص بمحلك عليها طباعه اسم المحل مثلا >> عرائسي الطازج

عشان اخر الليل اذا قفلو تشوفي كم بقى من الكوب الكبير >> بقى 100 كوب

طيب 900 ريال في 5 ريالات = 4500 .. اذا نقص ريال اخذيه من راتبه وهكذا .


_____________________

مشاريع كثيره راس المال صغير .. بس اهم شي لاتحطين 500 الف بشي والله مو عارفه عنه شي


بالتوفيق لك يارب

https://www.btalah.com/t502571.html

الله ييسر امرك

الله يوفقك ويرزقك الرزق الحلال

[align=center]
مشكوورين كل اللي ردوا جزاكم الله خيرا
اخوي العبدالعزيز ماقصرت افكارك بغاية الرووووعه
بس انا هالمشروع طموحي وحبيت استفيد من شهادتي بنفسي وابي المشروع
اقوم به انا
ومرا ثانيه مشكووور وماقصرت يعطيك العافيه

مشروع حضاانه نااجح
خصوصا بعد مشاكل الخدم
مستحيل نحط اطفالنا عندهم
توووكلي على الله وخلي حضانتك قريبه من مجمع بنات ثانوي وابتدائي ومتوسط
عشان المعلمااات على طريقهم الحضاانه


كم معلمه بالمجمع عدد كبيررر جداا


بس ٥٠٠ الف شويه على مشروعك اذا فيها ارض وبناااء