السلام عليكم

بإختصار .. انا فتحت سجل مؤسسة مقاولات خاصة باعمال النظافة وحولتها إلى شركة
المهم اشتريت 3 سيارات وجيت استاجر مكتب وقالولي ان المحل لازم يكون جديد عشان تقدر تاخذ تاشيرات!!
دورت محلات جديده ولقيتها غالية..
فغيرت الفكرة وقلت استاجر شقة او مستودع في الصناعية
وقالولي مايعطونك تاشيرات الا لما يكون المحل على شارع وماراح يعطونك الا تاشيرتين حتى لو وظفت نفسك في الشركة انت واخوك لأن الشركة باسمكم!!
تأشيرتين بالمرة ماتنفع .. وش الحل وخصوصاً اني متحمس للشغلة هذي!!
وين استاجر؟؟ وكيف ازود عدد التاشيرات؟؟
والله ماقدرت أنام احس اني وهقت عمري وضيعت فلوسي

أخوي الكريم

الله يعينك ويسر أمرك هذا الي اقوله

افضل من يتكلم في الأمر هذا هو الاخ الكريم(السيف والرمح) وهذا موضوع له يتكلم فيه بالتفصيل عن المقاولات

https://www.btalah.com/t496872.html

اطرح سؤالك عليه لعلك تجد عنده إجابه أو أقراء كامل الموضوع عسى تلقى لك فيه حل لموضوعك

الله يوفقك دنيا وآخره.

هنا المشكله الحماس الزائد والاستعجال ليه مادرست الموضوع من جميع الاتجاهات

ليش يوم طاح الفاس بالراس صرت تعرف شوي شوي
الله يعينك اخوي

ابحث عن اي مخططات جديده يكون فيها المحلات ببلاش من خمسه الى سته الاف ريال


اكتب في الرخصه مقاولات ونظافه المباني وصيانتها


كذا ولا كذا ماراح تحصل غير ثلاث تاشيرات هذا اذ كان عندك واسطه

الله يعينك

المشكلة طلبات البلديه تحس انها طلبات وحده حامل
وربي اكثر خسارات الناس من هالطلبات اللي ماتدري شتبي
واللي يقول كان درست الموضوع من قبل بالله لو كل شي واضح ماصار اللي صار
هذا غير التاخير في الرخص ووووووو
مهما سويت لابد تشوف اول عثره سببها البلديه وغير البلديه ولا وش دخل اهلك المحل جديد ولا مب جديد نسو مدارسهم
اللي شبه مبنيه اللي يدرسونا فيها ماقالو لازم جديده بس شنقول غير الله يستر عليتا ويسهلها عليك وعلينا

شكراً على ردودكم
وبالنسبة للي يقول مادرست الموضوع .. انا والله درسته من جميع الجوانب
واقترضت مبلغ عشان المشروع واستخرجت السجل والرخص
لكن المشكلة بالتأشيرات .. لان تاشيرتين لاتفي بالغرض
وانا محتاج خبراتكم في تجاوز هذه النقطة

وشكرا لكم

وعليكم السلام ورحمة الله وبركاته

بخصوص المحل قديم أو جديد أتوقع والله العالم المقصود لو كان واحد قبلك فاتح نفس نشاطك وطلع فيز

انت ماتقدر تطلع إذا كانت رخصته سارية المفعول يبي لها شغله والله العالم

وحسب علمي حتى لو أخذت محل جديد التأشيرات ماراح تطلع لك أكثر من خمسة حسب نشاطك

عموماً عندي حل ما أدري يناسبك أولا

حالياً بسبب الحملات الأمنية العمالة متوهقين ويبون ينقلون كفالات عشان يصححون وضعهم

أستغل هذي النقطة وأنقل كفالاتهم عليك بعد ماتتفق معاهم على العمل
وتقدر تنقل العدد اللي تبيه

وتفتك من دفع الفيزه وتفتك من العمالة اللي تجيك ماتفهم عربي

هذي وجهة نظري

وإن شاء الله الأخوان يفيدونك إذا عندهم حلول أفضل


ولا تيأس كل عمل جديد يوااجه عقبات

بالتوفيق إن شاء الله