السلام عليكم ورحمة الله وبركاته

اخواني واخواتي
ارغب في استخراج سجل تجاري بمؤسسة استيرات ادوات كهربائيه واللكترونيه واكسسوارات وادوات تجميل

طبعا فقط سجل بدون محل

عشان يسهل لي بأدخال البضائع اللي بجيبها

الفكره ؟؟؟

ان اذهب الى دبي واشتري ادوات كهربائيه مثل لمبات واجهزه تاب واكسسورات جوال واذوات تجميل نسائيه

بكميات بسيطه جدا مثلا

500 لمبة من اللمبات اللي عليها طلب كثير في السوق عندنا
10 اجهزة تاب
500 اكسسوار لأجهزة السامسونج والاي فون
ادوات تجميل مثل المكياج وتوابعه

واجيبها الرياض واصرفها على المحلات وعلى الافراد طبعا بسيارتي
وهذا كله انا اللي بشتغله

مثلا اذهب الى محل كهرباء واقول له عندي هذي العينه منها 500 لمبه اذا تبي انزل لك منها سعرها كذا ويكون معي دفتر فواتير وهكذا


افيدوني هل فكرتي جيده هل من مساعد

اسأل الله العلي القدير ان يرزقكم من حيث لا تعلمون

الفكره ممتازه ةشغلك عليه طلب ومن الشغلات الاستهلاكيه
والتصريف انت وشطارتك
ولكن عندما تفتح سجل اعتقد يقولون حدد شنو تبي تجيب

بقولك شنو في الا اعرفه واتمني الباقي يحط الا يعرفه عشان الجميع يستفيد

- ادوات كهربائيه
-ادوات مكتبيه
-ادوات تجميل ونظافه
-اكسسوارات بشكل عام (( منها نسائيه - ومنها اكسسوارات لاب توب - ومنها اكسسوارات تليفونات ))
-ادوات نجاره
- ادوات حداده


واتمني اني ساعدتك

اخوي سبايدر ما قصرت وبيض الله وجهك

والله الفكرة ممتازة كبداية
بالنسبة للسجل تقدر تفتح عن طريق النت موقع وزارة التجارة الخدمات اللإلكترونية من وزارة التجارة بدون حضورك للوزارة
أتمنى لك التوفيق

السلام عليكم

فكرتك ممتازة على حسب مافهمتك انك تبي تتاجر بالجملة يعني تشتري وتبيع بالجملة وهذي تجارة جدا مربحة وموفرة للوقت.

أول شي أحسب حساب وجود مستودع خاص فيك لانه ممكن تجيك طلبيات كبيرة وتحتاج مكان لها.
ثاني شي ادرس السوق الي في منطقتك وأعرف محلات الادوات الكهربائية وغيرها من وين يجيبون بضاعتهم لازم تعرف مصادرهم ولازم تعرف أسعار المصدر لانه أنت الان بتكون منافس لغيرك من تجار الجملة وعشان تنجح بالمنافسة لازم تكون أفضل من غيرك, لأنه مثلاً لو أنا عندي محل واتعامل مع تاجر جملة مستحيل اغير مصدري وأشتري منك الا في حالتين الأولى إذا عطيتني سعر أفضل من سعر التاجر السابق والحالة الثانية إذا جبتلي بضاعة جودتها أعلى من جودة التاجر السابق, لذلك ركز على سؤال " ليش المحلات راح يشترون من عندي مب من عند غيري؟" وإذا جاوبت على هذا السؤال تفصيلياً راح تكون خطيت أول خطوة تقربك من المنافسة.

ونصيحتي لك كمبتدأ أطلع لدبي أولاً ثم طالع الأسعار وشف الجودة وأجمع أكبر قدر من المعلومات عن سوق دبي.
ثانياً أطلع لجدة وشف أسعار السوق هناك وأجمع أكبر قدر من المعلومات ثم قارن بين جدة ودبي فيما يخص نوع تجارتك لأنه ممكن تكون البضاعة متوفرة في جدة أرخص من دبي وللعلم مب كل شي في دبي رخيص.

وبعد ماتكون حددت مصدر بضاعتك وعرفت الأسعار وعدك الخبرة الكافية أطلع للمحلات الموجودة في منطقتك وقلهم انك تقدر توفر لهم البضاعة الفلانية بالسعر الفلاني ( حط سعرك أنت موب سعر المصدر ) وأنتبه تبرم عقد بينك وبينه قبل ماتملك البضاعة عشان ماتدخل في الحرام وتبيع شي ماتملكة, وعقب ماتجمع طلبات كافية وشفت حاجة السوق أطلع بنفسك لدبي وجب الكمية الي يرغبها السوق وأبدأ التوزيع

وبعد ماتكبر وتكون الخيار الأفضل للمحلات بالسوق تبدأ تجيب بضاعة من الصين بحيث تكون كميات كبيرة وتكون تاجر جملة قد الدنيا ان شا الله.

وفي النهاية لاتنسى دينك ولاتنسى انما الأعمال بالنيات وإن الله بيعطيك على قد نيتك لذلك خل نيتك في مساعدة المحتاج وكفالة الأيتام بعد ماتحصل أرباح وربك مايخلي عبيدة.

وبالمناسبة أنا سعودي مقيم في دبي لو حبيت مساعدة أبشر بعزك ولو بغيت أيضا مساعدة أو أي استفسار عن الصين بعد أنا أقدر أساعدك ولوجة الله..

والله يوفقك ان شا الله

في امان الله

عمر بن عبدالله

مدام انك سعودي مقيم في دبي ياليت تساعدني في بعض الاساله ..

هل صحيح مزاد جبل علي يبيع بالجمله يعني مثال اكسسوارات بشكل عام نسائيه تقليد ماركه ....!

واذا تعرف بالصين ماهو افضل مكان بيع الاكسسوارات والساعات والاشناط تقليد ماركه درجه اولي .؟
انا اعرف اكوانزو بس فيه مكان غيره واحسن منه ؟

اخوي عندي لك مشروع كويس ادوات سباكه من دبي وباسعار خياليه

اخوي بخصوص السجل التجاري اطلب تجارة الجملة والتجزئة
مؤسسة فلان بن فلان لتجارة الجملة والتجزئة
ماراح يطلبون منك تفاصيل وتقدر تستخدمه في الاستيرااد