رح الامنيه وقدم وان شاء الله يقبلوووووووووووووووووونك




وفقك الله

نصيحتي لك اخوي

قدم على وزارة الشؤون البلدية والقروية

تتعين في الامانات او البلديات وتعمل في صميم تخصصك

ووضيفة حكومية امنة ومدنية بعد وتخصصك يعطيك على ما اعتقد المرتبة الثامنة في نظام الخدمة المدنية

الله يكتب لك اللي فيه الخير

مإ خاب من أستخار ،
أذا تبي الراحه ، وعلى تخصصك : إلعسكرية ، وبعدين أنت بتدخل برتبة ظإبط ، شيء ماهو بطال والقطاع الخاص يكدونك ، لكن يدسمون شاربك أخر الشهر
وأبقولك قصة قصيرة :
هذا واحد من الجماعة جاه قبول في الامن العام على رتبة وكيل رقيب ، وجاه بنفس الوقت قبول من سابك ، سحب ع الامن العام وراح لـ سابك ، وبعد شهرين أو ثلاث شهور كتبو العقد ، ولكن ، بعدها بفترة ألغو العقد بداعي كتابة عقد جديد ، وسحبوا عليه وللأسف راحت سابك ، والامن العام

أستخير وانا اخوك ، وكلن بياخذ رزقه

الأمنية


كل واحد يتمنااهاااااااااا


رح لهااااااااااااا


اترك المدنيه.................


مع الوقت راتبك يصقع فوووق

مو المدنية تكد مايتعدى 10 ممكن


وبعدين مهندس

يابوي العسكريه
والله الشركات الغالب فيهم مايخافون الله في الموظفين
أما العسكريه حقك مضمون ورواتبك معروفه
وبعدين لاسمح الله بعد عمراً طويل إذا صار لك شيء أثناء العمل سواء حادث ولا وفاه أهلك مايضعون بعدك
بس خذ نصيحه لاتدخل هذه التخصصات ألا إذا كنت صبور والغالب أنها غربه إذا مافيه نفس التخصص بمنطقتك:
القوات الخاصه تبع البحريه (الضفادع)
القوات الخاصه تبع الجيش
حرس الحدود
الطواري (لأنك بالواجهه)

الجويه ماأعرف عنها شيء
وموفق ويبعد الشر عنك وعن جميع المسلمين
والعسكريه الحين ماهي مثل أول وناسه حتى إذا تخرجت تتذكر أيام الدوره ودك ترجع دورات

خويي نقيب في الحرس الملكي ويستلم راتب 22 مشاء الله

ومريح ومبسوط ويقول اتمنى القى فرصه وافتك من العسكريه!!

وانا اتمنى القى فرصه اكون مكانه واستلم راتبه مشاء الله ....

ووجهة نظري ونصيحتي لك اذا السبب فقط في الغربه انك تلزم وظيفتك احسن من العسكريه ..

واذا كان تبي راتب وراحه اكثر من عملك روح عسكريه واتهنى بالنجوم مافي احلا من شكلها عالكتف !!

الله يحفظك اخوي صاحب الموضوع وياليت دخول الشباب الظباط بوزارة الدفاع يفيدونا اكثر عن وضع المهندس بوزارة الدفاع ...



عشان يكون الطرح موظوعي أكثر خلونا ناخذ اشياء اساسية تحدد اختيارك لبيئة العمل :

1- الاجتماعية 2-الراحة 3-الراتب 4-مكان العمل 5-العمل بالتخصص 6 - التطوير 7-امكانية الابتعاث 8- عند التقاعد 9-الكرامة

ونعطي كل واحدة درجة ونقارن النتيجة

العسكرية :

1- الاجتماعية ......... (( العسكرية فيها اجتماعية وخوة حلوه خصوصا انت راح تكون ظابط وعند جماعتك لك هيبتك ومكانتك ........جاء الملازم اول راح الملازم اول ههه))
((( 1 )))

2-الراحة ....(( اعرف ناس بالدفاع الجوي يداوم اسبوع ويعطل اسبوعين وناس تستلم 6 ساعات وتسلم يوم كامل بشكل عام العسكرية للظباط دوامها يعتبر راااحه وغالبا مكتبي ماهو ميداني بس ايظا ممكن تكون بقطاعات تكرهك بالعسكرية كلها مثل الجيش او البحرية بس انت راح تعرف قطاعك قبل الدورة وهذا يسهل عليك اخذ القرار ))
((( 0.5 )))

3-الراتب...(( غالبا المهندس بوزارة الدفاع راتبه يكون بحدود 12000 ريال تقريبا وانت وقطاعك ممكن يكون اعلى لكن هذا.... الاساسي + بدل النقل + بدل الاعاشة +بدل فني _بدل تخصص هندسة ))
((( 0.6)))

4- مكان العمل ...(( على حسب علمي وزارة الدفاع يعطونك رغبات للمكان اللي تعمل لكن حتى لو غربوك سنه سنتين بالكثير وتلقى لك دقيش وتروح لاهلك ))
((( 1 )))

5-العمل بالتخصص (( وزارة الدفاع توظفك بتخصصك على ماسمعت انت مهندس مدني غالبا راح تكون بالمشاريع الهندسية لوزارة الدفاع (( ادارة الاشغال العسكرية مسؤله عن المشاريع التابعة لوزارة الدفاع وصححو لي ياشباب ان كنت غلطان)).. عكس الامنية ممكن يحطوك امن طرق ))
((( 1 )))

6- تطوير الذات والتغيير (( هذي عاد عليك بس غالبا العسكرية بيئتها ماتساعدك على التطوير ))
((( 0.2 )))

7-امكانية الابتعاث ماعندي علم بس سمعت ان فيه طلاب تبعثهم الوزارة
((( 0.5 )))

8- عند التقاعد :
يعطونك راتبك الاساسية لايقل عن 9000 ريال شهري يمشي لك شهريا
((( 0.6)))

9- الكرامة : صراحة العسكرية فيها التزام وتنفيذ اوامر بدون نقاش وجو (امرك) بدون نقاش يكرهك احيان فيها وفيها جو من الذلة احيان وقابلت كثير من العسكر يتمنى يطلع من العسكرية عشان المذلة اللي هو فيها
((( 0.2 )))

المجموع 5.6/9


-----------------------
القطاع الخاص:

1- الاجتماعية ......... (( غالبا الاجتماعية صفر لانه قطاع خاص كل واحد مشغول ويبغى يبيض وجهه قدام مديره وقدام الشركة ))
((( 0)))

2-الراحة ....((القطاع الخاص عمله ليس روتيني كل يوم شئ جديد وكل فترة تكون بمشروع مختلف يعني الراحة ماهي مثل الحكومية وعشان تاخذ عرض افضل لازم تشتغل على نفسك لغة وتدريب وكرف وكل هذا على حساب صحتك وراحتك واهلك طبعا باستثنى الشركات اللي توظفك كمهندس للسعودة فقط هذولا مايسالوا عنك ))
((( 0.1 )))

3-الراتب...(( طبعا راتب القطاع الخاص افضل بكثييير من الحكومي يكفيك حديث التخرج بدون خبرة ياخذ بارامكو وسابابك والهيئة لا يقل عن 130000 ولكن مع اكتساب الخبرة وعندما تثبت نفسك راتبك راح يرتفع وياصل في غضون سنوات الى راتب خيالي + تامين طبي + سكن ))
((( 1)))

4- مكان العمل ...(( محصور بمكان الشركة ولايمديك تطلع ))
((( 0.2)))

5-العمل بالتخصص (( على حسب الشركة وتخصصك ))
((( 1 )))

6- تطوير الذات والتغيير (( افضل بكثيير وبقوة ))
(((1 )))

7-على حسب الشركات بس التدريب فيها افضل بكثيييير
((( 0.9)))

8- عند التقاعد :
يعطونك راتبك الاساسية وعندها لايقل عن مبلغ كبير بحكم الخبرة ريال شهري يمشي لك شهريا
((( 1)))

9- الكرامة : افضل من العسكريه بكثييير
((( 1)))

المجموع 6.2/9

-------------------------------------------------------

طبعا هذا بشكل عام بس وانا اخوك
الراحة ماتنشري بالفلوس
الاجتماعية ماتعوضها الفلوس (( جو الوحده والغربة ممل ))

والقرار لك بالتوفيق