لا يا اخوي الطواري بجدة لها قوات والطواري بمكه لها قوات يعني اليوم فتح التقديم بطواري جده وانا من الطلاب المتقدمين والحمدلله تم قبولي ولله الحمد

أنا أحكيك أيش سار بالضبط أنا مقدم من قبل 3 شهور طبعا ألمهم أول شي يعطيك 10 أوراق تخلصها ختم العمده والشرطه وبيانات عنك كامله ويعطيك ورقه تسدد فيها القسام وتجيب خطاب من المروور وتجيب برنت من الأحوال وتجيب ورقه من الأدله الجنائيه يعني تروح تسوي بصمه وبعدين بعد ما تخلص ذا كلو تروح مستشفى قوى الأمن تسوي كشف طبعا حيعطوك موعد بعد شهر عشان يسحبو الدم

بعد ما تخلص من المستشفى يعطيك ورقه أو خطاب إذا كنت كليه تقنيه عشان يحدد الرتبه ووممن ذا الكلام

اللي قدمت عندو واحد دبه أسمراني مو دبه مرا بس مليان أسمو فهد صح عندي رقمو

شوف يا صحابي أنت إذا خلصت أوراقك بسرعه حتتلطع ولا تفكر أنو أوراقك حتروح الرياض لحالها لا يججمعو 15 ملف وبعدين يرسلوها الرياض يعني لو بدات الدوره وباقي ملفين ما أترسلو ما تلحق الدوره اللين يخلصو ملفات هذي النشبه اللي نشبت فيها وإذا بعد ثلاثه شهور ما أترسلت روح لـ النقيب عوض الغامدي وهو حيفهمك كل شي

في أحد رايح بكرا أبغى منكم طلب يروح يسأل فهد الملفات اللي عندك راحت الرياض قولو صاحبي ينتظر متى تروح الملفات إذا قالك راحت خبرني أنا في المنتدي

اول ماوصلت عند البوابه وفيه حديد الا يضرب راسه فيها يدخل والا مايضرل فيها الله يستر عليه مكتوب عليها ١٧٠ الطول المهم وبعدها تمسكً طابور حتي جوه ويقولك العسكري طلعو بطايقكم ويشوف العمر ١٤٠٥ مايقبلو وبعدها يخذ ٨٠ واحد يدخلهم المسجد ويوزع عليكم استمارات ومعروضً بس نصيحه تجيب قلم معاك والله تاكلها وتلطع وبعد ماتخلص ترتبها بلملف العسكري يقولكم كيف ترتبها وبعدها يخذ٢٠ واحد من الا خلصو ويوديهم صاله اللجنه ويعبولك الاستماره وبعدها تروح للنقيب يسالك سوالً عشان يبي يشوف كلامك كيف وبعدها يقولك روح للرائد وتقيسً طولك ووزنك اذا كان تمام يخذ ملفك ويعطيك ورقه صغير فيها موعد عشان اختبار لياقه والله يوفقكم هذا كل شي صار اليوم