بسم الله الرحمن الرحيم

بداية موضوعنا بسؤال ؟

س / إلى متى ؟

بداية انا موظف حكومي للأسف واعتبر من فئة المراتب البسيطه والتي راتبها لا يكفي لأبسط متطلبات الحياة كحال اكثر الناس في وطني الغني الذين ارهقتهم الديون وتكالبت عليهم ظروف الحياة واصبحوا بين هموم الديون ومتطلبات الحياة لهم ولعائلاتهم, عرفت عن منتدى بطاله وسجلت في الموقع على امل ان احصل على وظيفة ثانويه في المساء وانا اعلم اني سوف اظلم زوجتي وابنتي بهذا العمل لأني سوف اخرج من الصباح ولن اعود الا في اخر الليل ولن اوفيهم حقهم ولكن قلت في نفسي هو احسن من العيشه التي انا فيها اخرج ابحث عن الرزق والراحه ليست في الدنيا بل في الاخره , بدأت البحث والحمد لله الوظائف كثييييره جدا ولكن للأسف تصدم وتتعجب اذا كان الطلب للسعودي ولكن بشرط ان تكون غير موظف وذلك لإرضاء نظام نطاقات المفروض ظلماً من وزارة العمل والعجب انني كسعودي الاصل والمنشأ لا استطيع ان احصل على وظيفه تدعم وظيفتي الأساسيه اما الاجنبي فيستطيع ان يعمل في اكثر من عمل ولا حسيب ولا رقيب وزيادة على ذلك فهو مرحب به في كل مكان , حتى انني فكرت في ان اعمل سائق اجره بعد خروجي من عملي الأساسي ولكن للأسف الشروط ان لا تكون موظف حكومي .

اقتراح :
لماذا لا تكون الاعمال اجرها بالساعه من اراد موظفين فيكون العمل بالساعه وهذه الطريقة معمول بها في دول كثيره ومن فوائدها انها ستقلل عدد التأشيرات الممنوحه للمحلات والمؤسسات .

دمعه ألم :
ما الحل ؟

هل الحل اجبار المواطن على العمل الحرام أم ان الحل اجبار المواطن على القروض حتى يتم سجنه لعدم استطاعته السداد.

تسأل ؟

ماذا نفعل هل نهدم بيوتنا ونرجع زوجاتنا إلى اهاليهم ونعيش حياتنا كالمشردين , هل نلوم من لم يتزوج اذا عزف عن الزواج , هل نلوم من يسرق اذا سرق .

والله اللوم ليس عليهم ولكن على ........... !

ارجوا منكم الدعاء لي بأن يفرج الله همي ويعينني على سداد ديني وتذكر ان هناك ملك يقول ولك بالمثل .

الله يفرج همك وهم كل مهموم

ابحث ولا تيأس إن شاء الله تلاقي عمل

لو إنك في اليابان مثلا راح تلاقي عمل بالساعات ولا نقارن انفسنا بها ذيك دولة عاملة متقدمه العمل فيها على مدار 24 ساعه مثل ما سمعت نظام شفتات ,,,,,

عندي راي لك تقدر تكمل تعليم ؟! كمل اعرف واحد كان معاه الابتدائية عمره كبير شوي متوظف في شركة
متزوج وعنده عيال ما رضي بحالته وقرر إنه يكمل تعليم وصل للثانوية وجته وظيفة براتب افضل من الاول
وكمل جامعة وجته وظيفة افضل من الاولى والحين انتهى من الماجستير وأكيد راح يزيد من راتبه

حاول تكمل ترى الدراسه بسيطه بالمره

صدقني اتمنى إني موظف وظيفة حكومية مثلك حتى لو براتب قليل لكن الحمد لله على كل حال

حياك الله اخوي نواز شريف

نورت الموضوع

انا شهادتي دبلوم كليه تقنيه والأن اكمل الدراسه الجامعيه تخصص علم نفس وانا اشوف من نظرتي الشخصيه ان البكالوريس في وقتنا مثل الثانويه قبل 10 سنوات يعني يالله يأكل عيش لكن بأذن الله التخطيط ماراح يوقف على البكالوريس .

لكن الي اقصده اني انا اقدر الحمد لله اكمل تعليمي لكن في ناس كثييييييييييير مايقدر يكمل اما لضعف الامكانيات المادية او لظروف ثانيه , ليه مايكون عندنا نظام انه مسموح الجمع بين وظيفه حكوميه ووظيفه خاصه أو يتم السماح للموظفين بأفتتاح محلات بأسمائهم والي نعرفه ان كل المحلات لموظفين ولكن مسجله بأسماء زوجاتهم أو ابنائهم .

مشكلتنا كما قال الداعيه علي المالكي عندنا انظمه مكانها الطبيعي متاحف الآثار .

الله يفرج همك همنا ويوسعها عليك وعلينا وعلى ابناء الوطن
اناااا رايي انو نصر و نصبر حنا مابيدنا شي الا الدعاء بان الله يفرجها علينا
انااا عندي شهادة بكالوريوس في تخصص طبي وراح اكمل سنة بعد فترة ومو لاقية وظيفة
الحكومي تطول على ماتطلع الوظيفة
وقطاع الخاص يشترط خبرة ثلاث سنوات او خمس سنوات واحيانا يبون رجال موب حرمه
وقدمنا على الابتعاث رفضونا عشان السن يبون اقل من 27 سنة
والله انه شرط ظالمن على طلبة الطب بالنسبة الى جيلي تخرجنا 26 وسنة الامتياز 27 وخدلك شهر او شهرين على ماتخلص اوراقك والوثيقة
احس شروط مرتجلة وغير مدروسة صح
ما اقول الا حسبي الله ونعم الوكيل على كل ظالم
حبيت اشاركم بس وعبر عم يجول في خاطري

الله يفرج همك وهم كل مهموم
إخوي عليك بالليموزين والله ان فيه رزق واذا ماقدرت تطلع لك تكسي تقدر تاخذه أحد من ربعك تطلعه بسمه
والله يعينك ويعين الشعب السعودي المظلوم.

الحل وانا اخوك بسيط وسهل استعين بالله واستغفره كثير وصدقني بتفرج،، وخذ لك تاكسي من باب رزق جميل او حاول توصل مشاوير معلمات او طلاب داخل البلد وصدقني راح تنفرج باذن الله

في اغنى دول العالم مثلك وفيه من هو يعاني اكثر منك

حسبي الله ونعم الوكيل ..

الحمد لله والصلاة على اشرف الانبياء محمد صلى الله عليه وسلم نحمد الله انا بصحه وعافيه لكن هذا الزمن الحياه فيه صعبه لان مافيه مساعده من كل النواحي فمثلا تكون الاسره دخلها قليل واطفال ومدارس ومتطلبات اكيد بيكون فيه عجز وديون وايجار منزل فانا احدى الاسر المدمره ولله الحمد لاراتب ولا سياره ومنزل ايجار كون الراتب يذهب كله للديون طيب انا رحت الضمان ورحت ادور مساعدات لكن لم افلح الضمان عندك زوج اذا كان عاجز ايش اسوي انا واطفالي والله اعظيم اني اهين نفسي واطلب مساعده للناس حتى اعيش مثل الناس ولايجارات مانستيطع ندفع تشوفيني اتنقل من منزل الى اخر تعبت من هذه احاله لماذا كل هذاليه مايكون في حمايه وضمان لمثل حالتي اذا كان زوج ضيع نفسه بالديون طيب ايش ذنب ها الا طفال يعيشون كذا ياليت ابو متعب يوصل له كلامي ومعانتي انا واطفالي

اخواني واخواتي الي ردوا كل واحد بأسمه كلكم على راسي من فوق ونورتوا الموضوع.....

بالنسبه للي اقترح ليموزين والله حاولت ورحت لباب رزق جميل وقالوا انت موظف حكومي مايحق لك تطلع لموزين لكن رح دور لك شركه وخذ من عندهم , رحت لشركه كلمت واحد سعودي حولني على واحد مصري قلت انا سعودي وابي اخذ لموزين باليومي قالي مافيه باليومي للسعوديين لكن اذا تبي جب 7000 دفعه اولى وقسط 1800 كل شهر وجب كفيل وعندنا كامري 2008 خذها , شفت السيارات الي عندهم احسبهم فاتحين تشليح حتى الكلاب الله يكرمكم ماتركبها ولا تسوقها , والادهى والامر ان السياره تبقى بأسم الشركه وكل شي عليك من صيانه وزيت وغيرها يعني سياره منهلكه وتاخذها وتحسب عليك بـ 57000 الف ريال .
لكن ما نقول الا الله يفكنا من الاجانب واحد ورى الثاني ونعيش مثل الدول الثانيه ويصير كل تاجر خائن لبلده و مشغل هالعماله يضطر يوظف سعوديين .

اختي نزفة قلم والله عارف المعاناة الي انتي فيها خاصه شرط الابتعاث والله ظلم لأبعد درجه لكن اسأل الله العلي القدير ان يفرج همك وان يرزقك رزق حلال ما تدرين من وين يجيك .