تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
03-06-2008, 03:34 AM
|
|||
|
|||
اهل الهوى يا صاحبي (شلة خبول مجمعه)
كنت اتهزأ بالهوى وأهل الهوى يومي رضيع
واقرأ سوالف قيس ليلى والمجانين اربعة ابن الملوّح -والضريح - وثالث(ن) دايم يضيع وأنا يوم ان الله بلاني بالهوى الله يقلعه صرت اشهر خبول الهوى من يوم ماجيته جميع واهل الهوى يا صاحبي (شلة خبول مجمعه) لولا خبالي مابليت بحبها دامي وريع ولا تعرضت الشمالي في ثياب مرقعه ماكنت اظن ان الهوى قتّال وإن قلبي وديع الين شفت الموت الأحمر في عيون مبرقعه وبهالزمن يا صاحبي من يامن الطرف الوسيع وأنا صغيّر سن وابواب الخفوق مشرعه ياسعود هزت خافقي وأنا على خبرك شجيع ثم اعكست دورات دمه قبل تجزم تشلعه ثم طوعتني في ثواني وانت خابرني لكيع حتى الجبل وهو الجبل لو مايطيع تطوعه يالايمي في حبها وإن لمتني ماني مطيع وإن قلت عني امعه؟ انشهد اني امعه خلو سبيلي خافقي مطعون بالسيف اللميع وشلون يبرى والعروق امن الغرام مولعه اقول لك باليعربي : (ياصاحبي لا أستطيع فرقٌ كبير بين من يهذي ومن بالمعمعه إني سكيرٌ بالهوى والحب يا خلّي فضيع للحب سكرات كطعنات السيوف الموجعه) ماقصدي استعرض فنون الشعر في علم البديع وأنا الشعر من عادتي مانيب احب المعه أنا الشعر عمه وسيده اكتب البيت ويشيع من يستمع لاطرف بيوتي يرفع اله القبعه حسبي على وقت(ن) يدور وكل دوراته تريع اركى على قلبي يدور بكل دوره يصفعه ياصاحبي قلبي تقل (قوطي على الخط السريع ) إليا سلم من كامري يقفاه جمس ويقشعه  وكم مرت(ن) ياصاحبي عديت في راس الرفيع إن ضاق صدري واظلمت دنياي بالضيق اطلعه ياتنفرج يا صاحبي ؟ وإلا بخربها واصيع واعلم الوقت الردي وشهي اصول الصرقعه مادام عمري ضاع ؟ ابغنم عمري الباقي واضيع مادام وقتي طيبة الخبلان ماتنفع معه الله بلاني بالهوى واصبحت عبره للجميع واللي يتهزأ بالهوى خل التمهزي ينفعه كنت اتهزأ بالهوى وأهل الهوى يومي رضيع الين ماربي بلاني بالهوى الله يقلعه لـ عبدالسلام التويجري 
|
|
04-06-2008, 05:54 PM
|
||||
|
||||
|
صح لساااااااااانك..........
|
|
05-06-2008, 12:23 PM
|
|||
|
|||
|
صح السان شاعرها وانا اشهد انه شاعرررررررررر ماشالله عليه قسم قسمات بيوت بيوت بيوت بيوت صح ماشالله عليه الله يكفيه شر العين بس واذا للشعر شعار فهذا من اكبر شعار الشعر انا من هالقصيده احكم عليه انه شاعر ولو اقابله صدقني لحب على راسه عشان هالقصيده ماشالله عليه ومازالت ممملكتنا فيها الخير ومازال الشعر موجود مدام فيه مثل هالشعار الذين يتشرف الواحد ويتعب على جديدهم وعلى ابداعهم .
|
|
05-06-2008, 11:20 PM
|
||||
|
||||
|
قصيده رائعه الله يعطيك العافيه
|
| أضف رد |
|
(( لا تنسى ذكر الله )) |
|
|
|
|
العرض العادي
