انا يا شباب محتار ماني عارف وش اسوي والله
قلت خلني اقول سالفتي للشباب في المنتدى واشوف وش يقلون لي

انا عندي حاسب 6 شهور بعد الثانويه عمري الحين 22
طبعا حاليا انا طالب بالكليه التقنيه بتخرج وراح يكون عمري تقريبا 25
انا قدمت على العسكريه من اول ما اتخرجت ولاكن ما كتب الله ليا نصيب فيها
ودي اكمل الكليه وودي اسحب عليهم
اخاف لو سحبت على الكليه اتكي عاطل وتعدي سنتين ولا انا استفديت شي
كثيرين قالوا ليا خلك بالكليه واذا جات العسكريه اسحب عع الكليه
لاكن مشكلتي لو قدمت على العسكريه راح اهمل دراستي وراح اغيب ومن ذا الكلام
والسبب الاجرائات القبول المبدئي وبعدها الكشف الطبي 3 ايام وبعدها المقابله
والسفر لمنطقه ثاني لاجل الاجراءات
يعني وانا اسوي اجراءات القبول العسكريه اهمل الدراسه والمدرسين ياخذوا فكره سيئه عني
واخرتها ما انقبل
وراح تجيني نفسيه انكرشت من العسكريه ودراستي اهملتها
ولا استفديت شي والمعدل بيطيح
واتخرج بمعدل ضعيف وما انقبل بالعسكريه
والنقطه الثانيه

الحين انا تخصصي تسويق لاكن بحول الى دعم فني ان شاء الله
ودي اكمل الكليه واقدم على العسكريه وراح تفيدني وتعطيني رتبه حلوه
لاكن خايف من سالفه التعقيد العسكريه كل فتره يطلعون لنا بشي جديد تعقيد للوظايف
مثل الرخصه وتسديد المخالفات وشهاده الحاسب الاغلب الان يطلبونها
واخرتها الحين الامن العام شرط اختبار قدرات وما ندري وش باقي بيجينا من التعقيد
خايف ايضا من سالفه العمر انه لمن يجي وقت التخرج يقلون الي 25 او 26 وطالع
ما نقبلهم
واخرتها الطورى اخر شي بالعمر 28

فما ادري وش اسوي والله اني محتار اتمنى شوركم لي افداكم

اخوي خلك في كليتك والله يجيك رزقك ولد عمي اخذ الثانويه وجلس 5 سنوات عاطل بعدين درس الكليه وتخرج وعمره مايقارب 26 وجلس عاطل سنتين واخر شي جاء رزقه في المخدرات وكيل رقيب وفوق هذا طوله 164 وجاء رزقه وولد عمي الثاني تخرجو معا بعض من الثانويه وتوظف بعد الثانويه والحين جندي اول وهو وكيل رقيب بعد ماصقعتبه الدنيا خلك في دراستك لين يجيك رزقك وقدم وذا جاء رزقك لا تشيل هم ورزقك مكتوب من قبل ماتخلق

كمل دراستك
مافي افضل من الدراسة
ياااخوك كمل الدراسة
لانه لي عنده ثاااوية في هل زمن
هو لي ماعنده شهادة ابتدائي واحد
ورزقك جااااي جااااي
لاتفكر دااام عندك رب رحيم ماينسى احد

شف ابي اقولك اللي اشوفة

شهايد الدبلوم ماتسوى تضيع عمرك واخر شي عادي كأنك ثانوي بلس
وانا بعد دبلوم وندمت اشد الندم بعد محاولتي اكمل دراسة وما قدرت اللحين لو ابي ادرس من جديد بالثانوية

والعمل ماهو قاطعك عن الدراسة __
واذا خايف يتراجع مستواك الدراسي انا اقولك لا تفكر كثير لان هذي سارت معي قم افكر بالتفاصيل واخر شي يطلع الموضوع عااااادي .
وقت التقديم غيب ايش المشكلة خله يخذون الافكار اللي يبون هم عليهم من الاختبارات وانت اذا غبت يوم يومين ثلاثة ايام

وبعدين في كل حاجة في اولوية ,
وانت عارف وظائف مافيه وكل مالها بتعقيد .
والتسويق ترى ردو واحد لان الشهادة ماتنفع

لو كنت تدرس بجامعة وتتخرج بكلريوس _ كنت بقول لك كمل دراسة لان رح تقلى ابواب اخر تفتح لك مثل التدريس ماهو دبلوم وكل ما علت شهادتك تكون افضل

وانصحك اذا رحت اخترت تتعسكر لاتوقف الدراسة , كمل وحاول تاخذ اعلى شهادة وخذ راحتك منت مستعجل على الشهادة


... وفالك التوفيق ....

ياخي كمل دراسة كلها سنتين بتعدي زي سلام وعليكم وتتخرج وعمرك 24 . أهم شي الجد والإجتهاد والإبتعاد عن الغياب ولا تفكر تحذف أي ترم ,
والتقنية الدراسة فيها زي الموية.و بعدين تتخرج و تقدم وكيل رقيب فرررق كبيييييير عن جندي أول

وإذا ماسكة معك إلا تقدم بجندي أول وأنت تدرس ,
غيب وروح قدم وإذا رجعت روح أقرب مستوصف خاص خله يكتب لك سكليف ثلاثة أيام بالتاريخ اللي تبغاه .. ضبط وضعك كذا

وإذا جات الدورة ,
روح الكلية وإشرح لهم الوضع عشان مايضيع تعب دراستك ,
يسوون لك إعتذار عن الدراسة بحيث إنك ترجع تكمل عندهم بالنظام الموازي وتأخذ الدبلوم وبينفعك بعدين في النقاط والترقيات

الله يوفقك ..

كمل دامك دخلت الكليه كمل وتاخذ عريف ولا وكيل رقيب والله يووفقك يارب

كمل دراسة وقدم عسكريه ورتبتك وكيل رقيب

بيض الله وجهك وما قصرت على الافاده

بيض الله وجهك وانا اشهد ان كلامك صادق ان الثانويه الحين ما عاد تنفع
لاكن وانا اخوك خايف من سالفه التعقيد بالوظايف