السلام عليكم كيف حالكم طيبين

ياشباب انا موظف في شركه الراجحي للصناعه والتجاره ماتميت اسبوعين معاهم

حصلت على وظيفه في شركه المراعي حارس امن
طبعا اللي جابها لي حارس امن بالشركه يقول راتبيه 4900 بزياده سنويه

علما انني في الراجحي راتبي 3000 ريال وشغلتي امين صنوق وكاتب مبيعات والشغله صعبه شوي ومتعبه وفيها مسووليه والمراعي بس داوم في الكشك وخلاص

وش تشورون علي يالاجواد

واذا فيه احد متوظف حارس امن في المراعي يخبرني عن الدوام والبدلات

والسلام عليكم ورحمه الله

عليك بالاستخاره
ومن رائي شركه المراعي افضل
الله يوفقك

إنظر للمستقبل .. لا تنظر للتعب أو القيمة

لو إشتغلت حارس أمن ..!! خبرتها ما تصرفك و لا تنفعك ..

عكس الوظيفة الثانية حتى لو إنها متعبة ..

و كل ما صارات مسؤولياتك أكبر كل ما كنت بأمان أكثر

فكر بعمق لا تفكر بشكل سطحي ..

و النهاية لك الخيار

اخوي شوف اللي مستقبلها احسن وخبرتها تفيدك بعدين

حارس امن خبرته وش بيستفيد منها

ما معه الا يجلس رجل امن واذا ترقى ترقى صار مشرف امن

اشكركم ياخواني على ردودكم الطيبه وهذا فايده انشائي للموضوع. اني استفيد من اللي اكبر واخبر مني والحمدلله تصدقون اني مافكرت في الكلام اللي قلتوه خخخخ
بالنسبه للمستقبل هذا علمه مع الله وحده ثانيا انا مخططي غير انا ناوي ادرس بكالريوس علم نفس يعني باذن اللله اخصائي نفسي وبعد دكتوراه في هالمجال يعني انا ماهمتني الترقيات او مسمى الوظيفه لان اتجاهي غير اهم حاجه عندي اللحين الراتب والراحه انا لااقول اني مابي اشتغل لا لكن ادور على اللي يريحني ويكون متوفر وسهل المنال

طيب ياخوان وش رايكم اخذها ولا اخليها وظيفه المراعي علما ان مكان الوظيفه ذهب المقر صغير والشغل مافيه شغل بس البس لبس المراعي واجلس في الكشك الصغير تلفزيون ومكيف واذا جو مراقبين او مشرفين او زيارات تسجلها في دفتر معك بس
علما انني والله اني مارتحت مع ذا الشركه اللي انا فبها اصلا مبعد داومت بشكل رسمي انا اللحين في فتره تدريب اجي واجلس واشوفهم

شوركم ياخوان وين اروح
وموفقين

الله يوفقك ويرزقك ياولد الاجواااااااااااد ....

شركة المراعي شركة وقوية وعلى مستوى الخليج


اكبر مدخول وارباح لشركة اللبان شركة المراعي .

تاكد من الراتب الصافي لك وبالنسبه للدوام شفتات اكيد والاوف يومين ولا يوم استعلم عن كل حاجه لاتمشي ورى وكالة يقولون

اقرى العقد وشوف الي لك والي عليك ... وتمهل


وذا تفكيرك تبي راتب وستقرار عندك المراعي بكونك تبي تدرس بكالريوس اتوقع مناسبة لك ..



ونت استخير ماخاب من استخار الله سبحانه ....

الله يوفقك ويرزقك ...

شركة المراعي جدا قوية بس المسمى الوظيفي مايفيدك مستقبلا

الوظيفة الي انت فيها ممكن مستقبلا تستفيد منها كخبره..

أسأل الله تعالى لنا ولك التوفيف ..

[align=center]



بالتوفيق يارب...


وعقبال مانشوف موضوع لك تطلب فيه مشورة مفاضلة بين وظيفتين اخصائي نفسي...


[/align]

تسلمون ياشباب واشكر كل من رد علي وافادني والله يجزاكم خير
وابشركم رحت فرع شركه المراعي في الرياض وقدمت اوراقي والاتصال باذن الله قريب

وبالتوفيق للجميع