مساء الخير

العذر من الجميع يا اخوان ولكن ما اخرب البلد وزاد الاجرام فيها غيركم ومن على شاكلتكم

عشان اكسب الف الفين زياده على راتبي
افتح محل عقار واحط في اجنبي يلعب با اسعار العقارات
افتح مقاولات واحط فيه اجنبي ويلعب في المواد وجوده سيئة للبناء
افتح مطعم ومواد غذائيه فاسده والله اغلب المطاعم تفتقر اساسيات النظافه
افتح ورشه سيارات وسرقه ونهب للناس والله ياما غير في قطع السيارات وسرقوا قطع
افتح بقاله مواد شبه منتهيه الصلاحيه وتخزين سيء ولعب بالاسعار
كله عشان الف الفين تزيدهم على راتبك تخليهم يسرحون على كيفهم يضربون الاقتصاد وتحصلهم هالعامل اخر الليل دعاره ومخدرات وخمور وافساد الشباب
وانت نايم ببيتك اهم شي الاتاوه الشهريه حقتك توصلك
ولما يجي شاب يبي يترزق ويكسب يحصل عمالتك تنافسه وتتامر عليه والمافسه تطلعه برا ويدور وراوظيفه او 3000 ريال
والبلد صار كله اجانب
تبي مكتب و يجي العامل نهاية الشهر يرمي لك الف الفين وانت نايم والله من قل المرجله
والله لي قريب يدرس جامعه وهندسه بعد عمره 20 سنه اتعلم من النت كيف يغلف هدايا سوا محل صغير مره ب18 الف ريال واشتغل فيه لوحده والله صافي دخله اليومي في ايام الاسبوع مايقل عن الف صافي والاربعا والخميس ما يقل عن الفين ريال والشهر يعدي دخله 25 الف بالراحه وهو يداوم جامعه ويقعد المحل العصر

بلدنا فيها خير وانا حولي كثير جرب يشتغل تجاره وانا منهم وحصلنا خير كثير

وقرار وزير العمل الاخير يعني انت ياللي تشتغل بنفسك وتتابع شغلك اذا كنت تكسب اليوم 15 الف اليوم بكره بيصير فوق 30 الف لان المنافس راح والمحلات قلت والبلد نظف من هالمجرمين اللي ضربوا اقتصاد البلد القرار يستهدف كل القطاعات مو بس انت يا ابو بقاله و2000 ياروح ماما

الله يوفق وزير العمل والله انه اسعدني وابهج قلوب ناس كثير

وبالنهايه ما اقول غير سود الله وجهك و امثالك اللي يبعون بلدهم واقتصادهم عشان الف والفين لانه مايبي غير ينام ومكتب للمعوميه من دخل واشتغل بنفسه في السوق لو تعطيه راتب 10 الف والله مايرضى فيه

نام ياماما نام وكوابيس سعيده نتمناها لكم

سلام عليكم

الحين بفتح محل صغير متر في متر لازم اوظف سعودي ؟ واجنبي بعد

طيب مهب مشكله نوظف سعودي

اذا وظفت بتمشي اموري من وزارة العمل ولا لنا الله

[align=center]لا شك إن فيه جانب جيد .. .. ولاكن أعتقد إن ضرره علينا أكبر والله المستعان[/align]

مشكوره متمرده على المعلومه

حلو والله انا بشتغل فيه ومعي عامل

مستحيل افتح محل واسلمه هندي او غيره

الله يوفقكم لما يحب ويرضا يارب


متابع الموضوع ^_^

شوف في العالم كله كل قانون له سلبيات وايجابيات يمكن القانون كان هدف لتوظيف السعودين بس كانت السلبيات واقعه على اصحاب المشاريع الصغيرة والمتوسطة بس كل قانون له ثغرات قانونية مثلا تقدر توظف اخوك الصغير او قريبك حتى ولومايداوم